shani v shukra parichay shani ko “saurmandal ka gahna” (shramumas v ijim aivsant ailejmau) kaha jata hai kyonki inke charon or anek sundar valay parikrama karte hain. khagoliya drishtikon se shani ek gaisiya grah hai aur shani ko surya se jitni urja milti hai usse tin guni urja vah paravartit karta hai. shani ko naisargik rup se sarvadhik ashubh grah mana gaya hai jo duahkh, burhapa, deri, badha adi ka pratinidhitva karta hai.
shani ki shubh sthiti aur svamitva ekakipan, sthirta, santulan, nyayapriyata, bhay-mukti, sahishnuta, tap adi ki pravritti bhi dete hain. gochar men shani ko kal ka pratinidhi mana gaya hai. shukra sansarik grah hain parantu ati kathin, indriya-man sangrah ke karan inhen moksh ka karak bhi mana jata hai. prem, kala, kamechcha, amod-pramod, bhog, sugandh, akarshak vastra, samajikta, rajsik pravritti adi shukra ke karakatva hain.
inko asur-guru ki sangya bhi prapt hai. shukra ka vivah evan anya sabhi shubh karyon men mahatva hai aur unke ast hone par koi sansarik shubh karya karna varjit hai. shani-shukra ke paraspar sanbandh shani-shukra ki paraspar mahadsha ya antardasha ka vishesh niyam is lekh ka vishay hai. parantu us par tippani se purva inke paraspar sanbandh par sankshipt vichar karte hain. shani v shukra donon ek-dusre ke paraspar naisargik mitra hain aur panchdha men bhi ek-dusre ke shatru nahin ban sakte. shani, shukra svamitva rashi tula men uchch ke hote hain kyonki shani vayu tatva pradhan grah hain aur tula vayu tatva pradhan rashi hai.
iske atirikt shani tula men 200 par param uchch avastha men svati nakshatra men hote hain jiske adhishthata vayu dev hain. shani ko sainik mana gaya hai aur shukra rajsik pravritti ke asur guru hain jinke pas bhog-vilas ke sabhi sadhan upalabdh hain isilie shani ko shukra ki tula rashi men bhog-vilas ke atirikt shaktishali asur guru ka sanrakshan bhi prapt hota hai. paraspar dasha ka vichitra niyam brihatparashrhorashastram ke ath dashafladhyayah ke anusar grahon ke svabhavavash aur sthanadivash do prakar ke dashafal hote hain. grahon ki dasha ke fal unke balanusar hi hote hain.
shani-antardasha-faladhyay ke anusar shani ki dasha men shukra ka antar ho tatha shukra yadi kendra, trikon, svarashi, ekadash bhav men shubh drisht ho to stri-putra, dhan, arogya, ghar men kalyan, rajyalabh, raja ki kripa se sukh samman, vastrabhushan, vahnadi abhisht vastu ka labh aur usi samay agar guru bhi anukul ho to bhagyoday, sanpatti ki vriddhi hoti hai. yadi shani gochar men anukul ho to rajyog ya yog kriya ki siddhi hoti hai. yah hai dashafal ka sadharan niyam. paraspar dasha-antardasha men kaun kiske fal dega, iska ullekh laghuparashri ki karika 40 men hai:
parasparadashapo svabhuktau suryagyabhargavo. vyatyayen vishepen pradishetan shubhashubham.. uprokt karika ke anusar suryaj (surya putra shani) aur bhargav (shukra) apna shubhashubh fal paraspar dashaon men dete hain arthat, shani ka fal shukrantar men aur shukra ka fal shanyantar men milega. atah donon ki paraspar dasha-antardasha vishesh shubh ya vishesh ashubh fal deti hai. shukra svamitva rashi vrishabh ya tula lagn men shani ho to kramshah navmesh-dashmesh aur chaturthesh-panchmesh hokar yogkarak hote hain.
isi prakar shani svamitva rashi makar ya kumbh lagn men shukra ho to kramshah panchmesh-dashmesh aur chaturthesh-navmesh hokar yogkarak hote hain. uttar kalamrit ke dashafal khand ki karika 29 aur 30 men shani v shukra ki paraspar dasha ka ek vichitra niyam ullikhit hai jo anekon kundliyon men parkhne ke bad khara utrta hai aur samanya niyam men viprit hai: bhrigvarki yadi tughõme svabhvne vargottamado sthitau tulyau yogkrau tathaiv balinau tau chenmiyo pakgo. bhupalo dhandopmo'pi sattan bhikshashno nishfalah tatraikastu bali parastu vibalashchedviryavanyogdah.. 29 ..
1. shani v shukra donon hi agar uchchakshetri, svarashisth, mitrarashigat, vargottam, shubh sthanagat adi ho to inki paraspar dasha-antardasha men kuber ke saman dhani raja bhi bhikshavat ho jata hai.ydi ek balvan v dusra nirbal ho to paraspar dasha-antardasha men fal dete hain. tau dvavapyablau vyayashtaripugau tadbhavpau va'pi tat ta˜aveshyutau da shubhkrau saukhyapradau bhogdau
.. ekah sa˜avnadhipastadaparashcheddushtabha veshvar stavapyatra suyogdavtikhlau tau chenmahasaukhyadau.. 30 ..
2. yadi shani v shukra balrhit hon, trik bhavon men sthit hon ya trik bhavesh hon ya trik bhaveshon se yut hon to inki paraspar dasha-antardasha men shubh fal, sukh aur bhog prapt hote hain arthat shani-shukra ki paraspar dasha-antardasha ki visheshta yahi hai ki agar donon ashubh hon to bahut shubh fal prapt hote hain.
nishkarshata: vishesh niyam yah hai ki donon paraspar dasha antardasha men vishesh shubh hone par atyant ashubh fal, vishesh ashubh hone par atyant shubh fal denge aur mishrit hone par apne fal dusre ke antardasha men dete hain. shukra dasha sitambara-1977 se navambara-1980 tak thi. unhonne 1977 men satta khoyi jo unhen 1980 men punah prapt hui. uprokt janmakundli men shukra evan shani svarashisth hokar bali hain. jatak peshe se ek doktar hai aur uske char aspatal hain. shani-shukra ki dasha navanbr-2014 se janvri-2018 tak hai.
pichle varsh se jatak ka svasthya (fefron ke samasya) kharab rahne laga aur 2016 men bahut hi adhik kharab rahne laga hai. samasya itni adhik barh gayi hai ki ye navambara-2016 se amerika men ilaj karva rahe hain jisapar bahut vyay ho raha hai aur unki anupasthiti se vyavsay par bhi nakaratmak asar par raha hai. uprokt janmakundli men shukra svarashisth aur shani vargottam hain.
shani-shukra ki dasha agasta-2013 se aktubr-2016 tak rahi aur is avdhi men jatak ka eksaport ka vyavsay lagabhag band ho gaya aur usne ek praivet kolej men profesar ki naukri ki. kuch mahinon ke bad dusre kolej men naukri karni pari aur fir us kolej ne bhi lagabhag ek sal tak tanakhvah nahin di fir bhi jatak naukri karta raha. shani-shukra khatm hote hi jatak ne himmat karke naukri par jana band kiya aur sansthaon men taim mainejment ka prashikshan dena praranbh kiya jo ab bahut achcha chal raha hai.
yahan tak ki disambara-2016 ke dusre saptah men kolej se pura bakaya paisa mil gaya. nishkarsh dashafal ke sadharan niyamon ke viprit shani v shukra ki dasha-antardasha ke fal prapt hote hain. iska ek karan yah bhi ho sakta hai ki shani ek antarmukhi aur shukra ek bahirmukhi grah hain jisse inka paraspar samanvay nahin ho pata. atah inki paraspar dasha-antardasha ke falon par nirnay bahut soch-samajh kar karna chahie.