do paraspar viruddh svabhav ki maulik shaktiyon ke madhya sambandh sthapit hona hi vivah hai. jahan prachin yug men kutunb ko dekhakar vivah nishchit kiya jata tha, vahin adhunik yug men jatak ke arthik star ko adhik mahatva diya ja raha hai. ajakal ke pratispardhatmak yug men jatak ko apna arthik star majbut karne men samay lagta hai jo sadharntya ek sudrirh shaikshanik yogyata ke pashchat hi sanbhav ho pata hai. parinamasvarup, vivah ki samanya ayu sima barhti ja rahi hai.
vivah samay nirdharan men saptama-saptamesh sambandhit samanya niyamon ke atirikt jyotishiya yogon ki upasthiti ko dekhna bhi avashyak hai. jyotishiya shastron men panch varsh se taintis varsh tak ke vivah yogon ka ullekh hai isilie adhunik yug men inka prayog keval desh-kal-patra aur uha-poh se kiya jana avashyak hai. samanyatah vivah samay nirdharan ke lie nimn tin sutriya niyamon ka prayog kiya jata hai
1. vivah ayu khand ka nirdharn
2. ayu khand men upyukt dasha ka chayn
3. dasha men upyukt gochar ka chayan is lekh men keval pratham sutra par hi charcha ki jaegi kyonki yahi baki donon sutron ka adhar hai.
agar ayu-khand hi galat nikal gaya to dasha aur gochar se vivah samay nirdharan karne ka koi auchitya hi nahin rah jata. vivah-hinta is lekh ke dayre se bahar hai. ayu khand ka nirdharan bharat jaise vishal desh men har 100-150 kilomitar par samajik manyata aur paripati badal jati hai. udahrntah dilli-munbai jaise mahangron men agar purush ki 28 varsh ki ayu ko samanya vivah yogya ayu mante hain, to isko vahan se kuch dur chote shahar ke ganv men vilamb mana jata hai.
isilie jyotishi ko jatak (patra) ki shaikshanik, arthik, samajik, parivarik prishthabhumi samajhakar hi uski samanya vivah yogya ayu-khand ka nirdharan karna chahie. vivah ayu-khand ko nimn tin shreniyon men banta ja sakta hai:
1. shighra vivah
2. samanya vivah-ayu
3. vilamb se vivah sarvapratham, desh-kal-patra ke anusar samanya vivah ayu khand nirdharit kar len.
jaise, dilli/munbai men rahne vale ek madhyam vargiya parivar ki samanya shikshit kanya ki samanya vivah-ayu 23-25 varsh hogi. ek anya madhyam vargiya parivar ki uchch shikshit beti jo videsh men karyarat hai uski samanya vivah-ayu 26-28 mani jani chahie.
rajasthan ke ganv men rahne vale garib parivar ki ashikshit kanya ki samanya vivah-ayu 18-20 varsh mani ja sakti hai. shighra vivah ke niyam evan yog is ayu-khand men vivah samanya vivah ayu se pahle hota hai. kundli men mukhyatah nimn samanya niyamon ke hone se shighra vivah hone ki sanbhavna banti hai:
1. lagn aur saptam bhavon par shubh grahon ka prabhav ho. iski pushti navansh se bhi honi chahie.
2. saptamesh ashubh sthit ya pirit n ho.
3. lagnesh aur saptamesh ka rashi parivartan ho aur donon par ashubh prabhav n ho. kundli men mukhyatah nimn shastriya yogon ke hone se shighra vivah hone ki sambhavna banti hai:-
1. saptam bhav men shubh rashi ho, vah shubh grah se yut aur shubh grah drisht ho to shighra vivah hota hai (jatkabhrnm).
2. shukra svarashisth ya uchch rashisth ho aur saptamesh shubh grah ki rashi men hon. (vrihat parashar hora shastra)
3. shukra evan saptamesh ki yuti ho aur surya saptam men ho.(vrihat parashar hora shastra)
udaharan kundli 1 ki jatika ek madhyam vargiya parivar men janmi samanya shikshit mahila hai. saptam bhav par do shubh grahon ka prabhav hai jinmen se ek saptamesh guru bhi hai. navansh men saptamesh shani saptam men hi hokar bhav ko bali kar rahe hain.
halanki navansh men rahu bhi saptamasth hain parantu donon kundliyon men rahu kendra men rashish se yut hokar bhav vriddhikarak hain. jatika ka samanya ayu khand 22-24 varsh mana ja sakta hai. jatika ka vivah 21 varsh ki ayu men navambar 2003 men udahrn-1 janmakundli janm 20-1-1983, samy: 23ah25 sthan: kanpur hua tha. samanya vivah ayu ke niyam evan yog is ayu khand men vivah samanya vivah yogya ayu men hota hai.
is ayu khand men shighra vivah vale niyam hi lagu hote hain parantu kuch ghatkon par pira payi jati hai parantu pira ki apeksha shubhta ki matra spasht rup se adhik hoti hai. kundli men mukhyatah nimn shastriya yogon ke hone se shighra vivah hone ki sambhavna banti hai:
1. shani evan chandra ki yuti ho aur yah yuti shukra se saptam bhav men hane. (brihat parashar hora shastra)
2. shukra dvitiya bhav men hon aur saptamesh ekadash bhav men hon. (vrihat parashar hora shastra)
3. lagnesh dasham men hon aur dvitiyesh ekadash bhav men hon. (brihat parashar hora shastra)
4. dvitiyesh aur ekadshesh ka rashi parivartan ho. (brihat parashar hora shastra)
5. shukra kendra men hon aur shani unse saptam bhav men hon, arthat donon kendra men sam-saptak hon. (brihat parashar hora shastra)
6. shukra kendra men hon aur lagnesh makar ya kumbh rashi men hon. (brihat parashar hora shastra) udaharan kundli 2 ki jatika dilli ke madhyam-vargiya shikshit parivar ki shikshit kanya hai. lagn aur saptam bhav par tin shubh grahon ka prabhav hai aur lagnesh evan saptamesh ki saptam men yuti hai.
navansh men bhi saptam bhav par shubh prabhav udahrn-2 janmakundli janma: 29-8-1969, samy: 20ah00, sthan: nai dilli adhik hai. saptamesh janmakundli men svarashisth hokar bali hain parantu min navansh men hain jo lagn rashi to hai parantu saptamesh ki nich sthiti bhi hai arthat, kuch pira hai. vivah ke lie jatika ka samanya ayu-khand 24-26 varsh mana ja sakta hai. jatika ka vivah 24 varsh ki umra samanya vivah-khand men hua.
vilamb se vivah hone ke niyam evan yog:- is ayu khand men vivah samanya vivah ayu khand ke bad hota hai. kundli men mukhyatah agralikhit niyamon ke hone se vivah vilamb se hone ki sambhavna hoti hai:
1. saptam bhav pirit ho aur saptamesh pirit hon ya saptamesh asta/nich hokar nirbal hon. is sandarbh men agar surya ya rahu/ketu ki sthiti saptam men ho aur un par anya ashubh grahon ka prabhav bhi ho, tabhi adhik pira manen, anyatha samanya pira hi manen.
2. vivah bhavon (pe ppe ptae tappe tapppe gpp) men shubh grah vakri hon.
3. shukra asta/nich hon ya pirit hon aur ashubh navansh men hon (striyon ki kundli men guru ka akalan bhi avashyak hai).
4. yadi surya (atma), chandra (man) aur shukra (vivah kark) men se kam se kam do shani se pirit hon.
5. striyon ki kundli men ashtam bhav (manglik sthan) ka pirit hona bhi vilamb kara sakta hai.
6. saptamesh budh hon ya saptam bhav men budh hon aur vah shashthesh aur dvadshesh se yuti karen. budh ko vivah ke drishtikon se ek napunsak grah mana jata hai aur dvadshesh shayan sukh se sambandhit hai aur shashthesh ki yuti donon bhavon ke falon ko kam kar deti hai.
7. shani aur budh saptam men ho aur un par pap prabhav ho kyonki shani ko bhi vivah ke drishtikon se ek napunsak grah mana jata hai. kundli men mukhyatah nimn shastriya yogon ke hone se samanya vivah-ayu ke bad hi vivah hone ki sambhavna banti hai:
udahrn-3: janmakundli janma: 02-10-1968, samy: 19ah30 sthan: pathankot
1. shukra aur ashtamesh mangal ki dvitiya bhav men yuti ho jo mesh aur kanya lagn men hi sanbhav hai. (vrihat parashar hora shastra)
2. ashtamesh saptam bhav men hon aur shukra lagn ke navansh men hon. (vrihat parashar hora shastra)
3. pancham bhav men shukra evan rahu ki yuti ho ya pancham men shukra hon aur navam bhav men rahu hon. (vrihat parashar hora shastra)
4. tritiya bhav men shukra hon aur navam men saptamesh hon. (vrihad parashar hora shastra)
5. lagnesh yadi saptamesh ke navansh men ho aur saptamesh dvadash bhav men sthit hon. (vrihat parashar hora shastra)
6. saptam bhav men budh aur shukra ho to purush strihin hota hai. yadi shubh grah se drisht ho to ati vilamb se vivah hota hai. (jatkabhrnm)
udaharan kundli 3 ka jatak ek shikshit madhyam-vargiya shikshit parivar se hai. keval niyamon ko dekhen to samanya ayu-khand ke ant men vivah lagta hai kyonki saptam bhav aur saptamesh shubh prabhavit hain aur saptamesh svarashisth hain parantu navansh men saptam bhav par adhik pira hai halanki bhav bhavesh dvara drisht bhi hai. jatak ka samanya vivah ayu-khand 26-28 varsh mana ja sakta hai parantu bharpur koshishon ke vavjud 48 varsh ki ayu tak bhi vivah nahin hua hai kyonki is kundli par jatkabharanam ka budh-shukra ka saptamasth hone vala shastriya yog purn rup se lag raha hai.
nishkarshatah badlti samajik paripati ke karan sarvapratham vivah yogya ayu-khandon ka desh-kal-patra ke anusar nirdharan karen. uske pashchat samanya niyamon aur shastriya yogon ke akalan se yah nishchit karen ki vivah kis ayu-khand men hone ki sanbhavna hai. ant men upyukt dasha evan gochar ka prayog karte hue vivah samay nirdharit kiya jana chahie.