log kahte hain kisi ek ke jane se hamari jindgi ruk nahin jati lekin yah bhi ek sach hai ki lakhon ke mil jane se bhi us ek ki kami puri nahin hoti ajakal ke yuvavarg ko atmahatya apni mansik pareshani, duahkh, abhav ya kisi bhi samasya se mukti ka bahut saral upay lagta hai. subah jab bhi samachar patra uthao koi n koi khabar atmahatya ki avashya mil jati hai. pati-patni men apsi ranjish, mata-pita se mansik matbhed, premi-premika ke rishtane men banavtipan athva vivahettar sanbandh, parhai men kam nanbar ana athva apni kisi priya vastu jaise mobail ka kho jana adi kitni choti baten hain jinhen hal karne ki bajay vyakti khud ko khatm karne ki koshish karta hai.
jo jivan hamen ishvar ne kitne punyon ke pashchat diya hai, use vyakti khatm karne men ek sekend nahin lagata. yah shayad aj ke samay men dhairya, hausle, khud par vishvas ki kami hai ki vyakti apne bhavishya ke bare men anya vikalpon ke bare men nahin soch pata aur jindgi ko khatm karna hi use akhiri aur asan vikalp lagta hai. jivan ko ek chunauti ke rup men jina aur har samasya ka hal drirh ichchashakti aur vishvas se nikalna hi jine ki kala hai. yahi dilli pulis ke e.si.piamit sinh ke sath hua. unhonne 16 navanbar 2015 ko noyda sektar 100 sthit lotas apartament men apne hi sarvis rivalvar se khud ko goli mar kar atmahatya kar li aur jab unki patni dae. sarita sinh ne unhen mrit dekha to usne bhi turant chaku se apne ko khatm karne ki koshish ki aur jab unhen parosiyon ne rok liya to ve turant balkni men jakar chaithi manjil se niche kud gain.
unhen turant pas ke hi aspatal men bahut hi buri halat men dakhil karaya gaya lekin do din bad ve bhi is duniya se chali gain aur piche chor gain keval 18 mahine ki nanhin bachchi jisne abhi bolna bhi shuru nahin kiya aur n hi vah apne mata-pita ka sukh kabhi bhog paegi. e.si.pi. amit sinh dilli pulis ke speshal sel ke tej tarrar adhikariyon men gine jate the. mulrup se chapra (bihar) ke rahne vale amit sinh ka tin sal pahle hi banda ki rahne vali bi. di. es dae. sarita sinh se vivah hua tha. amit sinh ek madhyam parivar se the. unke mata-pita ne unhen kafi ummidon ke sath itna parhaya tha aur amit bhi apne parivar ke prati apni jimmedariyon ko samjhte the.
itni bari post par pahunch kar ve apne parivar ko ve khushiyan dena chahte the jinko uske mata-pita ne uski khushi ke lie kabhi chah hi nahin ki thi. unka ek sapna tha ki jab unhen unka mukam hasil ho jaega to apne mata-pita ko apne sath rakhenge, barhti umra men unka sahara banenge. unki man ka svasthya kafi samay se kharab chal raha tha. ve bhi apni vyastata ki vajah se unka thik se ilaj nahin karva pae the lekin dilli akar unka yahi plan tha ki ab apni man ko apne pas bulakar unka ilaj karaenge. inki bahan bhi vaidhavya ke dukh men ji rahi thi.
ve chahte the ki use parhakar usko svavlanbi bana den. idhar sarita banda ke bahut hi pratishthit parivar ki putri thi. unhonne merath ke kaelej se hi bidi. es. ki parhai ki thi. shuru se haestal men rahi thi aur ajad khyalon ki navyuvti thi. vivah ke ek varsh men hi kavya ka janm ho gaya tha jiske karan vishuddh gharelu jivan sarita ko kara bandhan lagta tha. vah abhi naukri karna chahti thi, apna kariyar banana chahti thi par amit chahte the ki vah ghar aur bachche ki jimmedari achchi tarah se sanbhale. unhen lagta tha ki jab ve itni achchi pratishthit pad par hain to sarita ko naukri karne ki kya jarurat hai aur fir kavya ko jo parvrish man de sakti hai vah naukar nahin de sakta. bas yahin se shuru ho gaya apsi matbhedon ka daur. amit chunki speshal sel men the isiliye kafi vyast rahte the. ghar par jab bhi jate sarita se unki kaha suni ho jati thi. vah apni naukri ki chah ke karan bahut vyathit rahti thi. udhar abhi kuch samay se vah apni man aur bahan ko bhi ghar lana chahte the. man ka ilaj karana chahte the par sarita ko yah pasand nahin tha. vah apne jivan men unki dakhlandaji nahin chahti thin.
inhin baton ko lekar unmen aksar jharap ho jati thi aur amit andar hi andar ghulte ja rahe the. vah apna dukh kisi se sheyar bhi nahin kar sakte the aur apne mata-pita ke lie apna farj n nibha kar atmaglani ke bojh tale dabte ja rahe the. 16 navanbar ki rat bhi shayad donon ke bich inhin baton ko lekar jhagra hua hoga aur amit apni bhavnaon par kabu nahin rakh pae aur unki mansik sanvednaen itni barh gain ki kuch hi sekend men unhonne apni hi sarvis rivalvar se khud ko goli mar li aur udhar sarita ne kabhi sapne men bhi yah nahin socha tha ki apsi ranjish is tarah ka mor legi aur vah amit ki atmahatya ka sabab ban jaegi. vah bhi shayad khud ko maf nahin kar pai aur turant hi apne ko khatm karne ka nirnay le liya. nishchit rup se is ghatna ne sabhi ko jhakjhor kar rakh diya. thora sa dhairya, vishvas aur drirh sankalp nishchit rup se donon ki jan bacha sakta tha. lekin vidhi ko kuch aur hi manjur tha. aiye dekhte hain amit ki janmakundli ke aine se amit ki kundli ke anusar inka sinh lagn hai tatha sinh rashi men hi man ke karak chandra aur shani ki yuti ban rahi hai.
is yuti ne jahan ek or unhen kushal prashasak banaya vahin is yuti se vish yog bhi ban raha hai jiske karak amit apne man par niyantran nahin rakh pae. markesh shani ki lagn men chandrama se yuti hone se amit atyadhik mansik tanav se grast the aur isilie patni se jharap hone ke bad svayan ko samapt kar liya. amit atyant hi bhavuk aur sanvednshil vyakti the. lagn men purn balvan chandrama unhen ati sanvednshil bana raha tha. ve n to kisi ka dil dukha sakte the aur n hi apne dil ko kathor banakar apna jivan bita sakte the. choti-choti batane unhen andar tak kachot deti thi. sukh karak chandrama vyayesh hone ke karan sukh ka vyay kar raha tha tatha duahkh karak v markesh shani ke sath hone se adhik mansik pratarna bhi de raha tha. amit ki kundli men saptamesh shani markesh bhi hai. kundli ka dusra marak grah budh bhi saptam sthan arthat patni ke sthan men sthit hai tatha ashtam se ashtam sthan ka svami shukra bhi patni sthan men sthit hai. amit ki kundli men saptamesh aur lagnesh ka sthan parivartan yog bhi ban raha hai.
islie patni se matbhed hone ke bad amit ne atmahatya ki aur sarita ne bhi tunrat hi apne ko khatm karne ke lie chalang laga di. amit ki kundli men dashmesh shukra, lagnesh surya aur labhesh v dhanesh budh tinon grah kendra men yuti bana kar bahut balvan ho gaye hain. panchmesh guru aur bhagyesh mangal bhi labh bhav men yuti men hain tatha guru ki dashmesh shukra par bhi drishti hai. islie amit ko pulis vibhag men uchch pad ki naukri prapt hui aur ve apne kariyar men nirantar pragti par the. saptamesh lagnesh ki paraspar drishti yog hone se tatha saptam bhav balvan hone se inka vivah ati vishisht sanpann parivar ki parhi-likhi larki se hua. vartaman samay men amit ki rahu ki dasha chal rahi thi tatha rahu marak bhav men baithe hain aur gocharasth rahu bhi usi bhav se gochar kar rahe hain. saptamesh shani jo markesh bhi hai vah sukh bhav ke upar se gochar kar rahe the aur dasham drishti se lagnasth chandra aur shani ko purn drishti dekar amit ke mansik santulan ko bigar rahe the jo danpatya jivan ke lie ashubh hota hai. dusri or rahu men vyayesh chandra ki antardasha atyant ashubh hone se marak ban gai. brihat parashar hora shastra ke anusar bhi amit ki kundli men alpayu yog ban raha hai.
brihat parashar hora shastra ke anusar yadi chandra, lagn ya saptam men ho to chandra tatha shani se hi ayu ka vichar karna chahie. amit ki kundli men shani aur chandra, lagn men sthir rashi men hain jiske karan alpayu yog banta hai. is sansar men kai tarah ke manushya hote hain. kuch ve jo pratah smaraniya, sanvednshil, daya, sneh, kartavyanishth v manvochit devtulya gunon se bharpur tatha kuch ve jo atmakendrit hote hain aur apne kartavyon ki apeksha adhikaron ki hi bat karte hain lekin atm kendrit vyakti daya ki bhavna se rahit hone lagta hai. use dusron ki bhavna ki kadra kam hi hoti hai tatha use apni svarthaparata ke age sabkuch chota lagne lagta hai. vah keval apne hi bare men sochne lagta hai. aise atmakendrit manushya ko yadi kisi sanvednshil, vinamra v saral svabhav ke manushya ke sang rahna ho to yah bat tay hai ki vah us saral manushya ka purnataya shoshan kar sakta hai.
aisa hi hua esipi sinh ke sath jo ek atyant saral, vinamra, kshamashil v atisanvednshil vyakti the jabki unki patni purnataya atmakendrit v keval apne hi bare men sochne vali adhunik vicharon ki mahila thi. esipi sinh sanskari the islie apni bimar man ki seva karna chahte the parantu apni patni ke samne unki ek n chali. esipi sahab vichlit ho uthe. unhonne socha ki jis man ne unhen 9 mahine apni kokh men rakha, janm diya, pal-pos kar bara kiya, parha-likhakar afasar banaya us man ke lie aj ve kuch bhi nahin kar pa rahe hain. unki atma dravit ho uthi. ve apne ap ko purnataya ashay mahsus karne lage aur kshanik avesh men akar unhonne apni jivnlila hi samapt kar li aur apne piche apne bujurg man-bap v apni nanhin si bachchi ko rota-bilkhta chor gae.
samaj men barhti hui atmahatyaon se ham sabko atmamanthan karna chahie ki yah jivan jise ishvar ne jine ke lie diya hai use ham kaise apni bebsi men khatm kar sakte hain. samay kabhi bhi ek sa nahin rahta hai. aj bura hai to kal achcha hoga islie ghabraen nahin. vishvas rakhen ki achcha samay avashya aega aur aj yadi ishvar mehrban hai to kal najren fer bhi sakte hain islie dharatal par rahna sikhen. choti-choti baton par itna vyathit nahin hona chahie balki thora sanyam rakh, dusre raston ko talashna chahie. amit yadi thora sanyam rakhte, sarita se shanti se bat karte, ya fir apna drirh sankalp lete to nishchit rup se kuch n kuch rasta jarur nikal ata aur kavya bina mata-pita ki n rahti. is ghatna ko bite abhi kuch hi din hue the ki kuch din pahle aisi hi ghatna fir se parhne ko mili jismen pati ki mrityu ke pashchat patni ne bhi chaithi manjil se kud kar atmahatya kar li aur piche 6 varsh ki bachchi ko chor gai .
aisi ghatnaen vastav men sabhi ko bahut kasht deti hain kyonki atmahatya karna hinsa aur jaghanya apradh hai. jis prakar dusron ko kasht pahunchana galat hai thik usi prakar apne ko kasht dena ya atmahatya karna bhi dharm ke viruddh hai. avashyakta hai gandhi, buddh, mahavir v sanatan dharm ki rirh ahinsa ke punravlanban ki jisse nayi pirhi jivan ki chunautiyon ka samna karte hue pathabhrasht n ho aur unhen apni ichchashakti v atm vishvas ka sudrirhikaran karne hetu uchit margadarshan prapt ho sake. man, vachan v karm se kisi ko kasht n pahunchaen. man, vachan v karm se kisi ko bhi kasht pahunchana hinsa kahlata hai. yadi ek atyant sanvednshil vyakti ko man, vachan ya karm se atyadhik pira pahunchai jay to vah uska pratikar nahin kar pata aur prayah palayan kar jata hai. islie kabhi kisi ko itna kasht n pahunchaen ki use ghutan mahsus hone lage aur vah jivan se har manakar palayan kar le.