kaha jata hai ki jo chalte raste men ruk jata hai, vah raste ka patthar ban jata hai, duniya usko takkar marakar age barh jati hai aur vah vahin raste ka patthar banakar duniya ki thokar matra khane ke liye rah jata hai. agar manjil pana hai to har sthiti men har samay pragti ke path par age barhte hi rahna hota hai. yah bat kisi bhi kshetra men sahi charitarth hoti hai chahe vah vigyan ka kshetra ho, kala ka ho, film ka ho ya rajniti ka ya fir jyotish ka hi kshetra kyon n ho. isi bat ko jyotish ke kshetra men sabse age rahne vali sanstha fyuchar paeint ne samjha.
tabhi to kabhi daes ya flaepi par chalne vala sarvadhik prasiddh jyotishiya saeftaveyar pragti par age barhte huye daes se vindoj sistam par aya aur deskataep par chalne vala saeftaveyar taib par aya aur age barhte huye svich vale mobail par aya aur aj sabse navinatam taknik tach skrin vale mobail par endraeyad aepreting sistam par kam kar raha hai. yah to bat hui navinatam taknik ki. aisa nahin ki pahle vala jyotishiya saeftaveyar aj bhi usi star par karya karta hai.
ismen aur adhik sukshm gannaon ke sath-sath ganna ka vistar, sanshodhan v shodh bhi samy-samay par hote rahe hain aur unka samavesh is saeftaveyar men hota raha hai. jahan tak am vyakti ki bat hai pahle isko daes par data taip karke flaepi lagakar chalaya karte the, fir hardadisk ki sahayta se chalate the. uske pashchat is saeftaveyar ko jab vindoj men viksit kiya gaya to liyo-1 tatha liyo-99 ke nam se jana jane laga.
fir ismen avashyak sanshodhan v vistar karke naya saeftaveyar banaya gaya, jisko ‘liyo golda’ ke nam se jana jane laga. iske pashchat ismen anekanek vistar kiye gaye balki shodh karne vale jyotishi chatron ka dhyan rakhte huye shodh karne ka saeftaveyar jora gaya, jisko ‘liyo star’ ke nam se jana jane laga.
iske pashchat aur adhik vistar v suvidha ki drishti se ek hi skrin par sari avashyak jankari pradarshan ki suvidha ke sath-sath kai prakar ke jyotish saeftaveyar jaise- jyotish, melapak, ankshastra, varshafal, lal kitab, panchang, muhurt adi sabhi saeftaveyar ek sath chalane ki suvidha ke sath yah saeftaveyar taiyar kiya gaya jisko ‘liyo star’ profeshanal sanskaran ke nam se jana jane laga.
vartaman men ‘liyo star’ ka bhi age vistar kiya gaya jisko tin navinatam sanskaranon men nikala gaya. sarvapratham liyo hom yah vah sanskaran hai, jismen vyakti apni jyotish se sanbandhit nyunatam avashyaktaon ko dekh v print kar sakta hai. lekin jab anya sabhi saeftaveyar ki purn ganna v vistrit rup se chalana chahta hai to usko ‘liyo star’ ke ‘profeshanal sanskarana’ ki avashyakta parti hai
jaisa ki ap iske nam se hi samajh sakte hain. is sanskaran ka uddeshya hai jyotishi dvara janmapatri chapakar v vistrit faladesh v ganna dekar vyaparik drishti se prayog karna. lekin jab jyotishi apne anubhav v shodh ke adhar par apni taraf se bhi kuch vishesh faladesh ya upay jorna chahta hai to vah iske dvara sanbhav nahin hai. aise men ek aur edvans saeftaveyar ki avashyakta pari jisko liyo star- ‘eksapart sanskarana’ ke nam se jana jata hai.
kisi bhi edvans chij ki avashyakta tab tak mahsus nahin hoti jab tak ki uske dvara prapt hone vali sari suvidhaon ka pata n chale. yah thik usi prakar hai, jaise kam to tab bhi chal jata tha jab sanchar madhyam men keval dak vibhag dvara patra likhe aur parhe jate the.
fon karne ke liye kafi-kafi samay tak pratiksha karni parti thi aur fon ek jagah sthir rakhe rahte the. lekin aj ke yug men jab logon ne imel aur mobail fon suvidhaon ka prayog kabhi shauk ke taur par kiya tha, lekin aj in chijon ke bina jindgi asanbhav si lagne lagi hai, thik isi tarah jab ap liyo star ka eksapart sanskaran prayog karne lagenge to iske bina kam kar pana asanbhav sa lagne lagega kyonki aj ke vartaman yug men naye vatavaran men i-mel v mobail ki suvidha ke gyan se koi bhi anbhigya nahin hai.
sath hi koi bhi aisa vyakti nahin hoga jo iske labh aur upyogita ko nakar sake. kahne ka tatparya yah hai ki kam to tab bhi chalta tha jab intaranet dvara i-mel bhejne ki suvidha ya mobail fon se kahin bhi, kahin se bhi fon karne ki suvidha upalabdh nahin thi.
lekin aj vartaman samay men agar koi vyakti sirf laindlain fon ya dak dvara patra bhejne tak hi simit hai to use aj ke samay men samjhdar nahin kaha jaega tatha pichra hua mana jaega. aiye janen ki liyo star eksapart sanskaran men aisi kaun si khubiyan hain jiske karan yah aj ke samay men sabse adhunikatam saeftaveyar ban chuka hai.
is saeftaveyar ki visheshtayen batane se pahle hamen yah janna avashyak hai ki jyotish ke kshetra men kis tathya ki kitni avashyakta v uski upyogita evan mahatva hai. jyotish ke kshetra men sabse mahatvapurn tin tathya hain-ganna, faladesh aur upay. sarvapratham ganna vistrit hone ke sath-sath uska shuddh hona aur satik hona avashyak hai.
ganna jitne sukshm star tak shuddh se shuddh hogi, vah utna hi satik faladesh karne men samathryavan adhar hoga. dusre star par ata hai faladesh. faladesh karne ki to bahut sari paddhatiyan prachlit hain, ek paddhati, dusri paddhati ke saman hi ho yah avashyak nahin hai.
in paddhatiyon men mukhya paddhati jo prachlit hai vah hai parashri paddhati. iski anya prachlit paddhatiyan hain- krishnamurti paddhati, lal kitab, tajik paddhati, prashn paddhati, jaimini paddhati, ashtakavarg paddhati adi-adi. in sabhi paddhatiyon ka to samavesh liyo star ke profeshanal sanskaran men bhi dekhne ko mil jata hai. ganna aur faladesh ke pashchat tisre star par ata hai ‘upay vichar’. ganna ko yadi ham kisi vaigyanik prayog se tulna karen to yah vigyan men kisi prayog ke prekshan lene ke saman hai.
faladesh karna us kiye gaye prayog ke adhar par nishkarsh ke saman hai aur ‘upay’, vigyan men us liye gaye nishkarsh ko thik karne ya uska nirakaran karne ke saman hai. isko is prakar bhi samjha ja sakta hai ki agar koi daektar bimari to khun adi ki janch karke pata kar le lekin uski koi davai n bata sake, to log use adhura daektar hi samjhenge.
isi prakar koi jyotishi janmapatri ke adhar par uski samasya ka karan to samajh le lekin kis grah ka upay karna chahiye ya kya upay kiya jana chahiye, yah n jan paye to jyotish ka gyan adhura hi kaha jayega jiska jatak ke liye koi labh nahin. isi tathya ko samjhte huye fyuchar paeint ne apne naye sanskaran liyo star-eksapart men iska vistar aur vikas kiya hai.
knana ka vistar aur sukshmata tatha satikta to pahle se hi kafi had tak prapt ho chuki hai ab samay hai faladesh aur upay ka. to dekhen kya vishesh hai, is liyo star-eksapart sanskaran men. liyo star eksapart yah sanskaran hindi aur angreji do bhashaon men upalabdh hai.
is sanskaran men nimnalikhit vishesh suvidhayen upalabdh hain -
û vistrit ratn upay vichar
û rudraksh upay vichar
û vistrit faladesh
û muhurt evan parva mastara
û akarshak buk bainding
û faladesh sanshodhan ki suvidha
û vyaktigat faladesh dene ki suvidha vistrit ratn upay vichar
janmakundli banane ke bad tatha faladesh karne ke bad upay karne ke liye sabse pahle jo vichar ata hai vah hai ratn upay vichar. yah to sabhi jante hain ki kisi bhi grah ka upay karna ho to ratn dharan karna sabse saral aur sanbhav upay hai kyonki yadi kisi ko mantra jap karne ke liye kaha jaye to sahi uchcharan karna ya samay ka abhav ya niyamit rup se n kar pane ki samasya am rahti hai.
yadi vrat ka upay bataya jaye to yah har vyakti ke liye sanbhav nahin ho pata hai. kai bar vrat ya mantra uchcharan dharm ke khilaf bhi ho jata hai to aisi sthiti men ratn dharan karna sabse asan upay lagta hai. ratn ka upay karne men sabse pahle samasya ati hai ki ratn kis grah ka dharan kiya jaye.
ismen logon ke matantar rahte hain, kuch log kahte hain jo grah apki kundli men kamjor hai ya pratikul hai un grahon ko anukul banane ke liye ratn dharan karna chahiye, kyonki anukul v bali grah to svayan labh de denge. jabki kuch logon ka iske viprit vichar hai ki ratn usi ka dharan karen jo grah apke liye anukul hain tatha kamjor hain aur shubh hanai.
yah tark adhik tarkasangat, prabhavpurn v manya hai ki ratn sadaiv uska dharan karen jo kundli ke adhar par anukul hain. jab ham kisi grah ke upay ke liye ratn nirnay karte hain to hamen yah dekhna avashyak ho jata hai ki ratn vala grah kis bhav ka svami hai, kis bhav men sthit hai, kiske sath yut hai ya kis grah se drisht hai, iske alava grah uchcha/ nich, udy/ast ya vakri/margi hai.
grah ke ansh kya hain, dasha kya chal rahi hai, lagn ka shatru/mitra/ sam hai ya dasha svami ke sath sanbandh shatru/mitra/sam men se kya hai. in sabhi baton ko ek sath dhyan men rakhte huye samasya ke adhar par ratn nirnay kar pana kafi kathin ho jata hai.
is saeftaveyar men in sabhi tathyon ko dhyan men rakhte huye tatha unke mahatva ko samjhte huye tatha sabhi tathyon ka tulnatmak adhyayan karte huye kuch vidvan jyotishiyon ke sath milakar samuhik nirnay ke adhar par ank v pratishat ke madhyam se yah batane ka prayas kiya ki kis vyakti ko kaun sa ratn labhkari hoga.
ratn dharan ke samay ratn pahnne ke karan vibhinn vyaktiyon ka uddeshya alg-alag ho sakta hai, is vichar ko bhi dhyan rakhte huye jatak ke liye sarvapratham jivan ratn, bhagya ratn v karak ratn bataye hain, ye ve ratn hain jo jatak ajivan dharan kar sakta hai tatha samasya n hone par bhi apne bhagya ko aur adhik sudrirh aur sundar banane ke liye ratn dharan kar sakte hain.
iske pashchat kuch log dasha ke adhar par ratn dharan karna chahte hain. pratyek vyakti ke liye bhinna-bhinn dashaon men ek saman ratn dharan karne ki anushansa nahin ki jati. udaharan ke liye yadi do vyaktiyon ki surya ki dasha chal rahi hai to avashyak nahin hai ki surya ki dasha men donon ke liye manikya ratn hi labhkari hoga, yah nirnay janmapatri ke adhar par hi liya jayega aur yah bhi avashyak nahin hai
ki jiske liye surya labhkari bhi ho to surya ka ratn manikya pahnna labhkari hi rahe. ismen bataya gaya hai ki amuk grah ki dasha men amuk grahon ka ratn dharan kiya ja sakta hai. sath hi anya ratn kaun se dharan kiye ja sakte haien aur ve ratn kitne pratishat kis kshetra men labhkari honge yah bhi bataya gaya hai. kisi bhi jatak ke liye nau grahon ke ratnon ke bare men vistrit jankari di gayi hai.
ismen bataya gaya hai ki amuk ratn apke liye shubh hai ya nahin, yadi shubh hai to kya shubhta dega tatha kyon shubh hai, vistar men bataya gaya hai tatha sanbhav hai ki koi amuk ratn jatak ko labh nahin deta hai to usko pahnne se kya hani sanbhav hai tatha kyon nahin pahnna chahiye yah bhi bataya gaya hai. iske pashchat jo ratn jatak dharan karega to sath men nishedh ratn bhi bataye gaye hain.
udaharan ke lie yadi shani ka ratn nilam dharan karenge to surya ka ratn manikya nahin dharan kiya jaega, is prakar sabhi 9 ratnon ke lie sath men nishedh ratnon ko bataya gaya hai. ab bari ati hai kis prakar kis dhatu men kis din kitne vajan ka ratn dharan karna chahiye to iski dharan vidhi men yah sab bhi bataya gaya hai. ratnon ko dasha vishesh men pahnne se kis kshetra men kitne pratishat labh dega.
unko grah bal ke madhyam se samjhane ka prayas karte hue bataya gaya hai. yahan grah bal ka adhar shadbal ya avastha nahin hai balki adhar vyavharik mana gaya hai jo ek jyotishi ratn batate samay karta hai. jaisa ki upar bataya ja chuka hai. bhav svami, sthan, drishti, yuti, uchcha/nich, mitra rashi, shatru rashi, sam rashi adi. abhi bhavishya men saeftaveyar men aur bhi kam chal raha hai, jise ap ratn upay vichar samasya ya apni manokamna purti hetu bhi kar sakte hain
jaise naukri, sthanantaran, pramoshan, vivah, sukhi vaivahik jivan, santan prapti, santan shiksha men badha, videsh yatra, vyapar men saflta, dhan sanchay, dhan prapti, sanpatti prapti, svayan ke ghar hetu adi samasyaon ke lie bhi kundali ko adhar manakar ratn upay bataya ja sakega. is ratn dharan upay ke atirikt kundali sanbandhi vishesh dosh jaise sarhesati upay vichar, kalasarp dosh ka upay vistrit rup se kya kiya jane chahie iske lie bhi shodh karya jari hai
bhavishya men jaldi hi unke bhi vistrit upay ap is eksapart sanskaran men dekh sakenge. rudraksh upay vichar jab kisi kundli men koi grah do bhavon ka svami ho jata hai. ek shubh aur ek ashubh to us grah ke ratn dharan karne men sanshay ki sthiti ban jati hai ya kisi jatak ka samathrya ratn dharan ki n ho to aisi sthitiyane men ratn ke sthan par rudraksh dharan ka bhi upay kiya ja sakta hai. liyo star ke eksapart sanskaran men rudraksh dharan ka bhi vistrit upay bataya gaya hai.
apki janm kundli ke adhar saeftaveyar dvara yah nirnay karke bataya gaya hai ki vyakti vishesh ka kaun sa rudraksh dharan karna chahie. iske atirikt samasya vishesh jaise vaivahik jivan sukhamay banane ke lie, santan prapti ke lie, dhan prapti ke lie adi adi vishesh avashyakta hetu bhi kaun sa rudraksh dharan karna chahie, iski vistrit jankari di gayi hai. kis vyakti ko kitne mukhi rudraksh dharan karna chahie iski jankari ke sath-sath rudraksh dharan karne ki vidhi batayi gayi hai.
kis rudraksh ko dharan karne se jatak ko kya labh milega yah bhi bataya gaya hai. kaun sa rudraksh kis samay dharan karne se vishesh labh milega us samay ko bhi bataya gaya hai. is prakar eksapart sanskaran men ap rudraksh dharan ki vistrit jankari bhi prapt kar sakte hain. vistrit faladesh abhi tak liyo star ke profeshanal sanskaran men jo faladesh kiye ja rahe the, ve vistrit to the par itne nahin jitne ki iske eksapart sanskaran men hai.
us sanskaran men faladesh ka adhar varshik hota tha jo ki ek ya do pej men simat kar rah jata tha. ab yah faladesh vistar purvak dekhen to ek varsh ke lie vibhinn shirshakon ke antargat kshetron par adharit faladesh dekh v parh sakte hain jaise vyavsay, dhan, ghar v parivar, santan, svasthya, kariyar, yatra, tabadla, dharm evan grah shanti tatha ek vishesh varsh men kiye jane vale upay kya karne chahie. in shishkon ke antargat apko ek varsh ka faladesh lagabhag 6-7 prishthon ka dekhene ko milega. yadi aur vistar se chahte hain to ap yah faladesh masik rup se bhi dekh sakte hain.
ismen masik faladesh pratyek mahine ka ek varsh men barah mahinon ka faladesh diya gaya hai. yadi isse bhi sukshm vishleshan chahte hain to ap dainik rup se bhi apna faladesh dekh, parh v print kar sakte hain. varshik faladesh 5, 10 ya 15 varsh ka dekha ja sakta hai. isi prakar masik v dainik faladesh bhi ap prapt kar sakte hain. masik faladesh uprokt varnit shirshak ke antargat dekha ja sakta hai. yah masik faladesh vartaman mas ke pahli tarikh se mah ke ant tak diya gaya hota hai.
in sabhi faladeshon ko aistrograf dvara bhi pradarshit kiya gaya hai jisse ap ek hi drishti men anuman laga sakte hain ki kaun sa mas kis kshetra men adhik shubh hai aur kaun sa kam shubh hai. muhutrt evan parva mastar is saeftaveyar dvara agami kitne hi varshon ka panchang prayog karte hue kisi bhi varsh ka muhutrt nikalne v parva ki tarikh janne ki suvidha upalabdh hai. yah jankari is saeftaveyar men upalabdh muhutrt mastar v parva mastar ki sahayta se prapt hoti hai.
muhutrt mastar ya parva mastar ko bhi ap svayan apni ichchanusar niyantrit kar sakte hain. jaise ki yadi ap koi anya parva is suchi men shamil karna chahte hain to uski tithi, var, nakshatra adi dalakar usko is saeftaveyar ki suchi men shamil kiya ja sakta hai. yadi ap chahte hain ki kisi muhutrt vishesh men niyam men sanshodhan hona chahie ya aur koi anya niyam bhi lagu karna chahte hain ya muhutrt jorna chahte hain to vah bhi ap svayan kar pane men samarth honge. in sabhi parvon v muhutrton ko ek vishesh samuh men karke dikhaya jata hai. yadi ap apne parvon ka koi vishesh samuh banana chahte hain to bhi ismen ap svayan bana sakte hain ya hata bhi sakte hain.
ismen sabhi parvon ko dainik, varshik v sanvat ke adhar par dikhane ki suvidha upalabdh hai. is prakar ap kisi varsh vishesh, sanvat vishesh, dinank vishesh par parvon ki suchi nikal sakte hain. yadi ap panchangakarta hain aur bhinna-bhinn prakar ki sarniyan pradarshit karna chahte hain, vah bhi ap apni steshnri saij v avashyaktanusar panchang v sarni print karne ke lie taiyar pi.di.ef ke rup men ya tekst fail ke rup men nikal sakte hain. is saeftaveyar dvara taiyar sabhi janm kundaliyon, sarniyon v jankari ko ap pi.di.ef fail ya tekst fail ke rup men desh-videsh men baithe kisi bhi vyakti ko i-mel kar turant chand sekandon men bhej sakte hain.
akarshak bainding suvidha jaisa ki apne ti.vi chainal ya vigyapan ke madhyam se dekha hoga ki apke lie ek vishesh prakar ki janm kundali ko pustak ke rup men prapt kiya ja sakta hai. is liyo star ke eksapart sanskaran men usse bhi adhik akarshak buk bainding karke pustak ke rup men ap apne pas anya mahatvapurn pustakon ke saman surakshit rakh sakte hain ya kisi mitra ya sanbandhi ko yah akarshak pustak rupi janmakundali ya faladesh v upay usko uske janmadin ya janm hone par uphar svarup bhi de sakte hain jisko vah apki nishani ya yadgar ke taur par apne ajivan upyog ke lie bhi surakshit rakh sakte hain.
iska vishesh akarshan yah hai ki is pustak ko ap anya rangin janmapatrika ke saman bhinna-bhinn rangon se chapi pustak ke rup men prapt kar sakte hain jiska staindard maedal nishchit ganna v faladesh ke sath 2100/-, 3100/- aur 5100/- ki pustakon ke rup men prapt kiya ja sakta hai ya ap kisi jatak ko itne mulya men logon ko taiyar karke de sakte hain. yah vyapar ki drishti se to labhkari hai hi sath hi iska sanrakshan v upyogita bhi kisi bhi mayne men kam nahin hai.
faladesh sanshodhan ki suvidha jaisa ki iske sanskaran ke nam se hi vidit hota hai-eksapart arthat yah suvidha un logon ke lie hai jo log jyotish kshetra men apne shauk ya vyavsay ke taur par karya karte hain. kai bar kampyutar ki sima nirdharit hone ke karan faladesh karne men purn sakshamata nahin a pati. udaharan ke lie yadi kisi jatak ke pita jivit nahin hanai aur uske pitaji ke bare men faladesh kiya gaya hai to ap is suvidha ka labh utha sakte hain aur ap janmapatri chapne ya dene se pahle uske pita se sanbandhit faladesh ko hata sakte hain ya sanshodhit kar sakte hain.
iske atirikt apko lagta hai ki amuk grah sthiti ya rashi ya drishti ya kisi bhi anya yog ke dvara amuk faladesh kafi had tak sahi v satik hai to ap is suvidha ka labh uthakar ukt faladesh taip karke jor sakte hain. iske atirikt yadi kisi vishesh grah sthiti ya yog par koi faladesh anya kundaliyon par bhi lagu karna chahen to kiya ja sakta hai. bhavishya men bhi is suvidha men lagatar vikas hote rahne ki sanbhavna hai.
vyaktigat faladesh dene ki suvidha pratyek kshetra men yah dekhne ko milta hai ki saiddhantik rup se pustakon men dekhne parhne ko kafi kuch milta hai parantu manushya apne jivan men bhi apan anubhvon se kafi kuch sikhta hai. yah to ap manenge ki har jyotishi jisne kitni bhi kitaben kyon n parhi hon unke adhar par aur apne vyaktigat anubhvon ko jorakar hi faladesh karta hai. har jyotishi ka ek apna vyaktigat shastra bhi samanantar rup se jarur kam kar raha hota hai.
lekin kampyutar ke faladesh ke age apne anubhav aur labh ka prayog kar pane men apne ap ko asamarth pata tha aur yahi karan hai ki jyotishi log kampyutar ki ganna to le lete the lekin faladesh print karke jatak ko dene se katrate the. isi bat ko fyuchar paeint sanstha ne bakhubi samjha aur vichar kiya tatha is liyo star eksapart sanskaran men is samasya ka bhi nidan akhir nikal hi liya.
ab apko keval kampyutar dvara diye jane vale faladesh par nirbhar rahne ki avashkayata nahin hai, balki ap svayan us kundli ka vishleshan karen evan apne vishleshan ko kampyutar men taip karen tatha kampyutar dvara chape jane vali kundli ke sath hi ap apne faladesh ko apne nam v pate ke sath bhi print kar sakte hain. isse apko apne dvara diye gaye faladesh se atmasantushti to hogi hi sath hi jatak bhi apke gyan aur anubhav ka pura-pura labh prapt kar sakega vah bhi pure vishvas ke sath.
kyonki jo bat kisi pepar par chap kar samne ati hai, us par vyakti adhik vishvas karta hai, yah manushya ka am manovigyan hai. faladesh yadi ap apne hath se likhakar denge to vah usko itna mahatva nahin deta tatha samay ke sath uske khone ya nasht hone ki bhi sanbhavna bhi bani rahti hai jo ki ab is sanskaran ke karan nahin hogi.
yah is sanskaran ka sabse labhkari v upyogi akarshan hai. nishkarshatah ham kah sakte hain ki liyo star ka yah eksapart sanskaran upyogita, suvidha, vistar v aur adhik shuddhata ki drishti se vyaparik ya niji taur par labhkari v upyogi to hai hi sath hi jo log pahle se liyostar ke profeshanal ya anya sanskaran prayog kar rahe hain unke lie bhi labhkari v upyogi hai. iske bare men vistrit jankari ke lie ap fyuchar paeint karyalay men sanpark kar sakte hain.