n hi kashchit kshanamapi jatu tishthatyakarmakrit. karyate hyavshah karm sarvah prakritijairgunaiah.. arthat, koi bhi vyakti ek kshan ke lie bhi bina karm kie nahin rah sakta. sabhi apne svabhav se utpann rag-dvesh adi gunon ke adhin hokar karm men pravritt hote hain.
1. prarabdh men prapt inhin pravrittiyon ke adhin jatak ajivika ke alg-alag sadhnon ki taraf bhi prerit hota hai. anekon udahrnon men aisa dekha gaya hai ki vyakti naukri men uchchatam sima par pahunch kar bhi khush nahin rahta aur svatantra vyavsay karne ki udher-bun men laga rahta hai. isi prakar kuch vyakti apna vyavsay shuru karte hain parantu athak prayason ke bavjud manovanchit saflta prapt nahin kar pate. is prakar ke parikshanon men mulyavan samay ke sath-sath paise ka bhi vyay hota hai.
arsh sahitya men hamen vyavsayi banne ke yogon ka varnan ekatra rup se nahin milta hai. ajakal sanbhavnaon ka akash asimit hai isilie jyotishiyon ke samaksh is prakar ke prashnon ke samadhan ki ek chunauti hoti hai.
2. nirdharan lagna/lagnesh: pravritti, soch, mahatvakanksha, duradarshita, vyaktitva aur atmavishvas adi ke lie lagna/lagnesh ka bali hona vyavsay ki taraf prerit karta hai.
3. chandra: ”man men hare har hai, man ke jite jit“ mulmantra ka ek jita-jagta udaharan hain stifans haekins, jinhonne sharirik akshamata ke bavjud har nahin mani aur jindgi ki rah par saflta ki sirhi charhte hue khagol, bhautik vigyan aur ganit men anekon adbhut anusandhan kiye. arthat, agar sabal man ho to vyavsay ke lie jyada upyukt hota hai jisse jatak samasyaon ka samna sthir man evan drirhta se kar pata hai.
4. dashm/dshmesh arth trikon ki dhuri hai jo kendra men sthit hokar karm sambandhit sabhi vishyon ka pratinidhitva karta hai. agar dashm/dshmesh bali ho aur lagna/lagnesh se shubh bhavon men sambandh banae to jatak ko ek majbut adhar milta hai jis par vyavsay ki ninv rakhi ja sakti hai.
5. shashthama/shashthesh arth trikon ka dusra bhav hai jo naukri, pratispardha, shatru adi ka pratinidhitva karta hai. parantu iska lagna/lagnesh se adhik bali hona vyavsayi banne ke lie thik nahin hai.
6. tritiya/tritiyesh sahas aur parakram ka suchak hai. svatantra vyavsay ke lie iska bali hokar lagna/lagnesh evan dashm/dshmesh se sanbandh jatak ko jokhim lene aur svatantra nirnay lene ka sahas deta hai.
7. surya, mangal aur rahu: vrihatparashrhorashastra ke athavtarkthnadhyay ke anusar surya, chandra, mangal aur rahu purn parmatmansh grah hain. chandra ke mahatva ki charcha to ho chuki hai. surya, urja aur svatantrata ke dyotak hain. mangal sahas aur urja ka pratinidhitva karte hain.
rahu ki trikon men sthiti ho ya kendra men sthiti ke sath trikonesh se sambandh ho to rahu bhav ke falon men vriddhi karte hain. rahu jatak ko niyamit karyon se hatakar kuch alag karne ki prerna aur sahas dete hain. in grahon ke prabhav se jatak ko svatantra vyavsay ke lie avashyak pravritti evan urja prapt hoti hai.
8. shaniah kalpurush kundli men karm aur labh bhav ka svamitva shani ke pas hai. shani sevak ke sath-sath mukhiya/ udyogpti hone ke karak bhi hain isilie shani ka akalan bahut dhyan se karna chahie. shani yadi gocharasth hokar dashm/dshmesh ko prabhavit kare to jatak svatantra vyavsay ki taraf prerit hoga. agocharasth shani naukri deta hai parantu yogkarak, bali aur vargon men sudhar se shuruati naukri ke bad svatantra vyavsay bhi de sakta hai.
9. dhan yogah naukri karne ke lie apne dhan ki avashyakta nahin hoti chahe vyakti gugal ka siio ho ya bharat ka mukhya sachiv. iske viprit chote se chote vyavsay ke lie dhan ki avashyakta hoti hai. adhik pushti ke lie indu lagn se bhi akalan karna chahie.
10. varg sambandhit grah/bhavesh bal ke nyunadhik hone ki pushti navansh se aur ajivika sambandhit sabhi baton ke sukshm adhyayan ke lie dashmansh ka prayog avashyak hai.
11. dashaah agar kundli men yog hon parantu sahi samay par upyukt dasha-gochar hi n ae to nirasha ke alava kuch prapt nahin ho pata. iske viprit yadi sahi umra men upyukt dasha-gochar mil jae to avsron ka anbar lag jata hai aur saflta jatak ke kadam chumti hai.
aiye, ab uprokt niyamon ko kuch udahrnon par laga kar parkhen. niyamon ka pratipadan safal vyavsayi - udaharan 1 yah kundli ek pratishthit vyavsayi ki hai jo 2015 ki fobrs suchi ke 30ven payedan par hain. vinshottari dasha grah avdhi umra varsh avdhi ketu 01 varsh 0 - 1 1957-58 shukra 20 varsh 01 - 21 1958-78 surya 06 varsh 21 - 27 1978-84 chandra 10 varsh 27 - 37 1984-94 mangal 07 varsh 37 - 44 1994-01 rahu 18 varsh 44 - 62 2001-19 samanya vivechnaah janmakundli men panch grah kendra men hain.
shani aur guru ke vakratva ko milakar sat grahon ka kendra par prabhav jivan ke sabhi stanbhon ko sthayitva pradan kar raha hai. lagn madhya ke najdik guru, rahu/ketu, budh aur mangal hain jo apni-apni dashaon men prabhavshali rahenge. navansh men rahu/ketu sahit panch grah mul trikona/svarashisth hain aur dashmansh men rahu/ketu sahit tin grah svarashisth hain.
ab uprokt varnit niyamon ke adhar par dekhte hain ki kya jatak vyavsay men safal rahega. lagna/lagneshah lagnesh shukra, navmesh budh aur panchmesh shani ke vakri prabhav se lagn bali hai. lagnesh-navmesh ki kendra men yuti aur yogkarak vakri shani se bhi drishti sambandh lagnesh ko bhi bali karta hai.
lagnesh shukra halanki ast hain kintu shadbal ke sarvadhik bali grah hain, atah lagnesh rupi sabhi fal den men purn saksham hain. rahu ka lagn men hokar trikonesh budh se sambandh rajyog karak hai. navansh lagn men janmakundli ke bhagya bhav ki mithun rashi udit hai jismen janmakundli ka lagnesh sthit hai aur guru ki drishti se navansh lagn bhi bali hai.
dashmansh lagn men janmakundli ke dasham bhav ki rashi udit hai jo vyakti ki karya ke prati prayas evan lagav darsha rahi hai aur dashmansh lagnadhipti chandra bhi bhagya bhav men susthit hai. yahan dashmansh lagn aur dashmansh lagnadhipti par guru-drisht shani ka prabhav hai. arthat, lagna/lagnesh tinon kundliyon men bahut bali hain jo ki vyavsay ki taraf prerit karenge.
chandrah janmakundli men paksh bali chandra dashmesh hokar tritiya bhav men sthit hain aur rashish guru se drisht hokar bal prapt kar rahe hain. navansh men chandra dhan bhav men svarashisth hokar navmesh svarashisth shani se drisht hain. dashmansh men chandra bhagya bhav men hokar svarashisth shani se drisht hain.
shani ka bar-bar prabhav kuch ashubhta to dega parantu shubh bhavesh evan yogkarak hone ke karan jatak ko achcha yojnakar, ekagrachitt aur anushasit bhi banaega. sankshep men chandra bali hai aur badhaon se niptne ke lie purn saksham hai.
dashm/dshmeshah dasham se kendra/trikon men chah grah hain aur bhav par koi shubhashubh prabhav nahin hai.
uprokt varnan anusar dashmesh chandra bali hain. navansh men dashmesh guru saptam men svarashisth hain aur vakri drishti se dasham bhav ko drisht kar bal pradan kar rahe hain. dasham bhav par karak aur navmesh shani ki drishti bhi hai. dashmansh men dasham bhav shubh kartari men hai aur dashmesh mangal dvara drisht hokar bali hai.
tinon kundliyon men dashm/dshmesh bali hokar unnati purn vatavaran evan karya kshamata ka sanket hai. shashthama/shashtheshah shashthesh guru vakri drishti se shashtham ko bal de rahe hain aur svayan mangal evan shani se drisht hokar pirit hain. navansh men mangal, shashthesh aur navanshesh ka rashi parivartan donon men pragarh sambandh darsha raha hai. dashmansh men shashtham par dhanesh, labhesh, dvadshesh aur rahu/ketu ka prabhav hai. nishkarshatah shashthama/shashthesh sabal to hai parantu nishchit rup se lagna/lagnesh se nirbal hai.
tritiya/tritiyeshah tritiya bhav men bali dashmesh chandra ki sthiti, tritiyesh guru evan karak mangal ki drishti hai jo tritiya bhav ko bali kar rahe hain. navansh men tritiya bhav dashmesh guru aur dashmansh men navmesh guru dvara drisht hai. tinon kundliyon men tritiya/tritiyesh jatak ko bharpur sahas aur parakram pradan kar rahe hain.
surya, mangal aur rahuah janmakundli men uchch ke surya ka sambandh lagnesh, panchmesh aur navmesh se hai. navansh men surya ka sambandh navanshesh se hai. janmakundli men mangal ki dashmesh par drishti hai, navansh men mangal ka dasham evan dashmesh se drishti sambandh hai aur dashmansh men mangal svayan hi dashmesh hokar dasham ko drisht kar rahe hain. janmakundli men rahu lagnasth hokar lagna/lagnesh ko prabhavit kar rahe hain aur navansh men rahu ka navanshesh se drishti sambandh hai arthat, jatak ko daiviya ashirvad prapt hai
jo atmavishvas men vriddhi aur svatantra vyavsay ki taraf prerit karega. shaniah janmakundli men shani yogkarak aur navansh evan dashmansh men svarashisth hain jo svatantra vyavsay ki or hi prerit karenge. dhan yogah janmakundli men dhan yogon ki bharmar hai jaise, lagnesh-dvitiyesh ka rashi parivartan, lagnesh-panchmesh ka drishti sambandh, lagnesh-navmesh ki yuti, lagnesh-ekadshesh ka drishti sambandh, dvitiyesh-panchmesh ka drishti sambandh aur panchmesh-navmesh ka drishti sambandh. navansh men dvitiyesh-navmesh, panchmesh-navmesh aur navmesh aur ekadshesh ka sambandh hai.
dashmansh men dvitiyesh -ekadshesh aur panchmesh-navmesh adi se dhan yog nirmit ho rahe hain. indu lagn makar rashi men hokar indu lagnesh se drisht hai aur indu lagn se kendra/trikon men chah grah hain jo bahut dhandayak sthiti hai jo svatantra vyavsay ke lie ek avashyak ghatak hai. dashaah ketu ki janm samay par ek varsh ki dasha ke uprant jatak ko 21 varsh ki umra tak lagnesh shukra ki dasha mili jo kundli ka sarvadhik shaktishali grah hai.
tatpashchat 27 varsh ki umra tak labhesh uchch surya ki dasha mili jo shadbal men dvitiya kram par hai. iske uprant 10 varsh ke lie dashmesh bali chandra ki dasha mili. kisi ko 37 varsh tak itni sundar dashaen mil jaen to ek sudrirh adhar sthapit karne men sahayta hoti hai. taduprant, mangal ki dasha men khanij, petroliyam, praeparti adi men saflta prapt ki aur vartaman rahu bhi yogkarak hi siddh hoga kyonki lagnesh, panchmesh aur navmesh ka pragarh sambandh hai.
nishkarshatah vyavsayi banne ke sabhi niyam purn rup se siddh hue. asafal vyavsayi - udaharan 2 jatak ne dilli men naukri se apni ajivika ka shubharanbh kiya. fir parivar ki sahayta se amerika men bas gae aur vahan se lagabhag tin-char varsh ayat-niryat ka vyavsay kiya parantu usmen asafal rahe. vinshottari dasha grah avdhi umra varsh avdhi surya 05 varsh 0 - 5 1963-68 chandra 10 varsh 5 - 15 1968-78 mangal 07 varsh 15 - 22 1978-85 rahu 18 varsh 22 - 40 1985-03 guru 16 varsh 40- 56 2003-19 samanya vivechna: janmakundli ke sabhi pap grah lagn aur saptam men hain.
navansh aur dashmansh men shubhashubh ka mishrit prabhav hai. lagna/lagneshah lagn men lagnesh shani svarashisth hain kintu ast evan ashubh grahon/bhaveshon se pirit hain. lagn ke shubh kartari hone aur navansh lagn ke vargottam hone se kuch rahat hai, parantu navansh lagn bhi ashubh prabhavit hai. dashmansh lagnesh/dshmesh budh lagn men guru se yut hain parantu surya aur shani se drisht bhi hain, arthat mishrit prabhav hai.
dashmansh ke charon kendra bhavon ki behatar sthiti hi jatak ki vyavsay ke prati prabal ichcha aur arthik sablta ka adhar hai jabki baki donon kundliyon ke lagna/lagnesh nirbal hain aur svatantra vyavsay ke lie anukul nahin hanai. chandrah janmakundli men saptamesh chandra ka ekadshesh nich mangal se rashi parivartan hai. labhesh aur sukhesh ka janmakundli men nich ka hona shubh nahin hai halanki nich bhang ke sath-sath navansh men mangal uchch ke ho gae hain.
aise men praptiyon ki sanbhavna to banti hai parantu apeksha se kam evan alp sukh anubhuti ke sath hi. navansh men chandra dvadashasth hokar ashtamesh surya se drisht hain aur vargottam budh se yut hain jo ki ek mishrit si sthiti hai. dashmansh men chandra panchamasth hain parantu ashtamesh/tritiyesh mangal se drisht hain. kisi bhi kundli men chandra bal achcha nahin hai, atah jatak ke svatantra vyavsay ke anukul nahin hai.
dashm/dshmeshah dasham bhav par tritiyesha/dvadshesh guru aur nich mangal ki drishti hai, dashmesh shukra dvadash men shashthesh/ navmesh evan vargottam budh ke sath yuti men hain jo videsh men bhagyoday ki or ingit karta hai. navansh men dasham bhav, dashmesh shukra evan tritiyesha/dvadshesh guru dvara drisht hokar bali hai.
dashmansh men dashmesh evan dashmansh lagnesh budh lagnasth hain aur chaturthesha/saptamesh guru se shubh yut hain jo jatak ki unnati ki ichcha shakti aur karya shakti ko darsha raha hai arthat jatak ne prayas purn kiye honge parantu shashthesh shani aur dvadshesh surya ki drishti se badhaon ko n jhel pae honge aur shubhta falibhut nahin ho pai.
shashthama/shashtheshah shashthesh budh vargottam hai aur shashtham par shashthesh budh, panchmesh shukra aur guru ki drishti hai.
dashmansh men shashthesh shani dashmansh lagnesh budh aur guru se drisht hain. shashthama/shashthesh spasht rup se sabhi kundliyon lagna/lagnesh se bahut adhik bali hai. aisi paristhiti men kisi ke adhin karya karne ki sanbhavna prabal ho jati hai. tritiya/tritiyeshah tritiya bhav par koi shubhashubh prabhav nahin hai aur tritiyesh guru, nich avasthit mangal se drisht hain. navansh men bhi tritiya bhav par koi shubhashubh prabhav nahin hai, tritiyesh guru kendra men shatru shukra se yut aur mangal se drisht hokar kuch khas dene ki avastha men nahin hain. tritiya bhav ke rahu/ketu kuch sahas denge.
nishkarshatah tritiya bhav jatak ko avashyak pravritti aur bharpur sahas nahin de pa raha hai. surya, mangal aur rahuah janmakundli men surya ka sambandh lagna/ lagnesh se hai, navansh men koi sambandh nahin hai aur dashmansh men lagna/lagnesh evan dasham se sanbandh hai. janmakundli men mangal ka sambandh lagnesh se hai, navansh men mangal lagnasth hi hain aur dashmansh men koi sambandh nahin hai. rahu ka sambandh keval janmakundli men lagn se hai. parmatmansh grahon ka sambandh anshik rup se hi hai. shaniah shani ast hokar ashtamesh se yut hain aur vargon men bhi bali sthiti nahin hai. shadbal men panchven paydan par hain.
uprokt jyotishiya niyamon ke adhar par svatantra vyavsay karne ke nakaratmak sanket hain isilie dhan yog akalan karne ka bhi koi labh nahin hai. 22 varsh ki umra men jatak ko 18 varshane ke liye rahu ki dasha mili jo kundli anusar saflta evan vyavsay ke lie anukul nahin hai.
nishkarsh is lekh men vyavsayi banne ke yogon ko nirdharit evan sutrabaddh kiya gaya hai, fir unhen anekon kundliyon par parkhne ke pashchat sar prastut kiya gaya hai. in sutron ke adhar par ab ek jyotishi yah batane men saksham hoga ki kin jatkon ke lie vyavsay karne ki salah deni chahie.