prachin samay men var-vadhu bare parivaron men rahte the, paraspar simit apekshaen thin, ek-dusre ke prati sampurn samarpan hota tha, algav ki bat to sochte tak nahin the chahe jivan kalhpurn hi kyon n ho, vivah jan-pahchan ke parivaron men hote the aur matbhed ki sthiti men parivarajan matbhed mitane men sahayak ki bhumika nibhate the.
sanbhvtah isi karanavash prachin samay men ashtakut milan aur shubh muhurt hi paryapt hota tha. narad puran aur anya prachin granthon men ashtakut melapak aur muhurt ka hi sandarbh milta hai. brahm vivah to adhunik yug men bhi ashtakut milan ke sath hi ho rahe hain to fir kya karan hai ki vivah-tutne ki dar din-pratidin barhti hi ja rahi hai? kyon vidhivat kundli-milan aur riti-rivajon evan sanskaron se sanpann vaivahik jivan duahkhi aur vightit hote hain?
iska mukhya karan ho sakta hai ki samaj men bahut badlav a chuka hai, bare parivaron ki jagah chote-chote parivaron ne le li hai, arthik avashyaktaen barh gayi hain, var-vadhu ki paraspar apekshaen bhinn hain, svatantra vichardharaen hain aur var-vadhu donon mansik, shaikshanik, arthik evan nyayik taur se atmanirbhar hain. is badlav se stri-purush ki ichchaen, ashaen evan paraspar apekshaen prachin samay se bahut bhinn ho gai hain. anekon udahrnon par parkhne ke pashchat ham is nishkarsh par pahunche hain ki badlti desh-kal-patra ki paristhitivash vivah-melapak chunautipurn ho gaya hai.
jyotishi ko prachin niyamon ko desh-kal-patra ke anusar parivartit rup men parkhne aur uha-poh patu hone ki avashyakta hai. adhunik samaj men keval ashtakut milan ko hi vivah-melapak ka sampurn adhar manne se galtiyan ho rahi hain. ajakal sthiti kuch aisi hai ki sabhi panchangon men ashtakut milan ki sarni di gayi hoti hai jisse asani se gun sankhya dekhi ja sakti hai. intaranet par upalabdh anekon vebsait hain
jis par yugal ki janm sambandhit jankari dalte hi gun-milan sankhya prapt ho jati hai. har parivar men kuch shikshit vivah-yogya vyakti kisi varadhvadhu ka bayo-data ate hi sabse pahle vebsait se gun mila lete hain aur gun n milne ki sthiti men bat age hi nahin barhate. jyotishigan sadharan janta ko is bhram ke prati savdhan karen ki adhunik pariprekshya men keval ashtakut milan hi sukhi vaivahik jivan ka sampurn adhar nahin hai.
is vishay par adhik sahitya to upalabdh nahin hai parantu ke. ke. joshi ke margadarshan men ek shodh-pustak aur mridula trivedi rachit “vaivahik sukh’ ne isi vishay par kuch prakash dala hai. ab prashn yah hai ki adhunik pariprekshya men kin-kin ghatkon ka adhyayan karna chahie? sarvapratham, donon kundliyon men vivah yog to hone hi chahie aur tatpashchat parkhna chahie ki apke samakaksh prastut var-vadhu ki kundliyan ek-dusre ke lie anukul hain ya nahin? yah ek jatil aur lambi prakriya hai aur ise ek mahattvapurn uttaradayitva samjhte hue hi karna chahie. nimn ghatkon ko parkhne ke bad hi kisi nishkarsh par pahuncha ja sakta haiah
1. ashtakut milan
2. lagn milan
3. bhav aur grah milan
4. yutiyan
5. dasha milan iske atirikt ayu khand dekhne ki anushansa bhi ki jati hai parantu ayu khand nirdharan ki koi satik vidhi upalabdh nahin hai. vivah-melapak ke pashchat shuddh muhurt men sanskaron evan ashirvachnon ke sath hi vivah sampann karna chahie.
1. ashtakut milan jaisa uprokt varnit hai ki bhartiya vivah paddhati men prachin samay se hi ashtakut milan (kuch sthanon men das kut) ka prachalan hai jismen donon kundliyon ka ankalan nimn ath ghatkon par karke unhen ank/gun avantit karte hain: ank gun milan ka karan 1 varn karya shaili, pravritti, rujhan
2 vashya paraspar vishvas
3 tara paraspar bhagya-vriddhi ank gun milan ka karn
4 yoni sharirik sukh pane-dene ki pravritti aur kshamata
5 rashi maitri mansik aur vaicharik mel
6 gan mel, svarth, jhagra adi
7 bhakut dhan, vaibhav, parivar ki vriddhi
8 nari anuvanshik dosh, sharirik v mansik svasthya adi ashtakut milan ka adhar chandra-rashi evan chandra-nakshatra hota hai.
adhikatam 36 gun hote hain, 24 gun milne par uttam milan mana jata hai, 18 ya usse adhik par vivah anukul aur 18 se kam gun milne par melapak ko pratikul mana jata hai. hamne anubhav men keval 8-10 gun milne par bhi sukhi aur lamba vaivahik jivan dekha hai aur 28-30 gun milne par bhi kalhpurn vaivahik jivan aur algav. isilie sabhi milan karne ke bad hi nishkarsh par pahunchna chahie aur keval ashtakut milan ko hi vivah-melapak ka sampurn adhar nahin manna chahie.
2. lagn milan vivah-melapak men lagn milan avashya karna chahie kyonki kundli ka sarvadhik mahatvapurn bhav lagn hota hai jo vyaktiv, pravritti, pratibha, mahatvakanksha adi ka suchak hai. sadharntah nimn sambandh hone par sukhi vaivahik jivan ki sambhavna hoti hai: var-vadhu ka saman lagn ho ya lagnadhipti ek hi hon ya ek ka janm lagn dusre ka navansh lagn ho. var-vadhu ke lagn paraspar sam saptak hon ya donon ke lagnadhipti paraspar mitra hon. ek achcha lagn milan ashtakut milan ke doshon ko kam karta hai.
3. bhav evan grah milan yah ek mahatvapurn milan hai. sabhi naisargik ashubh grahon (surya, mangal, shani, rahu aur ketu) ka tulnatmak akalan donon kundliyon ke vivah sambandhit bhavon par karna chahie. vivah sambandhit bhav hainah pratham, dvitiya, chaturth, saptam, ashtam aur dvadash bhav. keval mangal par bahut adhik kendrit nahin rahna chahie. manglik dosh ke vishay men bhi samaj men bahut dar hai aur bahut se andhvishvas isse jure hain. bhav evan grah milan men nimn tathyon ka dhyan rakhen:
-naisargik ashubh grahon ka svarashisth, mitra avastha aur navansh men achchi sthiti hone par ye grah kam hanikarak hote hain.
-yadi ek ki kundli men kisi bhav par naisargik ashubh grahon ka hi prabhav ho aur dusre ki kundli men bhi usi bhav par ashubh prabhav ho to isse us bhav sambandhit doshon ka parihar mana jata hai. arthat, saman pira hona manya hai.
-agar donon ke kisi bhav par mishrit prabhav hain to bhi manya hota hai.
-sarvadhik ashubh tab hota hai jab kisi ek ki kundli men vivah sambandhit bhav par ashubh prabhav ho aur dusre ke kundli men us bhav par ashubh prabhav n ho. ismen, agar ashubh grah lagn digri ke nikat hon to ashubhta adhik prabal ho jati hai. iske atirikt madhyam-vargiya bhartiya parivaron men pancham bhav, guru aur saptamansh ka santan ke lie akalan bhi kar lena thik rahta hai. yah milan vivah-melapak ka bahut mahatvapurn ghatak hai. achcha bhav evan grah milan, ashtakut ke kam gunon ke bavjud, sukhi vaivahik jivan de sakta hai.
4. yutiyan var-vadhu ki kundliyon men kuch yutiyan ashubh ho sakti hain. agar donon hi kundliyon men saman bhav ya usse saptam bhav men ashubh yuti ho to dosh nahin mana jata. nimn yutiyon par vishesh dhyan denah mangl-shukra: in donon grahon ki lagn ya saptam men yuti viprit ling ke prati atyadhik akarshan ki pravritti de sakti hai jisse vyabhichar ki sambhavna barhti hai.
yah sambhavna tab prabal hoti hai jab yuti men lipt grah ashubh bhavon ka svamitva rakhte hon aur un par ashubh prabhav bhi a raha ho. iske atirikt inki avastha bhi dhyan se dekh leni chahie, jaise agar ek ka lagnesh mangal ho aur dusre ka shukra, to yah yuti vaivahik jivan ke lie shubh hai. isi prakar jaise vrishabh lagn men shukra-mangal ki lagn men yuti ho to shukra svarashisth hua aur mangal saptamesh aur yah yuti bhi achchi hai.
mangl-chandra: yah yuti agar dvitiya/ashtam ya lagna/saptam men ho aur uprokt varnananusar ashubh bhi to mansik piradayak hoti hai jisse vaivahik vatavaran kalhpurn ho sakta hai. shukra-chandra: yah yuti agar lagna/saptam men ho aur uprokt varnananusar ashubh ho to vaivahik jivan men asantosh, shanka, chinta, kalah adi hota hai
jiska vaivahik jivan par pratikul prabhav parta hai. shukra-rahu: yah yuti agar lagna/saptam men ho aur uprokt varnananusar ashubh ho to vaivahik jivan men dussahas ki pravritti a jati hai. jaisa uprokt varnit hai, agar donon hi kundliyon men saman bhav ya usse saptam bhav men ashubh yuti ho to dosh nahin mana jata. vivah melapak men uprokt yutiyon ka dhyanpurvak vishleshan avashyak hai.
5. dasha milan kundli men kitne hi yog-duryog hon, parantu dasha-gochar ke bina vah falit nahin hote. isi karanavash, vivah pashchat kaun-kaun si dashaen var-vadhu ko milengi, yah vivah melapak ke lie bahut avashyak haiah
-agar vivah pashchat donon ki achchi dashaen a rahi hain to uttam vaivahik sukh rahega.
agar ek ki achchi dasha a rahi hai parantu dusre ki kuch kharab, to bhi manya kiya ja sakta hai
agar donon ki hi dashaen kharab hain ya vivah pashchat jald a rahi hain tatha dashaen saptama/saptamesh se sambandhit bhi hon to vivah sambandhit ashubh fal milne ki sanbhavna prabal ho jati hai. aise men, vivah-melapak ki svikriti nahin deni chahie. visheshakar jab ashubh dasha avdhi lambi aur vivah ke kuch hi samay pashchat a jay. agar aisi ashubh dasha vivah ke 25-30 varsh bad aye to melapak ko manya kiya ja sakta hai.
6. udaharan udahrn-1: var: janm 05-julai-1966, 17ah00 baje, lakhnau. chandra nakshatrah shravn-ppp vadhu: janm 07-sitanbr-1960, 08ah00 baje, dilli. chandra nakshatrah uttar bhadrapd-ppp inka vivah agasta-1988 men sanpann hua aur lagabhag do saptah bad donon alg-alag ho gae aur bad men talak le liya. aiye, inka uprokt ghatkon ke anusar melapak karenah ashtakut milanah 29 gun (varn aur tara dosh hai) milte hanai jo ki ek uttam ashtakut milan darshata hai. √ lagn milanah var ka lagnesh mangal aur vadhu ka lagnesh budh paraspar shatru-sam sambandh hai. lagn rashiyan paraspar 3/11 hain jo atirikt parakram ki avashyakta darsha rahi hain.
arthat, lagn milan nahin hai. g bhav-grah milanah
- var lagn rahu/ketu aksh men hokar shukra se drisht hai. vadhu lagn bhi shubh grahon se prabhavit hai aur shani se drisht hai. arthat, donon par mishrit pira hai jo manya hai. g
- var ka dvitiya bhav surya, mangal aur shani se pirit hai jabki vadhu ke dvitiya bhav par koi pira nahin hai. is bhav ka milan thik nahin hai.
- var ka chaturth bhav shubh hai jabki vadhu ke chaturth bhav par shani aur mangal ka ashubh prabhav hai. is bhav ka milan thik nahin hai.
- var ka saptam, saptamesh aur karak shukra rahu/ketu aksh par hain aur shani se bhi drisht hain jabki vadhu ka saptam shubh hai. is bhav ka milan thik nahin hai.
- var ka ashtam mangal aur surya se prabhavit hai jabki vadhu ka ashtam shubh hai. is bhav ka milan thik nahin hai.
- var ka dvadash shubh hai jabki vadhu ke dvadash ka surya, mangal, rahu, ketu se prabhavit hokar atyadhik pirit hai. bhav-grah milan nahin hai.
yutiyan: var ke saptam men shukra-rahu ki yuti par shani ka prabhav hai jo ashubh hai jabki vadhu ke lagna/saptam men aisi koi ashubh yuti nahin hai. arthat, yuti-milan nahin hai.
g dasha milan: var ki rahu-shukra ki dasha julai-87 se disanbr-1992 tak thi aur uprokt varnan anusar yah yuti saptam ke lie ashubh hai. vadhu ki agasta-1989 tak ketu-shani thi jisne saptam ke vyay sthan ke fal die. g nishkarsha: uttam ashtakut milan tha parantu anya milan nahin hone ke karan vivah keval do saptah hi chal paya.
udahrn-2: var: janm 07-julai-1954, 17ah25 baje, dilli.
chandra nakshatrah hasta-pp vadhuah janm 23-shrand-1961, 21ah00 baje, dilli.
chandra nakshatrah ashvini-ppp 1984 men vivah hua aur abhi tak sukhi evan samriddh vaivahik jivan hai. aiye, inka uprokt ghatkon ke anusar melapak karenah ashtakut milan: keval 9 gun (varn, tara, yoni, rashish, bhakut aur nari dosh hai) milte hain jo ki ek manya milan nahin hai.
g lagn milan: var ka lagnesh surya aur vadhu ke mangal paraspar sam-mitra hain. sinh aur kanya rashi paraspar kendra men hain. lagn milan manya hai.
√ bhav-grah milan: - var lagn pap kartari men hai aur vadhu lagn rahu/ketu aksh men pirit hai. donon ke lagnesh bhi pirit hain. arthat, donon lagnon men lagabhag saman pira hai jo manya hai.
√ - var ka dvitiya bhav surya, mangal, shani, rahu aur ketu se pirit hai. vadhu ka dvitiya bhav shani evan mangal se aur dvi tiyesh surya evan mangal se pirit hai. arthat, donon par lagabhag saman pira hai jo manya hai.
- donon ke chaturth bhav par koi pira nahin hai jo ki manya hai.
- var ke saptam par ashubh prabhav nahin hai parantu saptamesh, mangal evan shani se prabhavit hai. vadhu ka saptam rahu-ketu aksh par shani dvara drisht hai aur saptamesh par mishrit prabhav hai. arthat, donon ki lagabhag saman pira hai jo manya hai.
- var ka ashtam bhav surya, rahu, ketu aur mangal ke prabhav men hai. vadhu ka ashtam ashubh prabhav nahin hai parantu ashtamesh par mangal aur shani ka prabhav hai. var par adhik pira aur vadhu ke ashtam par kam pira hai.
- var ke dvadash men shani sthit hai aur vadhu ke dvadash par keval surya ka prabhav hai. arthat, donon ki lagabhag saman pira hai jo manya hai. is prakar hamne dekha ki lagabhag sabhi bhavon men saman pira hai jo ki manya hai. yutiyan: lagn aur saptam men koi ashubh yuti nahin hai.
√ dasha milan: var ki shadi ke ek varsh pashchat panchmesh guru ki 16 varshon ki dasha shuru hui jo ki shubh hai. vadhu ki shadi ke samay lagnesh ki dasha chal rahi thi fir das sal ke lie dvadshesh chandra ki dasha mili jo navam men susthit hai.
√ nishkarsha: nikrisht ashtakut milan hone ke bavjud vaivahik jivan sukhad hai kyonki lagn, bhav-grah aur dasha milan achcha tha.
7. nishkarsh adhunik pariprekshya men vivah-melapak keval ashtakut milan par hi adharit nahin hona chahie balki badlti samajik paripati ke karan ismen anya ghatkon ko bhi samahit karna chahie. desh-kal-patra ki jankari, jaise var-vadhu ka parivarik vatavaran, arthik atmanirbharata, paraspar apekshaen adi uprokt ghatkon ka bal-bhar (umphijanhm) nirdharit karne men sahayak hoti hai.
kabhi bhi kisi ek tathya ko hi bahut adhik mahatva n den, jaise mangal ko saptam men dekhte hi jivnsathi ke anisht ki ghoshna kar di ya saptamesh ko dvadash men dekhte hi vaivahik kalah par mohar laga di ya surya ke saptama/saptamesh se sambandh se algav pakka samajh liya. sadaiv, donon kundliyon ka sampurn akalan karne ke pashchat hi kisi nishkarsh par pahunchen kyonki vivah-melapak ek bare samajik uttaradayitva ka karya hai.