2016 men pure varsh shani vrishchik rashi men rahenge. guru 14 julai ko sinh se kanya men aenge evan rahu 9 janvri ko sinh rashi men pravesh karenge. sabhi mahatvapurn grahon ka prabhav sinh rashi men hone se rajnitigya duradarshita se karya karenge tatha pragtivad ki rajniti karenge. shani mangal ki vrishchik rashi men yuti ke falasvarup atankvad shikhar par rahega. rahu, shani v guru in tinon ke sinh rashi par prabhav ke chalte sabhi rashtron ke ragyaik atankvad se larne ke lie ekjutta bhi dikhaenge.
is varsh 17 sitanbar ko ikvetar arthat indoneshiya ke as-pas bhukanp ane ki sanbhavna hai. iske atirikt 17 aktubar ko uttar disha yani nepal, uttarakhand v uttari pakistan men bhi bhukanp ke jhatke mahsus kie jaenge. varsh 2016 men janvri se disanbar mah tak maensun, senseks evan sone v daelar ke bhav ka grah, nakshatra, rashi evan yog ke adhar par kaisi chal rahegi iska jyotishiya adhar par vishleshan karke purvanuman diya ja raha hai:- sone ka bhav: 2016 men sone ke bhav niche hi jaenge. sone men janvri, aprail, julai, aur disanbar men vishesh giravat ayegi. thora bahut sudhar march, mai, agast v sitanbar men a sakta hai. islie is varsh agrim bechakar chalne men hi labh hoga. jo log bulish market men satta karte hain
ve isse dur rahanege to achcha rahega. senseksa: is varsh sheyar market bahut uncha nahin jayega. adhikansh samay market ka rukh niche ki or hi rahega. janvri men market unchai lekar shuru hoga lekin shighra hi saptah bhar men iska rukh niche ki or ho jayega. kabhi-kabhi thori rikvri karega lekin adhikatar farvri ke ant se jun tak rukh naram rahega. jun ke ant men v julai men achchi rikvri hogi. iske bad varshant tak utar-charhav chalenge. har mas senseks kuch niche jaega kintu aur punah rikavar kar lega. is prakar senseks ek man par bana rahega.
daelr: is varsh shuru men daelar naram hi raheega lekin janvri ke madhya tak kuch majbut hoga. rupya fir daelar par jor banayega aur farvri men daelar kamjor hoga. march men daelar punah apni pakar banaega aur march ke madhya tak rupye ko kafi piche chor dega. march ke ant men rupya punah jor pakrega tatha mai tak rupya majbut ho jayega. mai ke madhya se punah daelar upar ki or rukh karega aur jun tak rupya niche a jayega. julai men rupya punah rikvri karega. lekin julai ke bad daelar ki hi jit hogi aur varshant tak rupya kafi kamjor ho jayega.
bich-bich men rupya thori bahut rikvri karega lekin kul milakar daelar apni pakar banae rakhega. keval navanbar v disanbar men rupya thori rikvri kar payega. varsha: varsh 2016 varsha ke lie achcha sandesh lekar nahin a raha hai. is varsh varsha samanya se kafi kam rahne ke asar hain. kai jaghon par sukha par sakta hai. march, aprail lagabhag sukhe hi jayenge. mai, jun men bhi kahin-kahin par chitput varsha ho sakti hai. keval julai ke dusre saptah se hi maensun ane ki sanbhavna hai jo sitanbar ke madhya men samapt ho jayega. aktubar v uske bad bilkul vrishti yog nahin hai. is varsh kai varshon ke pashchat ati sukhe ke yog ban rahe hain atah sarkar ko dhyan dena chahie. 2016 ki sari vrishti ki kami 2017 men puri hone vali hai. 2017 men ati vrishti ke asar rahenge.
mersh apki shiksha, santan adi ke lie shubh rahega. yadi ap kisi prakar ke paramarsh karya se jure hain to apko nai pahchan milegi. takniki shiksha men vishesh unnati ke yog hain. satta karyon men ruchi lenge. svasthya ka dhyan rakhen.
vrish: apke lie sanpatti prapti, bhavan nirman, mata ke sukh men vriddhi, naye vahan ke kray ke sath-sath manonukul sthan par bhraman ya sthanantaran ke yog hain. apni janmabhumi se lagav barhega. vyapar ke nae avasar prapt honge. avivahiton ke lie vivah ki bhi sanbhavnaen hain.
mithun: apke samajik, rajnitik vyaktigat prabhav v parakram men vriddhi hogi. apke shatru nasht honge tatha vyapar men unnati ke yog bhi banenge. ap khub mehanat karenge. pratiyogita pariksha men saflta prapti ke bhi prabal yog hain.
karka:: dhanagaman ke yog prabal honge. parivarik jivan se sanbandhit gatividhiyon men sakriyata aegi lie sabhi log milakar karya karenge. parivar men santan ke janm ka shubh samachar bhi prapt hoga. santan se sanbandhit kuch chintaen bhi rahengi.
sinh: is varsh ap apne vyaktitva vikas ke lie vishesh jagruk honge. ap apni jimmedariyon ke purn hone se prasann rahenge. apke svasthya, karyakshamata v man samman ki vriddhi hogi. nav sanpatti nirman karya hoga.
kanya: yah varsh apke lie bhari nivesh v yatraon ka sanket lekar a raha hai. ap khub parishram karenge. shatruon par niyantran pane men saflta prapt hogi. dhan ke vyay par niyantran pana kathin hoga islie kuch arthik tangi bhi rah sakti hai.
tula: apke ay ke sadhnane men achanak sudhar hoga. sarhesati ke prabhav men bhi kuch kami aegi. kul milakar apke ruke hue karya sahjta se chalne aranbh ho jaenge.apki manokamnaen purn hongi.
vrishchik: apko kuch anavashyak mansik chintaen to rah sakti hain parantu karya vyavsay men nirantar vriddhi hogi tatha apko ek nai pahchan bhi prapt hogi. nivesh karyon men savdhani barten. adhik nivesh karne se bachen. bhavishya ko arthik rup se surakshit karne ke lie navin yojnaen banaen.
dhanu: apke bhagyoday ke kuch yog banenge aur lanbi yatraen bhi hongi parantu arthik kshetra men kuch kathinaiyon ka samna karna parega. dhan se sanbandhit pareshaniyan barh sakti hain. anavashyak kharch par niyantran karen sath hi nivesh karne se bachen.
makr: is varsh apko anayas dhan prapti ke yog to banenge parantu svasthya sanbandhi pareshaniyan uthani par sakti hain. apki ay men sthirta aegi. ap shodh karya v gupt vidyaon men ruchi lenge. rog, mansik chinta adi ke nivrityarth ‘un namah shivay’’ ka jap karen.
kunbh: yah varsh apke vivah ka shubh samachar lekar aega. apko sajhedari vyavsay men labh ki prabal sanbhavnaen hain. apke karya vyavsay men sthirta aegi. jivnsathi ke sath sanbandh uttararddh men kuch kharab ho sakte hain. svasthya ke mamle men dhyan denee ki avashyakta rahegi.
min: yah varsh apke lie bhagyonnati tatha pratiyogita pariksha men saflta ke yog ka prabal sanket de raha hai. shatru paksh par vijay prapt hogi. rojgar ke sadhan prapt honge tatha lanbi yatraen bhi hongi.