ank vidyanusar varsh ‘2016’ ke ankon ka kul yog 2+0+1+6 = 9 ata hai. shastron men bataya gaya hai ki ank 9 mangal grah ka pratinidhitva karta hai arthat varsh 2016 men mangal grah ka prabhav adhik rahega. shastranusar mangal agni tatva ki rashi mesh v jal tatva ki rashi vrishchik ka svami hai. mesh rashi ki trikon rashiyan sinh v dhanu hain tatha vrishchik rashi ki trikon rashiyan min v kark hain. mangal ki uchch rashi makar hai.
atah mesh, kark, sinh, vrishchik, dhanu, makar v min rashi valon ke liye yah varsh kuch vishesh hi rahega yani ki shubh mangal jatak ke jivan ko utthan v ashubh mangal jatak ke jivan ko patan bhi de sakta hai. vaidik jyotish men kaha gaya hai ki hanuman ji ke bhakton ke liye mangal grah kabhi duahkhdayi nahin hota arthat navavarsh 2016 men hanuman ji v mangal dev ki puja v ashirvad se shubhatva men vriddhi aur ashubhta ka nash kiya ja sakta hai.
varsh 2016 men vibhinn jatak apni chandra rashi ya nam rashi anusar hanuman ji v mangal dev ke vibhinn mantron ka jap kar sukh, samriddhi, shanti prapt kar sakte hain. unhen chahiye ki lekh men diye gaye mantron men se apni rashi anusar hanuman ji ke v mangal ke mantra chunen.
fir shraddha bhakti se navavarsh men shukla paksh ke pahle manglvar se shuru kar rojana subah snanadi se nivritt hokar, rudraksh ki mala lekar, hanuman ji v mangal dev ki tasvir ya yantra ke sammukh uchit asan par baithakar, dhup dipadi jalakar, pushp, akshat, vastra, fal adi arpan kar, hanuman ji ke mantron ki ek mala yani 108 bar jap karen.
tatpashchat bhojapatra par bane mangal ke yantra ke sammukh pushp, mishtann adi arpan kar, mangal ke mantron ki ek mala jap karen. rashi anusar hanuman ji v mangal ke vibhinn mantra is prakar se hain
- rashi hanuman ji ke mantra mangal ke mantra vividh upay
1. mesh vrishchik mnojvan maruttulyavegam jitendriyan buddhimtan varishtham. vatatmajan vanryuthmukhyan shri ramdutan sharnan prapadye.. un an angarkay namah aur un bhaun bhaumay namah. gayatri mantra ka bhi jap karen. hara rang n pahnen. shri vishnu ji ki arti rojana karen.
2. vrish tula un anjneyay vidmahe mahablay dhimhi. tanno marutiah prachodyat.. un anjnisutay vidmahe vayuputray dhimhi. tanno marutiah prachodyat.. un bhumiputro mahateja jagtan bhaykrit sada. vrishtikrid vrishtiharta ch piran hartu me kujah.. shri ganesh ji ki bhi upasna karen. pila rang n pahnen. shanivar ko pipal par jal den.
3. mithun kanya un anjnisutay vidmahe vayuputray dhimhi. tanno marutiah prachodyat.. dharnigarbhasambhutan vidyutkantisamaprabham. kumaran shaktihastan tan manglan pranmamyaham.. mana durga ki bhi upasna karen. lal rang bhi n pahnen. shanivar ko pipal par jal bhi den.
4. kark un haran hari harishchandra hanumant halyudham. panchak vai smarennityan ghor sanktnashanam.. un an kraun hrin shrin klin bhaumarisht nivarak shri vasupujya jinendray namah shanti kuru kuru svaha. bhagvan shiv ki bhi upasna karen. kala v hara rang n pahnen. budhvar ko mung ki dal ka dan den.
5. sinh un haran hari harishchandra hanumant halyudham. panchak vai smarennityan ghor sanktnashanam.. un kshitiputray vidmahe lohitangay dhimhi tanno bhaumah prachodyat. bhagvan vishnu ki bhi upasna karen. safed v kala rang bhi n pahnen. somvar ko shivling par dudh charhayen.
6. dhanu min un hanumte namah.. markatesh mahotsah sarva shok vinashay. shatrun sanhar man raksh shriyan dapay me prabho. un hanumte namah.. raktambaro raktavapuah kiriti chaturbhujo meshgto gadabhrit. dharasutah shaktidharashch shuli sadayamasmad vardah prasannah.. bhagvan surya ki bhi upasna karen. kala rang n pahnen. shukravar ko khir ka dan den.
7. makar kunbh un ramdutay vidmahe kapirajay dhimhi. tanno hanuman prachodyat.. uen kran krin kraun sah bhaumay namah. man durga ki bhi upasna karen. pila rang bhi n pahnen. chay ka sevan n karen. ravivar ko gur ka dan den.