- naukri v vyapar men vriddhi pane ke lie apko badhaon ka samna karna par raha ho to ap kya karen? pratyek manglvar ko 11 pipal ke patte len aur fir lal chandan se ram-ram likhen v use hanumanji ke mandir men charhayen v hanuman ji ke samaksh hanuman chalisa ka path karen aur prarthana karen ki meri naukri v vyapar men jo bhi badha hai vah badha dur ho jay.
-agar apke pas naukri to hai kintu sthai nahin hai ya apke pas sthai kam-dhandha nahin hai to aisi paristhiti men ap kya karen? har shukravar ko kisi bhi bhukhe ko khana khilayen v shanivar ko pipal ke per ke niche sarson ke tel ka dipak jalayen, sthai naukri v kam milne ki prarthana karen avashya labh milega.
-naukri pane ke lie sakshatkar v karya men saflta ke lie kya karen?- pratah kal surya bhagvan ko jal charhayen v naman karte hue ek sute ki dori men 7 ganthen ‘un gan ganptye namah’ ka jap karte hue lagayen aur is dhage ko apne pas rakhakar naukri ke intaravyu ke lie jayen ya kisi bhi karya ke lie jayen saflta avashya milegi.
- naukri v vyapar se jo kamai ho rahi hai usmen n to vriddhi ho rahi hai, n hi ghar men uski barakat par rahi ho to kya karen? rat ko sote samay sirhane ki taraf palang ke niche kisi bartan men jau rakhen v subah uthakar kuch hissa chintiyon ko dalane, kuch hissa chat par pakshiyon ko v kuch hissa janvron ko khane ke liye den, avashya labh milega.
-karya sthan par lohe ka saman ya mashinri kharidne par nuksan ho to kya karen? jab bhi lohe ka saman v mashinri khariden, sath men usi samay bachchon ke khilaune bhi khariden v bad men vah khilaune garib bachchon men bant den. aisa karne se kisi bhi tarah ka nuksan nahin hoga.
-naukri v vyapar men kuch galat ya kuch bura anubhav ho raha ho to kya karen? shanivar ke din bahti nadi men akhrot v nariyal pravahit karen v andhon ko khana khilayen.