chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai
bukhar se mukti hetu :
shani ya ravivar ko chaval ke sat dane lekar ghar se bina bole kisi ak ke per ke pas jakar purab ki or mukh khare ho jaen aur he jvar, apko shanivar ka nimantran hai kahte hue chaval ka ek dana ak ki jar men rakh den, bina bulae mat ana, dusra chaval rakhakar kahen ki jvar dev apko somvar ka nimantran hai, kintu bina nahin ana. yah kriya saptah ke sabhi dinon ka nam lekar karen, bukhar se mukti mil jaegi.
adhasisi ke dard se mukti hetu :
surya niklne se purva ghar se gur ki ek dali lekar niklen. kisi chaurahe par akar pashchim ki or mukh karke khare hon tatha gur ki adhi dali ko munh se kai tukre karke vahin fenk den aur ghar a jaen, sir ka dard samapt ho jaega.
najar dosh se mukti hetu kuch vishesh upay :
- gay ke gobar ka chaumukhi dip banakar usmen til ke tel ki batti jala den aur thora gur dal den. fir use ghar ke mukhay dvar par rakh den, bachche ki najar dosh se raksha hogi.
- gehun ke ate se diya banaen aur usmen kale dhage ki batti jalaen. us jyoti men do lal mirch rakhen aur use najar lage vyakti par se utaren, najar dosh dur hoga.
- ravivar ya shanivar ko najar lage vyakti ke sir par se tin bar dudh ferakar kutte ko den, najar dosh se mukti milegi.
- jvar ki roti ek taraf se hi senken. senke hue bhag par ghi lagakar roti ko pile dhage se bandhen. fir use najar lage vyakti ke upar se 7 bar utarakar kutte ko de den, najar dosh dur hoga.
athara rog se bachav ke lie :
kisi kanya ke hath ka kata sut lekar uska ek hath lanba dhaga bana len tatha ravivar ko athara rog se grast rogi ki dahini pindli men bandh den. rogi thik ho jaega.
putra prapti hetu :
ravipushya yog men sher aur billi ka nakhun lekar ek sath marha kar dayen baju par bandh len, putra ki prapti hogi.
karya men ane vali rukavton se mukti hetu :
shanivar ko ek patra men kachchi ghani ka sarson tel lekar usmen apni chaya dekhen. fir usmen gur ke gulgule dalen aur use kisi garib ko de den, badhaon mukti milegi aur shani kop se bachav hoga.
karya men saflta hetu :
kisi karya vishesh ke lie jane se pahle ek bedag nibu ko gay ke gobar men daba kar us par kamiya sindur chirak den. fir apne karya ki saflta ki prarthana kar prasthan karen, saflta milegi.
sukhamay vaivahik jivan ke lie :
navvivahita vadhu ki vidai ke samay ek lota gangajal men haldi aur ek pila sikka dalakar vadhu ke sir se utar len aur fir uske age fenk den. yah kriya puri nishtha ke sath karen, vadhu ka vaivahik jivan sukhamay rahega.
bachche ke dant niklne men kasht se mukti hetu :
bachche ko dant niklte samay dard hota ho, to uske gale men rohu machli ke panch dant dhage men bandhakar latka den. bachche ko dard se rahat milegi.