parad dhatu ka apna ek khas adhyatmik mahatva hai. is dhatu se bane yantra, murtiyon adi ki puja shighra faldayi hoti hai. iske prabhav se jivan men sukh, samriddhi, dhan, svasthya ityadi ka labh hota hai. parad dhatu daiviya dhatu mani jati hai. isse bani vastuon men ek alaukik shakti hoti hai.
parad lakshmi: parad dhatu se bani mahalakshmi ki murti ka pujan karne se rin se mukti milti hai. lakshmi ji ki kripa se karyakshetra, vyavsay ityadi men unnati aur labh men uttarottar vriddhi hoti hai. ise apne ghar ke atirikt vyavsay sthal, karyalay, dukan ya faiktri men bhi sthapit kar sakte hain. iske prabhav se amdni men vriddhi hoti hai. is murti ko shukla paksh men somvar, guruvar ya shukravar ko panchamrit se shuddh karke nimnalikhit mantra ka jap karte hue gandh, akshat, pushp, naivedya, dhup, dip se iska pujan karen.
jap mantra: ¬ shri mahalakshmyai namah parad shri yantra: yantraraj shri yantra ki mahima apranpar hai. vaise to shri yantra sona, chandi, tanba, sfatik adi dhatuon se bhi nirmit hota hai, lekin parad dhatu se nirmit shriyantra ka apna ek vishesh mahatva hai. ise apne ghar men ya vyavsay sthal par sthapit kar sakte hain. shukravar athva guruvar ko pratahkal iski shodshopchar athva panchopchar puja karke sthapna karen. iski puja-archana karne se dhan labh ke sath-sath yash aur prasiddhi men vriddhi hoti hai. iske samaksh kankdhara stotra ka path karne se vanchit fal prapt hota hai.
parad piramid: ghar men sakaratmak akashiya urja ka pravesh avruddh hone se ghar vastu dosh se grast hota hai. vastu dosh ko kam karne ke lie vibhinn upay kie jate hain jinmen adhikansh mahange hote hain.
faltah sadharan log aise upay nahin kar pate. parad piramid ek samanya, saral tatha sasta vastu dosh nivarak piramid hai, jise kisi bhi din apne ghar men sthapit kar sakte hain. iski sthapan men puja, mantra jap adi ki avashyakta nahin hoti.
parad durga: parad durga ki puja-upasna se shatrubhay, rog bhay, tantra, mantra bandhan bhay adi se raksha hoti hai. sath hi mansik tatha sharirik shakti men vriddhi hoti hai. ise shukla paksh ki ashtami, navmi athva chaturdashi tithi ko ghar men sthapit kar nitya gandh, akshat, dhup, dip adi se iski puja aur nimnokt mantra ka niyamit rup se 21 ya 108 bar jap karen. mantra: ¬ dun durgayai namah