uttam evan sarvagun santan utpann karne ke lie hamare purvajon ne kuch sanskaron ko karne hetu anivarya kaha hai. jinhen santan utpann karne se purva karna chahie pratyek pati patni ki parasparik ichcha, abhilasha hoti hai ki vah ek buddhiman, medhavi, dhairyavan, bhagyavan santan ke mata-pita bane, parantu malum n hone ke karan ki ek sarvagun santan ka mata-pita kaise bana ja sakta hai vah chuk jate hain aur santan janam ke bad jivan bhar usse kasht pate hain. islie aiye janen ki sarvagun sanpann santan prapt karne hetu uske janam lene se purva kis yojna baddh tarikon ko apnana chahie. puratan vidhaon men sanskar shabd ka prayog vyapak arth men kiya gaya hai.
brihdaranyak, chandogya, kaushitiki upnishdon men iska arth sanskaroti, arthat unnatikarak kaha gaya hai. panini ne iska arth ‘utkarsh sadhan hi sanskar’ yani utkarsh karne vala mana hai. advait vedant men yah atma ke upar smritiyon ka adhyarop hai to vaisheshik darshan men yah chaibis gunon men se ek hai. uttam evan sarvagun santan utpann karne ke lie hamare purvajon ne kuch sanskaron ko karne hetu anivarya kaha hai. jinhen santan utpann karne se purva karna chahie jinka prayog nimn hai- 1. garbhadhan sanskar: vastav men sahvas ek bhavatmak sanbandh hai. islie yadi yah divya, udant evan unnat bhavna se paripurn hoga to santan ka man tan bhi divya evan svasth hoga. isi divya evan unnat bhavna ko utpann karne hetu sahvas kal men yah garbhadhan sanskar kiya jata hai. bhog evan sanbhog in do shabdon men keval shabdon ka hi antar nahin varan arthon men bhi marm nihit hai.
keval kamvasna ya kshanik yaun santushti ke lie kiye jane vala sahvas bhog hota hai jabki svasth, suyogya evan dirghayu santan ki utpati hetu kiya jane vala sahvas sanbhog kahlata hai. yadi ap chahte hain ki apki santan alpayu, viklang rogi mudh n hokar balvan, buddhiman evan dirghayu ho to sahvas (garbhadhan sanskar) nimn anusar karna chahie- jab garbhadhan karna ho to kam se kam 3 din purva se supachya, satvik ahar lena, paryapt vishram karna, vichardhara achchi aur satvik rakhna tatha madhur v chiknai yukt padarthon evan falon ke ras ka sevan karna chahie.
putra prapti ki ichcha ho to garbhadhan hetu sahvas ritukal ki 8vin 10vi aur 12vin ratri men tatha yadi putri ki kamna ho to 9, 11, 13 ki ratri men tatha isi ke sath sath rikta tithiyon evan amavasya nahin honi chahie evan din somvar, budhvar, guruvar, shukravar hona chahie tatha nakshatra gandant evan pati patni ke janam nakshatra se 23van nakshatra nahin hona chahie. jise vainashik nakshatra kahte hain. karan vyaghat, vaidhriti, vyatipat tatha parigh nahin hona chahie. lagn se kendra men evan trikon men shubh grah, trishday men papagrah tatha lagn par purush grah ki drishti aur visham rashi ya navansh men chandrama hona chahie. isi ko garbhadhan sanskar kahte hain.
iske atirikt is garbhadhan sanskar ke pashchat 60 din aur 90 din ke bhitar punsavan evan simant sanskar bhi karna chahie. is sanskaron ke karne se bhrun ke puling hone men sahayta milti hai tatha stri, purush ke raj men koi dosh ho to uska bhi nirakaran hota hai. jab garbh ki pushti ho jaye to navmas tak pati patni ko sanyukt rup se jahan avashyakta ho nimn kriyaen karni chahie. is kriyaon ko karne se manovanchit santan ki prapti hone men sahayta milti hai.
mukhya kriya - pratidin apne isht ka smaran 5 minat donon samay karen. smaran ke pashchat jaisi santan ki ichcha ho usi prakar ki santan pradan karne ka nivedan isht se karen.
mas masesh kriyatmak karya
1. pratham mas shukra pati patni vichar shuddh rakhen. gussa n karen. dhuen se dur rahen. yadi donon men se koi dhumrapan karte ho to n karen.
2. dvitiya mas mangal is mas men bhrun men haddi, majja adi ka nirman praranbh hota hai. inhen majbut karne ke lie pratidin lal masur ki dal khaye tatha ismane kuch bij lal mirch ya lal mirch dalakar khaye. krodh n karen.
3. tritiya mas guru vathrum aur ghar ke nal thik rakhen. ghar ko sundar sajayen aur sugandhit rakhen. ghar men kire makore chipkli adi n rahne den. dhokla khaye ya ghi, vesan ke laddu khayen. isse guru balvan honge tatha rahu ka bal kam hoga.
4. chaturth mas surya surya bhagvan ki aradhna karen. mata-pita suryoday se pahle uthen aur fir surya ke samne baithakar 5-10 minat tak is mantra ka jap karen. ‘un hrin hansah. yadi surya n mile ya n dikhe to samachar patra ya panchang se suryoday ka samay dekhakar purva ki or munh karke mantra jap karen. avashyak nahin hai ki is kriya ko karte samay snan kiye hi hon. is kriya ko karne se santan ko kabhi avsad rog nahin hoga evan atmabali hogi.
5. pancham mas chandra chandra mantra ka jap karen. suryast ke bad baye hath men chandi ka kara pahnen. din men dudh jarur pien munh men dant ke niche ilaichi ya saunf dabaye rakhen. isko karne se santan ka mastishk tej aur urvarak hoga.
6. shashth mas shani pratyek shanivar ko kushth rogi ko kuch khadya vastu den. pati ghar men khasakar rasoi men jhadu poncha karen. dudh malai ka prayog karen. iske atirikt jis prakar ke kairiyar ki santan chahte ho us prakar se sanbandhit sahitya yugal parhen, unapar charcha karen. vaigyanik vartalap karen.
7.saptam mas budh rat din men thanda bhojan karne ka prayas n karen. hari sag sabji adhik khayen. dhup men baithakar gari ka tel sharir men lagayen. un bun budhayah mantra ka jap karen. isko karne se santan buddhiman hogi.
8. ashtam mas guru nahane ke pani men adha ghante pahle belapatra dalakar us pani se snan karen. haldi ka prayog karen. badi chijen n khaye. samjhdari, gyanavarddhak vartalap karen. isko karne se santan samjhdar, tej evan gunvan hogi.
9. navam mas chandra rasile falon ka sevan karen. prayas karen ki safed vastra hi dharan karen. lal, gre ya dark bhed ke kapron evan rangon se parhej karen. pani khub pien. tanbe ke baratan men jalabhar kar sirhane baye taraf rakhakar soyen. subah is jal ko bhumi men dal den. achchi-achchi baten karen. isko karne se santan kasht rahit utpann hogi tatha vah svasth aur sarvagun sanpann hogi.