chunbak ka nam ate hi prayah ankhon ke samne ek lohe ka tukra akar leta hai joki lohe ko apne men chipka leta hai. yah ahsas purana hai. adhunik samaj men isse anek kam yatha ilektrikal, ilektraenik, kanpyutar adi saman chalane ke sath-sath rogon ke upchar men safal prayog kiya ja raha hai. ilaj hetu chunbak kai prakar ke hote hain. iske ek sire ko dakshin dhurav evan dusre sire ko uttari dhruv kahte hain. prayah yah lohe ke ya vibhinn dhatuon ke mishran ke sath-sath-chini mitti se bhi nirmit hote hain.
chunbkon ke prakar: char chunbak, belnakar thos evan ched yukt, anguthi ki bhanti, chaikor ched vale, bina ched vale, arddhachandrakar, ghore ki nal ya angreji ke yu akar ke, vargakar ched vale, bina ched vale, pyale ke akar ke. chumbakiya jal - rogon ki chikitsa men chunbkon ko rogagrast sthanon par sparsh karakar chikitsa karne ke sath hi sath chunbkiya jal pilane ka bhi vidhan hai, isse shighra labh hota hai.
chunbkiya jal banane ki vibhinn vidhiyan is prakar hain:
û ek chunbak len jo 250-300 gram lohe ko utha sakta ho. ise khub achchi tarah saf karke pani se bhare kanch ke aise patra men dalen jisse vah pura dub jaye, ab ise kisi kanch ke dhakkan se hi dhank den. yah kriya sayankal ki jani chahie aur ise ratabhar aisa hi pare rahne den. subah is pani ko chanakar kisi kanch ke bartan men rakh len aur avashyaktanusar rogi ko pilayen.
û kabhi-kabhi chunbak ke pani men pare rahne par jang lag jati hai. iske nidan hetu chunbak ko pani men n dalakar pani ke patra ke niche vargakar ya golakar jaisa patra ho us anusar chunbak rakh den. 24 ghante men chunbak ki tarangon ko grahan kar pani chunbkiya jal ban jayega. is vidhi ki yah visheshta hai ki pani men kisi bhi prakar ki gandgi. jang adi ane ki sanbhavna nahin rahti hai. yah pani banane ke liye do kanch ke patra lene chahiye. ek patra ke niche ek chunbak tatha dusre patra ke niche dusra chunbak 24 ghante ke lie rakhen, iske bad ek tisre kanch ke bartan men in donon kanch patra ke jal ko milakar upyog men layen. yahan yah dhyan rakhen ki pani ko pahle ubalakar ya filtar adi karke shuddh avashya kar len tatha kanch ke patra ko dhankna n bhulen.
û is prakar ka pani banane ke lie ‘yu’ akar ka chunbak len aur pani ke patra men niche ki or do chota ched karen jisse usmen bhara pani bund-banud kar girayen. ab is botal ya patra ko unche men tang den aur iske niche kisi kanch ke patra men ‘yu’ akar ka chunbak is prakar rakhen ki us par patra ka pani donon siron par gire. chunbak rakhe patra men bhi ched karen jisse usmen bana chanubkiya jal is patra men ekatra ho sake. yah ekatrit jal chunbkiya jal bana hai.
û 20 litar pani ka plastik ka ya kanch ka bhara hua patra len aur is patra ke pas 1 hajar gas shakti ka belnakar chunbak ka uttari dhruv rakh den. 25 se 30 mitak patra men rakhen to jal men chunbkiya gun a jate hain. is patra ke pas aisa hi ek dusra chanubak bhi rakh den aur patra se pani nikalte rahen aur utna hi dusra pani milate rahen. is prakar se pani ki upalabdhata barabar bani rahegi.
chunbkiya jal ki khurak: vayask logon ko 50 mi.li. jal nashte se pahle aur din tatha rat men khana khane ke bad diya sakta hai. bachchon ko matra ek do chammach hi chunbkiya jal dena chahiye. is pani ko pani ki bhanti nahin pina chahiye kyonki yah chunbakatva yukt hota hai aur adhik pine se sharirik hani bhi ho sakti hai.
chunbkiya jal pine ke labh
1. kabj nahin rahta hai.
(2) pachan tantra kriya aur snayutantra vikar dur hote hain.
(3) masik dharm chakra thik hota hai.
(4) rakt sanchar thik hota hain
(5) pathri nikal jati hai.
(6) gurde evan peshab sanbandhi vikar dur hote hain.
(7) sharirik vikar dur hokar sharir men sfurti ati hai.