vartaman samay men samanya jan apni madhyam arthik sthiti ke karan tatha chote parivar ke karan chote bhukhand par bhavan banate hain. aise men sabhi prakar ke kaksh banana sanbhav nahin ho pata. lekin jo kaksh mukhya rup se banae jate hain usmen 8 ya 9 kaksh hote hain.
is lekh men aise kaksh kis disha men hone chahie jisse makan vastu sammat bane aur usmen rahne vale log khushhal jindgi ji saken iska varnan kiya gaya hai. jo log apna makan banana chahte hain unke lie yah jankari kafi mahatvapurn hai.
1. puja ghar :
1. puja ghar ishan kon men banana chahiye. pratahkalin surya ki pavitra rashmiyan is bhag ko pavitra aur shuddh banati hain. dakshin disha men puja ghar n banayen. puja karte samay kaksh ke uttar ya purvi bhag men uttar ya purva ki or munh karke baithna chahiye. isse ghar men dhan-dhanya samriddhi aur sadgyan ki vriddhi hoti hai.
2. puja ke liye bhagvan ki murtiyan ya tasvirane uttar ya purva ki or divar ke nikat rakhni chahiye. inka mukh uttar ki or nahin hona chahiye. khandit murtiyan ya kati-fati tasvirane puja ghar men nahin rakhni chahiye.
3. puja ghar ke as-pas upar ya niche shauchalay nahin hona chahiye. divaron par safed, halka pila ya asmani rang karana chahiye.
4. iske dvar par yadi ho sake to dahlij avashya banvayen. darvaje do palle vale hone chahiye.
5. puja ghar ke nikat angan ya khuli chat par tulsi ka paudha rakhna chahiye. dipak dakshin-purvi kone men rakhna chahiye. havan bhi agney kon men karna chahie.
2. snan ghar :
1. snan ghar purva disha men banana chahiye. iska karan yah hai ki pratahkal snan karte samay khule badan par surya ki rashmiyan padengi to unka sanpurn labh sharir ko milega. yah svasthya ke liye uttam hai. snan ghar men pani ka bahav uttar ya purva ya ishan kon ki or hona chahie.
2. surya ki kirnane ko ane ke liye roshndan ya khirkiyan purva disha men rakhni chahiye. snan ghar ka dvar dakshin ki or nahin hona chahie.
3. yadi mukhya ghar ke bahar ahate men snanaghar banana ho to purva ya uttar men hona labhdayak hota hai. iska kamra is prakar banayen ki mukhya bhavan ki divar ko n chue.
4. snanaghar ki divarane aur tails ka rang safed ya halka asmani ya halka nila hona chahiye.
5. garm pani ke liye gijar ya hitar adi lagane hon to inhen snan ghar ke agney kon men lagayen. nal, fuhara v vash besin ishan kon men lagvayen. darpan dakshin ki divar par n lagayane. dhone ke liye kapde pashchim mane rakhen.
6. yadi ataichd shauchalay banayen to shauch-kundi snanaghar ke vayavya kone men lagayen. iska tal snanaghar ke farsh se thora uncha rakhen taki isapar se pani snanaghar ke farsh par n jaye. pani ke nikas ki nali uttar ya purva ki or rakhni chahiye. yah dakshin ya agney ya nairritya ki taraf nahin hona chahiye.
3. rasoi ghar :
1. rasoi ghar ke liye sarvottam sthan agney kon hai kyonki rasoighar men agni ka upyog hota hai aur agni dev ka adhikar agney kon par hai. chulha, gais, barnar, stov rasoi ghar men agney kon men rakha jana chahiye. isliye slaib purvi divar ke sahare is prakar lagaen ki yah purvi v dakshini divar ko chue nahin isse do inch dur rahe.
2. bhojan pakate samay grihini ka munh purva ki or rahe to bahut shubh hota hai parantu ishan ki or dekhte huye bhojan nahin pakana chahie. isse mansik tanav aur bhari hani ho sakti hai. pashchim ki or dekhte hue bhojan paka sakte hain.
3. yadi rasoi ghar vayavya kon men hai to parivar men bhojan sanbandhi vyay anavashyak rup se barh jata hai. uttar men rasoi ghar hone se nirantar mehmanon ka avagaman hota rahta hai, arthik hani hoti hai tatha agni durghatanaon ka dar bana rahta hai.
4. ishan ya nairritya kon men rasoi ghar banane se bahut hi kasht v hani hoti hai. agni durghatanaon ka bhay tatha jan-dhan ki hani ho sakti hai.
5. pey-jal ka bhandaran ya vash-besin uttar ya ishan kon men hi rakhen.
4. shayan kaksh :
1. bhavan men mukhya shayan kaksh dakshin-pashchim men sthit hona chahiye aur yah grih-svami ke liye hona chahiye.
2. yuva vivahit danpatti ke liye shayan kaksh ka uchit sthan uttar ya vayavya kon men hona chahiye. avivahit chote sadasyon ke liye visheshakar balikaon ke liye shayan kaksh vayavya kon men shubh rahta hai. atithiyon ke liye bhi vayavya kon uttam rahta hai.
3. shayan kaksh men sote samay vyakti ko sirhana dakshin ya purva men rakhna chahiye. uttar ki or sirhana rakhakar nahin sona chahiye.
4. shayan kaksh ishan kon men ho to grih svami ko arthik hani hoti hai tatha sabhi kamon men badha ati hai. kanya ke vivah men deri hone se pragti men badhayane ati hain. agney kon men bhi shayan kaksh ka hona ashubh mana gaya hai. isse pati-patni men kalah, nidra ka abhav, chintaen, agni bhay adi rahti hain.
5. parivar ke mukhiya ka shayan kaksh uske putra-putriyane se bara hona chahiye. viprit hone par santan pita ki agyakari nahin rahegi. yadi shayan kaksh ke sath shauchaly-snan ghar ataich ho to yah uttar ya pashchim bhag men labhkari hota hai.
6. shayan kaksh ke dvar dakshin ki or nahin khulne chahiye. shayan kaksh ka nairritya kon kabhi khali nahin hona chahiye. vahan farnichar almari adi rakh deni chahiye.
7. shayan kaksh men anya saman jaise ti. vi., hitar ya anya vidyut upakaran agney kon men, vastuon ke liye almari nairritya ya vayavya bhag men, dresing tebal uttar ya purva bhag men, likhne parhne ke liye mej pashchim men rakhni chahie.
5. koshagar :
1. nakad dhan aur bahumulya vastuen uttar disha men rakhni chahiye kyonki uttar disha ka svami kuber hai. is kaksh ka ek dvar purva ya uttar ki divar men rakhna chahiye. dakshin-agney- vayavya ya nairritya men dvar nahin rakhna chahiye. bahumulya rakhi hui vastuane ka dvar uttar ki or khule. almari ya tijori ko ishan kon vale kshetra men nahin rakhna chahie. isse dhan ka nash hota hai. sef men baratan, kapre adi rakhne hane to niche ke khane men rakhen.
2. sef ke upar sutkes ya anya bhari vastuen nahin rakhni chahie. is kaksh men almari adi men makri ka jala nahin banne dena chahiye, isse daridrata ati hai. kaksh ki divaron par pila rang shubh hota hai.
3. uttari ya purvi divar men unchai par ek choti khidki ho to shubh hota hai.
6. ann bhandar:
bhandar kaksh ka dvar nairritya kon men nahin hona chahiye anya kisi bhi disha men rakh sakte hain. khirki ya roshndan purva ya pashchim ki or rakh sakte hain. pratidin kam men ane vala saman vayavya kone men rakhen. agney kone men indhan, gais silendar adi rakhna chahie. khali dibbe, matke adi is kaksh men rakhna ashubh hota hai. makri ka jala adi nahin lagne dena chahiye.
7. bhojan kaksh :
1. bhojan kaksh purva ya pashchim disha men ho. yadi rasoi ghar vayavya kon men hai to bhojan kaksh rasoighar ke uttari ya pashchimi disha men banayen. bhojan kaksh ka dvar purva ya uttar men hona chahiye.
2. bhojan karne ke liye pramukh sadasyon ko purva ki or munh karke baithna chahiye. uttar ya pashchim ki or dekhte huye anya sadasya baith sakte hain. dakshin ki or munh karke nahin baithna chahie. bhojan kaksh men daining tebal aytakar ya vargakar ho, gol ya andakar tebal nahin honi chahiye.
3. pine ke pani ki vyavastha ka kaksh ishan kon men ho. frij adi yadi rakhna ho to agney kon men rakhane. vash-besin uttar ya purva ki or lagayen.
8. adhyayan kaksh :
1. pashchim disha aur nairritya kon ke bich ka bhag adhyayan kaksh ke liye sarvashreshth mana gaya hai. yah kshetra brihaspati, shukra, budh grahon tatha chandrama ke prabhav kshetron men hota hai. budh buddhi pradan karne vala tatha brihaspati gyan barha kar vidya dene vala hota hai. shukra vyakti ko adhyavsayi banata hai tatha chandrama ki shitlta mastishk ko shakti pradan karne vali hoti hai. in devtaon ke prabhav se adhyayan karne men saflta milti hai.
2. adhyayan karte samay purva ya uttar ki or munh karke baithna chahiye. pustakon ki almari purva ya uttar ki divar men rakhni chahie. agney ya nairritya kon men pustakon ki almari nahin rakhni chahiye.
3. adhyayan kaksh ki divaron, farnichar, kapat, pardon adi ka rang halka nila, hara, badami ya safed hona chahiye. in rangon se adhyatmik v mansik shanti milti hai, netra v mastishk ko shitlta bhi milti hai.
4. adhyayan kaksh men sone ka bistar nairritya kon men hona chahiye. sote samay sir dakshin men ho to ati uttam hota hai. bachchon ke kamre ka dvar kabhi bhi sirhiyane ke ya shauchalay ke sammukh n ho.
5. is kaksh ke ishan kon par purva ki or apne isht dev ka chitra rakhna shubh hota hai.
9. shauchalay :
1. shauchalay ka sabse uttam sthan vayavya kon hota hai.
2. shauchalay pashchim ya uttar disha men bhi banaya ja sakta hai parantu ishan, agney ya bhavan ke madhya bhag men kabhi n banayen.
3. shauchalay men sit/kmod ki sthapna uttara-dakshin aksh par is prakar ho ki baithne vale ka munh uttar ya dakshin ki or rahe.
4. shauchalay ka dvar uttar ya purva men hona chahiye. shauchalay ke pani ka nal agney ya nairritya kon men n ho. farsh ki dhalan is prakar ho ki pani ishan ya uttar ya purva ki or bahakar jaye. shauchalay men sangamaramar ka upyog nahin karna chahie.
jivan men jarurat hai jyotishiya margadarshan ki? abhi bat karen fyuchar point jyotishiyon se!