surya ko grahon ka raja kaha jata hai. jo grah surya se ek nishchit anshon par sthit hone par apne raja ke tej aur oj se dhank jata hai aur kshitij par drishtigochar nahin hota to uska prabhav naganya ho jata hai.
bhartiya falit jyotish men grahon ki das avasthaen hain. dipt, svasth, mudit, shakt, shant, pidit, din, vikal, khal aur bhit. jab grah ast ho to vikal kahlata hai. ast hone ka dosh sabhi grahane ko hai. surya se grah ke bich ek nishchit anshon ki duri rah jane par us grah ko ast hone ka dosh mana jata hai.
chandrama jab surya se 12 ansh ke antargat hota hai to ast mana jata hai. isi prakar mangal 7 anshon par, budh 13 anshon par, brihaspati 11 ansho par, shukra 9 ansh aur shani 15 ansh men a jane par ast hote hain. ye prachin manyataen hain. vartaman men kuch vidvanane ka mat hai ki grah ko tabhi ast manna chahiye jabki vah surya se 3 ansh ya isse kam anshon ki duri par ho. jo grah surya se nyunatam anshon se prithak hoga use usi anupat men ast hone ka dosh lagega. chandrama aur budh ast hone ki sthiti:- budh prayah ast rahta hai kyonki vah surya ke nikat rahta hai.
yahi karan hai ki ise ast hone ka dosh nahin lagta. budh aur surya ki yuti ko budhaditya yog ke nam se jana jata hai. yah ek shubh yog hai. chandrama prithvi ka upagrah hai. pratyek mah ki purnima ke uprant chandrama aur surya ke madhya ke ansh kam hone lagte hain. amavasya ke samay chandrama aur surya lagabhag saman anshon par hote hain.
chandrama jab surya se 12 anshane se kam dur hota hai to ast hone ka dosh mana jata hai parantu chandrama ko tabhi shubh faldayi samjhna chahiye jabki vah nyunatam 70 ansh dur ho. yadi chandrama aur surya ke bich isse kam anshane ka antar hota hai to chandrama svayan bali n hokar us rashi ya grah ka pratinidhitva karta hai jis se ki vah prabhavit ho. yah shubh sthiti nahin hai. chandrama jitna surya ke nikat hoga utni uski kalayen kam hongi. ast grah jivan ke do pahluon par nakaratmak prabhav dalta hai. janm lagn men vibhinn bhavane se alg-alag pahluon ko dekha jata hai.
jab koi grah ast hota hai to uske naisargik gun prabhavit hote hain. sath hi vah jis bhav ka svami hota hai uske falane men bhi vilanb karta hai. jaise yadi brihaspati ast hai aur vah saptamesh hai to n keval stri sukh men badha balki jatak men bhi vivekshilta ka abhav hoga. is prakar jab shukra chaturthesh hokar ast ho aur ashtamasth ho to jatak men yaun shakti ka abhav hota hai. yaun rog hote hain, mata ke sukh men nyunta ati hai.
vahan aur bhavan sukh men bhi kami ati hai. ast grah ko bali nahin samjhna chahiye. yadi surya se ast grah ka anshatmak antar 3 ansh se adhik hai to ast hone ka dosh nasht ho jata hai. ast grah sadaiv dushfal dete hain. kuch sthitiyan aisi bhi hoti hain jabki ast grah jiska vah svami hai, ke liye shubh sthiti mane hota hai. sabhi bhavon men gun dosh hote hain parantu trik bhavane men ashubh falane ki adhikta hoti hai.
hamare vidvanon ka manna hai ki ast grah trik bhavane 6-8-12 men hon to falane ki vriddhi hoti hai arthat ye bhav apne ashubh parinamon ko prakat nahin kar pate. iska dusra paksh bhi hai. jab in bhavon arthat 6-8-12 ke svami ast hon to samriddhi ati hai aur saflta milti hai. yah sthiti viprit rajyog hoti hai.