jab ap koi makan, jamin, flait adi kharidne ke bare men sochte hain to sabse pahle apke man men yahi prashn uthta hai ki amuk ank ka makan, plot, flait mere lie shubh hoga ya nahin? amuk shahar men iski kharidari karke vahan rahna faldayak hoga ya nahin? vibhinn prakar ke prashn man men ate hain aur shankaen paida hoti hain. atah in sabhi samasyaon ka samadhan vastu aur ank jyotish men milta hai. kaun sa ank kis grah se jura hua hai. yah is prakar se hai- vastu shastra men in ankon aur grahon ka mahatvapurn sthan hai, inke gyan ke abhav men vastu adhura rah jata hai.
apki jo janm tithi hoti hai vah ank apka mulank kahlata hai. is ank ka adhipti grah apko hamesha hi prabhavit karta hai. udaharan ke lie mana ki apki janm tarikh 26 hai to 2+6=8 apka janm ank hua aur ank ka adhipti grah shani hai. yah grah apke jivan par sabse adhik prabhav dalega kyonki shani grah apke janm tithi ank 8 ka adhipti grah hai. vibhinn tarangen utpann karne ke karan ank ek-dusre ke mitra, sam ya shatru bhi hote hain. vibhinn grahon se jure hone ke karan ankon ke vibhinn shubh rang bhi hote hain.
buy detail numerology report
surya ke ank-1 mitra ank 2, 4, 7 hain aur inka shubh rang sunhra, pila, tanbai sunhra bhura hai. chandra ke ank-2 ke mitra ank 1, 4, 7 hain aur inka shubh rang halke se gahra hara, safed aur krim hain. brihaspati ke ank 3 ke mitra ank 6, 9 hain aur inka shubh rang pila, parapal, gulabi aur jamuni hai. harshal ke ank-4 ke mitra ank 1, 2, 7 hain aur inka shubh rang sleti, halka nila hai.
budh ke ank 5 ke sabhi ank mitra hain aur inka shubh rang safed sleti aur sabhi rangon ke halke shed hain. shukra ke ank 6 ke mitra ank 3, 6, 7, 9 hain aur inka shubh rang halke se gahra nila aur gulabi hai. shani ke ank 8 ke mitra ank 1, 3, 5, 6 hain aur inka shubh rang gahra sleti, kala, gahra nila aur jamuni hai. varun ke ank 7 ke mitra ank 2, 1, 4 hain aur inka shubhrang hara, pila, safed hai.
apke janm ank ki tarah hi bhavan, flait ke nanbar aur jagah ka nam ka ank janne ke lie suchi is prakar se dekhen- yadi apki janm tarikh 12 hai to apka janm mulank 12 yani ki 1+2=3 hoga. aur yadi apka flait nan. 87 hai to flait ka nanbar ank 8+7=15 = 1+5=6 hoga. dehradun (dehradun)men flait lena hai to dehradunka ank hoga 45521465=4+5+5+2+1+4+6+5= 32 =3+2=5. apka mulank 3 hai, flait nanbar 6 hai aur dehradun ka ank 5 hai to kramshah flait aur dehradun ke ank 6, 5 apke janm ank 3 ke mitra hain.
kyonki brihaspati ke ank 3 ke mitra ank 6 v 9 hain tatha budh ke ank 5 ke sabhi ank mitra hote hain. islie apke lie yah flait dehradun men lena shubh hoga.