saflta ke svarnim sutra ruchi thapar sarvapratham apne mukhay dvar par dhyan den. dvar ke samne koi avrodh, kure ka dher, bahut pani, mandir ki chaya, kisi prakar ka koi nukila dvar ya koi vastu nahin honi chahie. aisa hone par ghar men nakaratmak urja ka adhik pravesh hota hai. yadi apke dvar ke samne aisa kuch hai, to mukhay dvar par svastik piramid lagaen.
mukhay dvara chahe kaisa bhi ho, mukhay dvar ke andar v bahar ki taraf ganesh ji ki pratima lagaen, to nakaratmak urja samapt hone ke sath man lakshmi ke pravesh ka marg bhi prashast hota hai. nivas ya karyalay ke ishan kon men devi-devtaon ki tasvir lagakar nitya puja-archana karen. sath-sath niyamit safai bhi karvate rahen kyonki man lakshmi ka sthai vas vahin hota hai jahan niyamit saf-safai ke sath puja archana hoti hai.
puja sthal men abhimantrit 'shri yantra' kuber yantra' avashya rakhen. man lakshmi ka vachan hai ki jis sthan par abhimantrit 'shri yantra' ki niyamit puja hogi, vahan unhen rukna hi hoga. uttar disha men machli ghar (ekveriyam) ya jal ka favvara hone se ghar tatha karyalay men man lakshmi ki kripa bani rahti hai. ishan kon men shvetark ganpti ya abhimantrit 'shriyantra' ko dabane se bhi man lakshmi ki kripa bani rahti hai.
nivas ke purva disha men vat vriksh, pashchim men pipal dakshin men gular v uttar disha men palash ke vriksh shubh hote hain. nivas ki chardivari ke bahar shvetark vriksh lagane se shatru hani nahin kar pate. sath-sath achanak hone vali hani-chori, agni kand ya anya kisi karya se hone vali hani se bhi bacha ja sakta hai. agney kon men vidyut mitar, rasoi ghar ya koi anya agni sanbandhi karya karne se man lakshmi ki kripa bani rahti hai.
yadi is kshetra men lal rang ka balb sadaiv jalta rahe to bahut shubh hota hai. punarvasu nakshatra men grih nirman shubh hota hai tatha abhijit v shravan nakshatra men pravesh shubh hota hai. yadi kundli men putra-sukh ka yog nahin hai, to grih-nirman ka aranbh tab karen jab budh hast, uttarafalguni, chitra, ashvini ya mrigshira nakshatra men ho. isse putra - sukh ka yog banega.
purva disha men jitna adhik khali sthan hoga, utni hi adhik man lakshmi ki kripa hogi tatha santan bhi agyakari hogi. kisi bhi kamre ke ishan kon men safai rakhne ke alava vahan par koi nukili vastu tatha jhadu adi bhi nahin rakhna chahie. nivas ya karyalay men nagdi ya abhushan adi sadaiv uttar disha men rakhna chahie.
jivan men jarurat hai jyotishiya margadarshan ki? abhi bat karen fyuchar point jyotishiyon se!