vastu shastra ke mahatvapurn sutra fyuchar point ke saujanya se grih vastu ke 51 sutra
1. safed rang ki sugandhit mitti vali bhumi brahmanon ke nivas ke lie shreshth mani gai hai.
2. lal rang ki kasaile svad vali bhumi kshatriya, rajneta, sena v pulis ke adhikariyon ke lie shubh mani gai hai.
3. hare ya pile rang ki khatte svad vali bhumi vyapariyon, vyaparik sthalon tatha vittiya sansthanon ke lie shubh mani gai hai.
4. kale rang ki karve svad vali bhumi achchi nahin mani jati. yah bhumi shudron ke yogya hai.
5. madhur, samatal v sugandhit v thos bhumi bhavan banane ke lie upyukt hai.
6. khudai men chinti, dimak, ajagar, sanp, haddi, kapre, rakh, kori, jali lakri v loha milna shubh nahin mana jata.
7. bhumi ki dhalan uttar aur purva ki or ho to shubh hoti hai. chat ki dhalan ishan kon men honi chahie.
8. bhukhand ke dakshin ya pashchim men unche bhavan, pahar, tile ya per shubh mane jate hain.
9. bhukhand se purva ya uttar ki or koi nadi ya nahar ho aur uska pravah uttar ya purva ki or ho to shubh hota hai.
10. bhukhand ke uttar, purva ya ishan men bhumigat jal srot kuna, talab evan bavri shubh mana jata hai.
11. bhukhand do bare bhukhandon ke bich hona shubh nahin hota.
12. bhavan do bare bhavnon ke bich hona shubh nahin hota.
13. aytakar, vritakar v gomukhi bhukhand grih vastu men shubh hota hai. vritakar bhukhand men nirman bhi vritakar hi hona chahie.
14. sinh mukhi bhukhand vyavsayik vastu ke lie shubh hota hai.
15. bhukhand ka uttar ya purva ya ishan kon men vistar shubh mana jata hai.
16. bhukhand ke uttar aur purva men marg shubh mane jate hain.
17. dakshin aur pashchim men marg vyaparik sthal men labhdayak mane jate hain.
18. bhavan ke dvar ke samne mandir, khanbha v gardha shubh nahin mane jate.
19. avasiya bhukhand men besment nahin banani chahie.
20. besment banani avashyak ho to uttar aur purva men brahm sthan ko bachate hue banani chahie.
21. besment ki unchai kam se kam 9 fit ho aur 3 fit tal se upar ho taki prakash aur hava a ja sake.
22. kuna, boring v bhumigat tanki uttar, purva ya ishan men bana sakte hain. vastu purush ke atimarm sthanon ko chor kar.
23. bhavan ki pratyek manjil men chat ki unchai 12 fut rakhni chahie. 10 fut se kam to nahin honi chahie.
24. bhavan ka dakshini bhag hamesha uttari bhag se uncha hona chahie.
25. bhavan ka pashchimi bhag hamesha purvi bhag se uncha hona chahie.
26. bhavan men naitya sabse uncha aur ishan sabse nicha hona chahie.
27. bhavan ka mukhay dvar brahmanon ko purva men, kshatriyon ki uttar men, vaishya ko dakshin men tatha shudron ko pashchim men banana chahie. iske lie 81 padon ka vastu chakra bana kar nirnay karna chahie.
28. dvar ki chaurai uski unchai se adhi honi chahie.
29. baramda ghar ke uttar ya purva men hi banana chahie.
30. khirkiyan ghar ke uttar ya purva men adhik tatha dakshin ya pashchim men kam banani chahie.
31. brahm sthan ko khula, saf tatha havadar rakhna chahie.
32. grih nirman men 81 pad vale vastu chakra men 9 sthan brahm sthan ke lie niyat kie gaye hai.
33. char divari ke andar sabse jyada khula sthan purva men choren. usse kam uttar men, usse kam pashchim men, sabse kam dakshin men choren.
34. divaron ki motai sabse jyada dakshin men, usse kam pashchim men, usse kam uttar men, sabse kam purva men rakhen.
35. ghar ke ishan kon men puja ghar, kanua, boring, bachchon ka kamra, bhumigat vatar taink, baramda, living rum, draing rum, v besment banai ja sakti hai.
36. ghar ki purva disha men snan ghar, tahkhana, baramda, kuna, bagicha v puja ghar banaya ja sakta hai.
37. ghar ke agney kon men rasoi ghar, bijli ke mitar, jenretar, invartar v men svich lagae ja sakte hain.
38. ghar ki dakshin disha men mukhay shayan kaksh, bhandar, sirhiyan v unche vriksh lagae ja sakte hain.
39. ghar ke naitya kon men shayan kaksh, bhari v kam upyogi saman ka stor, sirhiyan, ovar haid vatar taink v shauchalay banaye ja sakte hain.
40. ghar ki pashchim disha men bhojan kaksh, sirhiyan, adhyayan kaksh, shayan kaksh, shauchalay v unche vriksh lagae ja sakte hain.
41. ghar ke vayavya kon men atithi ghar, kunvari kanyaon ka shayan kaksh, rodan kaksh, living rum, draing rum, sirhiyan, ann bhandar, v shauchalay banaye ja sakte hain.
42. ghar ki uttar disha men kuna, talab, bagicha, puja ghar, tahkhana, svagat kaksh, koshagar v living rum banaye ja sakte hain.
43. ghar ka bhari saman naitya kon, dakshin ya pashchim men rakhna chahie.
44. ghar ka halka saman uttar, purva v ishan men rakhna chahie.
45. ghar ke naitya bhag men kirayedar ya atithi ko nahin thahrana chahie.
46. sote samay sir purva ya dakshin ki taraf hona chahie. (matantar se apne ghar men purva disha men sir karke sona chahie, sasural men dakshin sir karke, pardesh men pashchim sir karke sona chahie aur uttar disha men sir karke kabhi nahin sona chahie.)
47. din men uttar ki or tatha ratri men dakshin ki or mukh karke mal mutra ka tyag karna chahie.
48. ghar ke puja grih men bari murtiyan nahin honi chahien. do shivling, tin ganesh, do shankh, do surya pratima, tin devi pratima, do gomti chakra, v do shaligram nahin rakhne chahie.
49. bhojan sada purva ya uttar ki or mukh karke hi karna chahie.
50. sirhiyon ke niche puja ghar, shauchalay v rasoi ghar nahin banana chahie.
51. dhan ki tijori ka munh uttar disha ki or hona chahie.
vyavsayik vastu ke 42 sutra :
1. vyaparik sansthan ke malik ko dakshin-pashchim ya dakshin pashchim (nai tya) men is prakar baithna chahie ki uska munh uttar ya purva ki or ho.
2. dukan v shorum men bikri ka sabhi saman dakshin, pashchim evan vayavya men rakhna chahie.
3. bikri kauntar par khare selsamain ka munh purva ya uttar ki or hona chahie.
4. kaish kauntar, malik ya mainejar ke sthan ke upar koi bim nahin hona chahie.
5. dukan/shorum men bhari vastuen ya kam upyogi vastue naitya men rakhni chahien.
6. jo mal kafi dinon se n bik raha ho use vayavya kon men rakh den, shighra bik jaega.
7. mukhay karyalay ka pravesh dvar uttar ya purva ki or rakhen.
8. karyalay men kaintin agney kon men hi banani chahie.
9. karyalay men khajanchi v lekha vibhag ke karmachariyon ko uttar disha men bithana chahie.
10. sabhi kebinon ke dvar andar ki or khulne chahien.
11. svagat kaksh pravesh dvar ke samip hona chahie v svagat karta ka munh purva ya uttar ki or ho.
12. svagat kaksh men uttar, purva, ishan ki taraf sajavti paudhe v fulon ke gamle lagae ja sakte hain.
13. sviming pul uttar ya purva disha men banana chahie.
14. sirhiyon ki sankhya visham hona shubh hota hai.
15. sarvajnik suvidhaen bhavan ke naitya ya pashchimi bhag men banani chahien.
16. restorent ka daining hal pashchim men banana chahie. avashyakta hone par dakshin v purva men bhi banaya ja sakta hai.
17. restorent men rasoi agney men tatha vitaran kauntar vayavya men banaya ja sakta hai.
18. aspatal v narsing hom men dakshin ka dvar nahin banana chahie.
19. aspatal ka apatkalin vard vayavya ke samip uttar men banana chahie.
20. aspatal men gahan chikitsa kaksh (pnbnnn) vayavya men banana chahie.
21. aspatal men prasuti vard ishan evan purva ke bich banana chahie.
22. aspatal men shalya chikitsa vibhag pashchim men banana chahie.
23. naitya kon men koi vard nahin banana chahie.
24. rogiyon ke kamre dakshin men nahin banane chahien.
25. rogiyon ke sir uttar disha men nahin hone chahien.
26. murda ghar ya postamartam ka kamra dakshin men banaya ja sakta hai.
27. lift uttar ya purva men banayi ja sakti hai.
28. aspatal men narson ka hostal vayavya evan uttar ke bich men aur daktaron ka hostal pashchim men banana chahie.
29. sinema hal men parda vayavya ya uttar men hona chahie.
30. klab men autdor gems ke stediyam purva, uttar ya pashchim men banane chahie.
31. klab men jimnejiyam pashchim men purvamukhi banana chahie.
32. klab men madiralay pashchim men kabhi nahin banana chahie.
33. yogabhyas v dhyan ke kamre ishan ya purva men hone chahien.
34. vidyalay men adhyapan ke kamre purva, uttar evan pashchim men banane chahie.
35. parhte samay vidyarthiyon ka munh uttar ya purva ki or hona chahie.
36. vidyalay men staf rum vayavya ya uske aspas hona chahie.
37. dukan men taraju pashchim, dakshin ya vayavya men laga sakte hain.
38. barfakhane men barf ka sangrah vayavya men hona chahie.
39. jyotish karyalay men jyotishi ke daen hath ki taraf panchang v pustaken honi chahien.
40. kemist ki dukan men naitya men koi davaiyan nahin rakhni chahien.
41. pine ka pani ishan kon men rakhna chahie.
42. taiyar mal ke sempal, bikri vibhag se sambandhit adhikari v karmachari vayavya kon men hone chahie.
jivan men jarurat hai jyotishiya margadarshan ki? abhi bat karen fyuchar point jyotishiyon se!