upyogi vastu tips rashmi chaudhri chahe ghar chota ho ya bara kintu vah purnataya aramdayak, majbut evan shantipradayak bhi hona chahie. yah tabhi sanbhav hai jab ham grih-nirman evan uski saj-sajja ke sath-sath ghar ke vastu par bhi pura dhyan den taki int-pattharon se bana makan, jise kal ham apna ghar kahenge use kisi ki buri najar n lage.
grih nirman men yadi ham vastu niyamon ka dhyan rakhenge to koi karan nahin hoga ki hamare ghar-parivar ki khushiyon ko dukhon aur pareshaniyon ka grahan lag jay. sarva pratham vastu sanbandhi niyamon ki dishaon ka gyan, unke adhipti, grah tatha dishaon se sanbandhit tatvon ka gyan hona ati avashyak hai. ise aur achchi tarah se is prakar samjha ja sakta hai.
uttara-purva ko ishan kon, uttara-pashchim ko vayavya kon, dakshin-purva ko agney kon evan dakshin-pashchim ko naitya kon kahte hain. in dishaon se sanbandhit tatva is prakar hain- uttara-purva (ishan kon) jal tatva uttara-pashchim (vayavya kon) vayu tatva dakshin-purva (agney kon) agni tatva dakshin-pashchim (nairitya kon) prithvi tatva brahm sthan (madhya sthan) akash tatva jal, vayu, agni, prithvi aur akash, panch mahabhut tatva kahe jate hain. jinse milakar hamara sharir bana hai.
in panchmhabhuton se sanbandhit grah nimnalikhit hain- prithvi - mangal jal - shukra agni - surya vayu - shani akash - shani sath hi char anya grahon (chandrama, budh, rahu aur ketu) ka sanbandh, kramshah man, budh, ahankar evan moksh se hai. vastu ke is praranbhik gyan ke bad 'ashtadisha vastu' ka gyan hona bhi jan sadharan ke lie atiavashyak hai-
is prakar dishaon ke anurup grih nirman karvane se ghar men vastu dosh hone ka koi karan najar nahin ata, fir bhi shahron men sthanabhav ke karan chote-chote bhukhandon par ghar banane parte hain sath hi shahron men adhik sankhya men log flaits men hi rahte hain jo pahle se hi nirmit hote hain atah ghar purnataya vastu sammat ho, aisa sanbhav nahin ho pata.
chahakar bhi ham un vastu doshon ko dur nahin kar pate hain aur hamen usi prakar un vastu doshon ko svikar karte hue apne ghar men rahna parta hai. aisi paristhitiyon men kuch upyogi vastu tips ko apnakar grih doshon ko kafi sima tak kam kiya ja sakta hai. yah mahatvapurn jankariyan nimnalikhit hain-
sarvapratham ghar ke mukhay dvar par drishti dalte hain ghar ka mukhay dvar sadaiv purva ya uttar men hi hona chahie kintu yadi aisa n ho pa raha ho to ghar ke mukhay dvar par sone chandi athva tanbe ya panch dhatu se nirmit 'svastik' ki pran pratishtha karvakar lagane se nakaratmak urja ka nash aur sakaratmak urja ka vikas hone lagta hai. ghar ki sthiti anukul hone lagti hai.
ghar ke mukhay dvar par tulsi ka paudha rakhen. subah usmen jal arpit karen tatha sham ko dipak jalaen. purva ya uttar disha men tulsi ka paudha lagane se ghar ke sadasyon men atmavishvas barhta hai. ghar ki chat par tulsi ka paudha rakhne se ghar par bijli girne ka bhay nahin rahta. ghar men kisi prakar ke vastu dosh se bachne ke lie ghar men panch tulsi ke paudhe lagaen tatha unki niyamit seva karen.
dhyan rahe ki ghar men khirki darvajon ki sankhya sam ho jaise (2, 4, 6, 8, 10) tatha darvaje khirkiyan andar ki taraf hi khulen. dvar khulte-band hote samay kisi bhi prakar ki karkash dhvani nahin ani chahie. ye ashubh suchak hota hai. yadi kisi bhikshuk ko bhiksha deni ho to ghar se bahar akar hi den, anyatha anhoni hone ki sanbhavna rahti hai. kalah se bachne ke lie ghar men kisi devi-devta ki ek se adhik murti ya tasvir n rakhen.
kisi bhi devta ki do tasviren is prakar n lagaen ki unka munh amne-samne ho. devi-devtaon ke chitra kabhi bhi naitya kon men nahin lagane chahie anyatha korta-kachahari ke mamlon men uljhne ki puri sanbhavna rahti hai. kisi ko koi bat samjhate samay apna munh purva disha men hi rakhen. parhte samay bachchon ka munh purva disha men hi hona chahie. chalte samay kabhi bhi pair ghasitakar n chalen. jivan men sthayitva lane ke lie sadaiv apne pain se hi hastakshar karen.
is bat ka dhyan rahe ki ghar men kabhi bhi faltu saman, tute-fute farnichar, kura kabar tatha bijli ka saman ikattha n hone pae. anyatha ghar men bevajah ka tanav bana rahega. fate-purane jute-mauje, chate, andar garments adi jitni jaldi ho sake ghar se bahar faink den. nahin to ghar men sakaratmak urja ka sarvatha abhav rahega aur vyarth ki pareshaniyan ghere rahengi. fate jute mauje aur andar garments prayog men ane se shani ke nakaratmak pabhra aav bhi jhale ne padte hain.
farnichar ka akar gol, trikon, shatkon ya andakar nahin hona chahie. dhan vriddhi ke lie tijori ka munh sadaiv uttar ya purva disha men hi hona chahie tatha jahan par paise rakhne hon vahan par sugandhit drivya ya itra, parafyum adi nahin rakhne chahie. tijori ke darvaje par kamal par baithi hui tatha safed hathiyon ke jhund ke agra bhag se nahlai jati hui lakshmi ji ki ek tasvir lagane se ghar men nirantar vriddhi hoti hai. dakshin ki divar par darpan kabhi bhi n lagaen.
darpan hamesha purva ya uttar ki divar par hi lagana chahie. floring, divar ya chat adi par darare nahin parni chahie. yadi aisa hai to unhen shighra hi bharva dena chahie. ghar ke kisi bhi kone men silan nahin honi chahie aur n hi ghar ke kisi kone men rat ko andhera rahna chahie. sham ko kam se kam 15 minat pure ghar ki lait avashya jalani chahie. bijli ke svich, motar, men mitar, ti.vi., kampyutar adi agney kon men hi hone chahie isse arthik labh sugmta se hota hai. ghar men pustaken rakhne ka sthan uttar ya purva men hi hona chahie tatha pustakon ko band almari men hi rakhna chahie.
telifon ke pas kabhi bhi pani ka glas ya chay ka kap nahin rakhna chahie. anyatha telifon thik se kam nahin karega aur usmen kuch n kuch garabar hoti rahegi. ghar men kabhi bhi makri ke jale nahin lagne chahie nahin to rahu kharab hota hai tatha rahu ke bure fal bhogne parte hain. ghar men kabhi bhi ramayan, mahabharat, yuddh, ullu adi ki tasvir nahin lagani chahie. keval shant aur saumya chitron se hi ghar ki sajavat karni chahie.
avivahit kanyaon ke kamre men safed chand ka chitra avashya lagana chahie. purva ki or mukh karke khana khane se ayu barhti hai. uttar ki or mukh karke bhojan karne se ayu tatha dhan ki prapti hoti hai. dakshin ki or mukh karke bhojan karne se pretatva ki prapti hoti hai tatha pashchim ki or mukh karke bhojan karne se vyakti rogi hota hai. bhojan ki thali kabhi bhi ek hath se nahin pakrni chahie. aisa karne se bhojan pretyoni men chala jata hai.
bhojan ki thali ko sadaiv adrpurvak donon hath lagakar hi tebal tak lana chahie. yadi jamin par baithakar khana-khana hai to bhojan ki thali ko sidhe jamin par n rakhakar kisi chauki ya asan par rakhakar hi bhojan grahan karna chahie. sote samay grihasvami ka sir sadaiv dakshin kei taraf hi hona chahie isse ayu vriddhi hoti hai evan grih svami ka purn prabhutva ghar par bana rahta hai.
yadi pravas par hon to pashchim ki or sir karke hi sona chahie. jisse jitni jaldi ho sake apne ghar vapas a saken. ghar men sirhiyon ka sthan purva se pashchim ya uttar se dakshin ki or hi hona chahie, kabhi bhi uttara-purva men sirhiyan n banvaen. sirhiyon ki sankhya hamesha visham hi honi chahie jaise- 11, 13, 15 adi.
yadi ghar men sirhiyon ke nirman sanbandhi koi dosh rah gaya ho to mitti ki katori se dhak kar us sthan par jamin ke niche daba den. aisa karne se sirhiyon sanbandhi vastu doshon ka nash hota hai. sandhya ke samay ghar men ek dipak avashya jalaen tatha ishvar se apne dvara kie gaye papon ke lie kshama yachna karen.
yadi dhan sangrah n ho pa raha ho to ''un shrin namah'' mantra ka jap karen evan sukhe meve ka bhog lakshmi ji ko lagaen. yadi in sab baton ka dhyan rakha jae to vighn, badhaen, pareshaniyan hamen chu bhi nahin sakengi, khushiyan hamare ghar ka dvar chumengi, hamare ghar ki sirhiyan hamare lie saflta ki sirhiyan ban jaengi tatha ghar ki bagiya hamesha mahkti rahegi tatha ghar ka pratyek sadasya pragti karta rahega.
jivan men jarurat hai jyotishiya margadarshan ki? abhi bat karen fyuchar point jyotishiyon se!