sundar prakriti ke madhya naisargik saundarya ki lila bhumi jharkhand pradesh ka chotanagpur pathar ke pashchim men yugon-yugon se abad palamu chere (cher) namak adivasiyon ka mukhya garh raha hai jise purane jamane men palamau ke nam se abhihit kiya gaya hai. jharkhand ke isi palamu prakshetra ka mukhyalay daeltanaganj uttari koil nadi ke kinare virajman hai jo 1862 i. men karnal daeltan ke karyakal men bharat ke manchitra par sthapit hua aur ise 1892 i. men jile ka darja de diya gaya.
aj ka daeltanaganj jharkhand prant ka ek viksit shahar hai jahan nagar ke andar kitne hi prachin math, mandir, charch, masjid v gurudvare virajman hain. inmen redma chaik ke sannikat virajit bhagvti sthan ki mata kali ki mahima aparampar hai. man ki kripa se bhakton ke samast karya sahaj v saral rup se purn hone ke karan yahan sal ke sabhi din khasakar donon navratra v pratyek manglvar aur shanivar ko bhakton ke agaman se mela lag jata hai. aitihasik parichay aitihasik vivaran batate hain
ki 1641 i. men shaista khan ne cherane par akraman kar diya par vijay prapt nahin kar saka. age 1660 i. men daud khan ne pure parikshetra par kabja jama liya. 1771 i. men cher rajaon v angreji sena ke madhya bhishan yuddh hua jiska netritva kaiptan kamek ne kiya. isi ke bad is bhu-kshetra men angreji raj ne apne panv pasare fir daeltan ganj ko mukhyalay banne ke bad is kshetra men kitne hi dev sthalon ka sthapan aur vikas hua. ismen bhagvti sthan bhavan ka nirman bhale hi sattar varsh prachin hai par yah sthan is kshetra men sarvadhik prachin pujit bataya jata hai.
vivaran hai ki mahakali ke is behad chote tirth ko pas ke chathu ram chandravanshi ki dharmapatni ne varsh 1964 men nirman karvakar 1965 i. men yahan man bhagvti ki pran-pratishtha karvai. bad men 1978 i. men is mandir ko sthaniya pappu sahni v bhakton ki kripa se navshringar pradan kiya gaya. tab se aj tak yah mandir daeltanaganj ke nagriya v gramin kshetron men astha v vishvas ka pradhan kendra bana hua hai. kinvadanti kahte hain ek fakkar sadhu us samay yahan nivasarat the jo mata kali ke param bhakt the. mandir mane praranbhik sadhna v pujan ka kram sthapit kar bad men ve kalipith chale gae. karib sat ekar se adhik bhubhag men vistrit is mandir ke pujari pan. shibul tripathi batate hain
ki chandravanshi gharane ki matrikripa ka pratifal yah mandir bara hi falaprad hai jahan se bangal pradesh ke kitne hi bhakton v sadhkon ka tar jura hua hai. mukhya raj marg se karib sat sirhi utar kar thik samne ke kaksh ke garbhagrih men virajit bhagvti kali pratyek ane-jane valon ko nimantran dete pratit hoti hain jo unche path pith par chandi ke chatra ke niche shobhit hain aur upar ke shikhar ka bhag arddhagolakar hai. kale rang ke kasauti patthar ki mata rani chaturmukhi tatva ko samahit kie chaturbhuji hain jinke mukhmandal se bhaktiras ka sada sanchar hota rahta hai. mandir ke thik samne baen taraf shitla mata v bhairav ji ka chota devalay sthapit hai
to dahine taraf bal krishn ka manohari rup darshaniya hai. yahan ke krishn ki murti bari akarshak hai jahan shri krishnashtami ko vishesh pujan ka ayojan kiya jata hai. dvadash jyotirling ke laghu rup age bagal men dvadash jyotirling ka sthan hai jahan barah vibhinn akar-prakar ke shivling pujit hain. is kaksh ke andar kul 24 shivling v itne hi trishul se kiya gaya shringar mandir ko anya shiv mandiron se alag karta hai. jis prakar dvadash jyotirling kshetra men shivling virajman hain kuch vaisa hi rup svarup dene ka prayas yahan kiya gaya hai, jo ruchikar v akarshak hai. iske thik bagal men aytakar kaksh ke age brahm dev ka sthan pipal per ke niche hai. pas men hi havan kund dekha ja sakta hai.
navratron men jutti hai bhir apar kisi bhi parva tyohar men khasakar navratra v devi kali puja (dipavli) par inka shringar dekhne log dur-dur se ate hain. is mandir se yahan ke logon ki apar nishtha v atut astha juri hai. yahi karan hai ki kisi bhi shubh karya men log saprivar yahan akar devi man ko bhog arpit karte hain. kuch bahar ke mishtann to prayah ghar men bane pua-pakvan v khir se mata ka bhog lagate hain. kaise aen jharkhand ka nagar daeltanaganj sarak v rel donon marg se jura hai. yahan nai dilli, havra, ranchi, varansi, gaya, hajaribag, anbikapur adi se jana ekadam sahaj hai.
yahan ane vale bhakt palamu rashtriya udyan betla jarur jana chahte hain jo yahan se 25 kimi. duri par vanya prani abhyaranya ke rup men pure desh men charchit hai. vaise yahan ka mediniraj ka vishal raj bhavan, spannapuri, sangmtirth v nae jamane ka bana nechar intarapriteshan sentar aur ‘faerest myujiyam’ ke sath kitne hi janvron ka pratyaksh sakshatkar ka apna alag anand hai. iske sath hi suga bandh jal prapat, maru manr, kaid adi ke darshan bhi yatri avashya karte hain jo prakriti ka sundaratam najara aharnish prastut karta rahta hai.
adbhut sadhna kanedra bhagvti sthan mandir ke bahar hi pujan samagri, havan samagri v shringar prasadhan ki choti-bari dukan hain jahan se ap puja-path se jure samast chij kray kar sakte hain. mandir ki dusri taraf ‘udyan bhavn’ hai. yahan sadhak baithakar apni sadhna v tapashcharya purn karte hain.
nikat ke anya pujniya sthal is prasiddhi prapt devalay ke sath-sath daeltanaganj nagar men uttari koil ke kinare ka prachin shiv mandir, ram janki mandir, hira mandir, gayatri mandir, 101 varsh purana durgabari v durga mandal, 1936 i. ka shri vishnu mandir, chah raste ka devi kali man, sati mandir, shani mandir, durga mandir v nav sthapit surya narayan mandir adi yahan ke varshik kshitij ko shringarit karne men damdar bhumika ka nirvahan kar raha hai. astu ! palamu kshetra men mata ki prasiddhi chahunor hai. yah mata bhagvti ki kripa ka hi suprabhav hai ki yahan ane vala sada-sarvada ke lie mata ji ka bhakt ban jata hai.