vastu dosh ke karan ghar men rahne valon ko koi n koi kasht jhelna parta hai. kai bar yah gyat nahin hota ki kaun sa vastudosh hai jiske nivaran ka upay kiya jae. lekin kasht ke anurup ap jan sakte hain ki kaun se kon men dosh hai aur us kon ke dosh ka
nivaran kar usse mukti pa sakte hain. kaun sa kasht kis dosh ke karan utpann ho raha hai, yah nimn chitra men ullekhit hai.
am taur par jo kasht hote hain unke varnan ke sath-sath unke upayon ka ullekh kar rahe hain taki jis kasht se vyakti pirit ho usi ke adhar par usse sanbandhit upay ki jankari prapt kar vah usse mukti pa sake.
- asvasthata: yadi makan malik asvasth rahta hai to iska karan nairritya kon ka nicha hona ya us disha mane kisi gaddhe ka hona ho sakta hai. us disha men yadi koi kuan ya pani ka koi anya srot ho to use band karva dena chahie. yadi nairritya men rasoi ghar hai to use kahin aur sthapit karen.
- ay se adhik vyay hona: uttar disha yadi svachch n ho ya dakshin se unchi ho to lakshmi prayah asthir rahti hai. uttar disha men shriyantra sthapit karen.
- grih klesh rahna: grih klesh ka mukhya karan agney kon, jiska svami shukra hai, ka doshpurn hona hota hai. dhyan rakhen ki is kon men pani ka koi srot n ho aur yah kon nairritya kon se nicha ho. yadi jal evan agni donon pas hain to unhen alag karen.
- saman ka aksar chori honaah yadi nairritya kon khula hota hai ya nicha hota hai to ghar men aksar hone vali chori ke karan nuksan hota hai. prayas karke is kon se avagaman band kar den. nairritya men rahu yantra sthapit karen.
- vansh vriddhi n hona: vansh vriddhi ka mukhya devta surya hai aur vah purva disha ka svami hai. purva disha ka kisi bhi prakar ka dosh vansh vriddhi men vyavdhan dalta hai. atah dekhen ki yah disha saf-suthri evan khuli ho aur dakshin ya pashchim se unchi n ho. purva disha men gopal yantra ki sthapna karen.
- puja-path men man n lagna ya man ka ashant rahna: man ki shanti ka devta guru hai, jo ishan kon ka svami hai. yadi ishan kon dushit hota hai to man ashant rahta hai. puja-path men man lage iske lie ishan ki or mukh kar dhyan karna chahie. pranayam avashya karen.
- bachchon ka parhai men man n lagna: parhai ka karak guru hai aur vah ishan kon ka svami hai. atah ishan kon ko svachch rakhen aur is kon men jyada bhari saman jama n karen. dekhen ki parhte samay bachchon ka rukh ishan ki or ho. sarasvati yantra ki sthapna karen.
- parosiyon se jhagra: iska mukhya karan vayavya kon men dosh hona hota hai. is kon ka nairritya se uncha hona is dosh ka karak hai. panchmukhi rudraksh ki mala dharan karen.
- naukron ka thik se kam n karna: naukron ka pratinidhitva shani karta hai jo pashchim disha ka svami hai. pashchim disha purva se nichi ho, to is prakar ke dosh pae jate hain. shani yantra sthapit karen.
- mashinon ka bar-bar kharab rahna: yadi apke ghar men tivi., refrijretar, telifon ya anya upakaran bar-bar kharab ho jate hon, to iska karan pashchim disha men dosh hota hai jo shani ki disha hai. is disha men shani yantra ki sthapna se yah dosh dur ho sakta hai. matsya yantra sthapit karen.
- kanya ke vivah men vilanb: kanya ke vivah men vilanb grahon ke karan to hota hi hai tatha vayavya kon men dosh ke karan bhi ho sakta hai. atah is disha ke doshon ko dur kar kanya ke rahne ka prabandh vayavya kon men karen taki vah shighratishighra vida ho sake. navdurga yantra sthapit karen.
- nind thik se n ana ya din men alasya rahna: yadi uttar disha mane dosh hota hai, to is prakar ke kasht hote hain. uttar disha ko svachch rakhen, vahan shriyantra ki sthapna karen aur sote samay pair usi disha ki or rakhen.
- kort kachhri ke mamlon men fanse rahna: jhagre fasad ka mukhya devta mangal hai, jo dakshin disha ka svami hai. yadi dakshin disha uttar ya purva ki tulna men adhik khuli hoti hai to yah dosh hota hai. atah dakshin ki khirkiyan aur darvaje band rakhen evan use uttar se adhik uncha rakhen. hanuman yantra evan baglamukhi yantra sthapit karen.
- tone totkon ya buri atmaon ka prabhav mahsus hona: yadi ghar ka brahm sthal bhara hua evan bhari ho, to isse mastishk par ek bojh sa bana rahta hai aur kamjor mastishk par bahri takton ka prabhav par jata hai, atah prayatnapurvak brahm sthal ko halka karen aur ho sake to use khula rakhen.
- kam ayu men mrityu hona: yadi ghar ke sadasya alpayu hote hon, to iska sidha karan purva disha men dosh hona hai. purva disha purn rup se svachch v shauchalay adi se mukt honi chahie. is disha men pani ka srot anek doshon ka nivaran karta hai. yah disha khuli v nichi honi chahie. is disha men surya yantra ki sthapna doshon ko dur karti hai.
- har karya men rukavat parna: iska karan ghar ke brahm sthal men dosh hona hota hai. brahm sthal vastu purush ke fefrane ka pratinidhitva karta hai. atah is sthan par koi bhi bojh svami ke mansik tanav v dabav ka karan ban jata hai. karya men saflta hetu brahm sthal ko khali v halka rakhen.
- sukh samriddhi men kami: dakshin disha men dosh sukh samriddhi men kami lata hai. is disha ko bhari banakar dosh dur kiya ja sakta hai.
- bachchon ya bujurgon ka hukm chalana: nairritya kon men jiska vas hota hai, vah ghar par hukm chalata hai. atah bachchon ya bujurgon ke rahne ka prabandh ishan kon men karen taki ve prasannachitt rahen v grih svami ka kahna manen.
- kirayedar dvara klesh: is klesh ka mukhya karan agney kon ka doshpurn hona hota hai. atah is disha men shukra yantra sthapit kar ise doshmukt karen.
- agni bhay: yadi ghar men bar-bar choti-moti ag lag jati ho ya shaert sarkit ho jata ho to bhi agney kon ke dosh ka nivaran karen evan vastudosh nivaran yantra sthapit karen.
uparyukt kathnanusar apne kasht ko jante hue ghar men vastu dosh ko khojen aur uska upay kar sukh shanti purvak jivan vyatit karen.
jivan men jarurat hai jyotishiya margadarshan ki? abhi bat karen fyuchar point jyotishiyon se!