rog parichy: najla-jukam shit ritu ka ek rog hai jo shit ke karan hota hai jismen nak se pani bahne lagta hai. mamuli dikhne vala yah rog, kaf ki adhikta ke karan adhik kashtadayak hota hai. ritu parivartan ke prabhav se dosh sanchit hokar apne prakop-kal men hi kupit hote hain. parantu doshon ke prakop ke karnon ki adhikta ya prablta ke karan tatkal bhi kupit ho jate hain, jismen jukam ho jata hai arthat najla-jukam kabhi-kabhi shitkal ke atirikt bhi ho sakta hai. ayurved men najla jukam chah prakar ke kahe gaye hain. vayujanya, pittajanya, kafajanya, tridoshaj, raktajanya aur dushit.
1. vayujanya: vayu se utpann jukam men nak men vedna, sui chubhne jaisi pira, chink ana, nak se patla srav ana, gala, talu aur honthane ka sukh jana, siradard aur avaj baith jana adi lakshan hote hain.
2. pittajanya: nak se garm aur piele rang ka srav ana, nak ka agla bhag pak jana, jvar, mukh shushk ho jana, bar-bar pyas lagna, sharir dubla aur tvacha chamkrhit hona iske lakshan hain. nak se dhuan niklta mahsus hota hai.
3. kafajanya: ankhon men sujan, sir men bharipan, khansi, aruchi, nak dvara kaf ka srav aur nak ke bhitar gale aur talu men khujli hoti hai.
4. tridoshj: upri tinon doshon se utpann jukam bar-bar ho jata hai. sath hi tinon doshon ke mile-jule lakshan dikhai dete hain. sharir men atyadhik pira hoti hai.
5. raktajanya: nak se lal rang ka srav hota hai. rogi ki ankhane lal ho jati hain. munh se badbu ati hai. sine men dard, gandh ka thik tarah se pata n chalna adi lakshan hote hain.
6. dushit: nazla jukam ke sabhi doshon ki atyant vriddhi ho jane se bar-bar nak bahna, sans men durgandh, nak ka bar-bar band hona khulna, sugandh-durgandh pata n chalna adi lakshan hote hain.
najla-jukam ke pramukh karn: najla
- jukam mastishkajanya rog hote hue bhi is rog ka mul karan agni hai; arthat jab jathragni mand hoti hai to ismen ajirn ho jata hai. pachan kriya bigar jati hai aur bhojan thik se pach nahin pata evan kabj ho jane ke karan apachay padarth ka visarjan nahin hota, jiske karan jukam ki utpatti hoti hai kyonki sharir men ekatrit vijatiya tatva jab anya raston se bahar nahin nikal pata, to ve jukam ke rup men nak se niklne lagte hain. yah jukam atyadhik kashtadayak hota hai.
isse sir, nak, kan, gala, ankhon men vikar utpann hone lagte hain. jukam ka karan mansik garbri bhi dekha gaya hai. iske atirikt anya karan bhi hain. mal, mutra, chink, khansi adi vegon ko rokna, nak men dhul kanon ka pravesh hona, adhik bolna, krodh karna, adhik sona, adhik jagna, shital jal aur thande pey pina, ati maithun karna, rona, dhuen adi se mastishk men kaf jam jana. sath hi sath mastishk men vayu ki vriddhi ho jati hai. tab ye donon dosh milakar nazla-jukam vyadhi utpann karte hain.
jukam ko sadharan rog manakar uski upeksha karne se ati taklifdeh ho jata hai. jukam bigrne par vah nazle ka rup dharan kar leta hai. nazla ho jane par nak men shvans ka avrodh, nak se hamesha pani bahna, nak pak jana, bahri gandh ka gyan n hona, mukh ki durgandh adi vikar utpann ho jate hain. jukam ke bigar jane ki avastha ke bad mastishk ki anek vyadhiyan hoti hain jo kashtadayi hoti hain. is rog ke karan bahrapan, kan ke parden men ched tatha kan, nak, talu, shvans nalika men kainsar hone ki sanbhavna rahti hai. andhapan bhi utpann ho jata hai. kaha jata hai ki najle ne sharir ke jis ang men apna ghar bana liya, vahi ang kha jata hai.
danton men ghusa to dant gaye, kan men gaya to kan, ankh men gaya to ankhane gayin, chati men jama to dama aur kainsar jaisi vyadhiyan utpann kar deta hai. sir par gaya to bal gaye. chikitsa: pratham rog utpann karne vale karnon ko dur karen. kaf varddhak, madhur, shital, pachne men bhari padarth n khaen. din men sone, thandi hava ka jhonka sidhe sharir par ane dene, ati maithun adi se dur rahen. pachne men halka, garm aur rukha ahar len. saunth, tulsi, adarak, baingan, dudh, torai, haldi, methi dana, lahsun, pyaj adi sevniya padarth hain.
sonth ke ek chammach ko char kap pani men paka kar banaya gaya karha din men 3-4 bar pina labhdayak hai. gharelu nuskhe - kisi bhi prakar ke jukam ko thik karne ke lie adha katori dahi men thora sa kali mirch ka paudar aur gur milakar khane se labh hota hai. - sabut urad ki dal men hing ka tarka lagakar garm-garam khane se sabhi prakar ke jukam men labh hota hai.
- 20 gram imli ke patte, matar ke dane ke barabar hing v 8-10 kali mirch ko 1 gilas pani men dalakar ubalen. jab pani adha rah jae to chanakar rakh len. din men do se tin bar pilane se jukam men aram hoga.
- panch gram sonth ke paudar ko rat ko sote samay garam dudh ke sath lene se jukam men labh hoga.
- anar ya santre ke chilkon ka karha banakar din men do se tin bar lene se jukam men labh hota hai. - do gram chini v adha gram rai ko thora pani dalakar barik pis len v garam dudh ke sath thori matra men chaten, jukam men labh hoga.
- do gram dalchini, 2 gram choti ilaychi, do gram sonth v thori si chay ki patti ko ek sath ubalen. jab pani adhe se jyada rah jae to chan len. din men do bar piyen jukam men labh hoga. - 4-5 chuhare dudh men achchi tarah paka len. rat ko sote samay yah dudh pine se labh hoga.
- hare amrud ko ag men bhunakar khane se jukam men labh hota hai.
- adha gram haldi ko garam dudh men dalakar rat ko sote samay pien, jukam men labh hoga.
- garam tave par adha gram haldi v adha gram sonth paudar dalakar halka bhunen, upar se gur milaen. matar ke dane ke barabar goliyan bana len. din men do bar khayen, sath men garam pani ya dudh len. labh hoga.
- kale chane bhunakar garm-garam, suti kapre men dalakar potli-si bana len. us potli se matha senkane v sunghane, jukam men aram hoga.
- mulhthi paudar 2 gram v 2 gram shahad mila len, din men tin bar chaten, jukam men labh hoga.
- malamal ke saf kapre men ajvayan ko rakhakar potli bana len. ise hatheli par ragarakar bar-bar sunghen, aram milega.
- ate v gur ka deshi ghi men bana garm-garam halva khaen, jukam men aram milega.
- ek chammach tulsi ka ras, 1 chammach adarak ka ras v shahad do chammach, tinon ko mila len. din men tin bar chatne se labh hoga.
- kali mirch aur batashe pav bhar pani men paka len, chaithai pani rahne par ise garm-garam pi len. pratah khali pet v rat ko sote samay lagatar tin din tak pine par nazla jukam se rahat milegi.
- amrud ki pattiyon ka karha banakar pine se jukam men labh hoga.