ab chota parda bare se jyada piche nahin rah gaya hai. bare parde ke sitaron ne silvar skrin se nikal kar jab se chote parde par entri mari hai tabse chote parde ki lokapriyata bhi barh gai hai. is bat men koi do ray nahin ki chote parde ke kalakar bhi logon ke bich utne hi lokapriya ho rahe hain jitne ki bare parde ke kalakar.
vahin telivijan ki duniya ke kai sitare aise bhi rahe hain jinhonne age chalakar bolivud ki filmon men kam kiya aur ye silsila aj se nahin balki salon pahle se chalta a raha hai ki chote parde ke kalakar bare parde par aur bare parde ke kalakar chote parde par ate rahte hain. janakar hairani hogi ki aisi hi abhinetriyon men vidya balan ka nam bhi shamil hai jo in dinon bolivud men dhamal macha rahi hain.
to chalie aj apko batate hain. aisi abhinetriyon ke bare men jinhonne telivijan se bolivud mane kadam rakha. aise hi jyotishiya yogon ka vishleshan aj ham yahan kar rahe hain- vidya balan vidya balan ne apne ekting kariyar ki shuruat ji tivi ke dharavahik ‘ham panch’se ki thi. is sho ke jarie vidya ko telivijan ki duniya men achchi khasi pahchan hasil ho gai thi. vidya ne apne kariyar men kafi stragal kiya hai. unhonne bolivud men film ‘parinita se kadam rakhne se pahle kai tamil aur malyalam filmon men bhi kam kiya hai. aj ye bolivud ki behtrin abhinetriyon men shumar hain. ye bolivud men ‘he bebi, ‘lage raho munna bhai’, ‘d darti pikchara’ aur ‘kahani’ jaisi filmon men najar a chuki hain.
itna hi nahin vidya ko film ‘’d darti pikchara” ke lie best ektres ka rashtriya filmafeyar puraskar bhi mil chuka hai. mona sinh ‘‘jassi jaisi koi nahin” men jassi ki yadgar bhumika bhala kise yad nahin hogi. ye bhumika kisi aur ne nahin balki mona sinh ne hi ada ki. mona iske alava kai telivijan dharavahikon men bhi najar a chuki hain. bata den ki mona ne film ‘thri idiyatsa’ se bolivud en debyu kiya halanki film men unka kirdar jyada bara nahin tha, fir bhi unhen unke abhinay ke lie samikshakon dvara saraha gaya. thri idiyats ke alava mona ‘ut patang’ aur ‘jed plas’ jaisi filmon men najar a chuki hain.
prachi desai telivijan par ane vale suprasiddh dharavahik ‘kasam se’ men bani ka kirdar ada karne vali prachi desai bhi ti.vi ki duniya ka ek nami chehra rah chuki hain. khabron ki manen to jab inhen film ‘raek aun’ men kam karne ka aufar diya to inhonne is dharavahik ko alvida kah diya. film ke lie unhen us varsh best fimel debyutent ka avord bhi mila yani ki ho n ho prachi ka filmon men ane ka nirnay kafi had tak sahi raha. bata den ki prachi ‘laif partanara’, ‘vans apon a taim in mumbai’ aur ‘bol bachchana’ jaisi- filmon men najar a chuki hain. yami gautam kai talivijan dharavahikon men kam karne ke bad yami gautam ne film ‘viki donr’ se bolivud men kadam rakha tha.
yami gautam kai tamil, telugu, kannar aur malyalam filmon men najar a chuki hain. yami ne telivijan dharavahik ‘‘chand ke par chalo’’ se kafi lokapriyata hasil ki thi aur is siriyal ke jarie ye ghar-ghar men pahchani jane lagin. bata den ki yami ‘viki donr’ ke alava, ‘badlapur’ aur ‘sanam re’ jaisi- filmon men bhi najar a chuki hain. ketki dave ketki dave kai telivijan dharavahikon jaise ki ‘hasrten’, ‘kyonki sas bhi kabhi bahu thi’, ‘bahnen’, ‘pavitra rishta’ aur tamanna adi men najar a chuki hain sath hi telivijan ke kai riyaliti shoj ka bhi hissa rah chuki hain jinmen komedi sarkas se lekar kantrovarsiyal riyaliti sho ‘big bos’ bhi shamil hai.
telivijan par lagabhag do dashkon tak kam karne vali ketki ‘dil’, ‘hogi pyar ki jit’, ‘man’, ‘amdni athanni kharcha rupaiya’, ‘kitne dur kitne pas’, ‘kal ho n ho’ aur ‘mani hai to hani hai’ jaisi filmon men najar a chuki hain. tivi se bolivud abhinetri banne ke jyotishiya yog abhinay ke kshetra men dhan aur yash kamane ke lie 1, 5, 3, 10, 11 bhav, bhavesh aur karak bali hone chahie. pahla bhav vyaktitva, pancham manoranjan, tisra bhav kala, dasham ajivika aur ekadash yash ka bhav hai. aiye ise vistar samjhte hain- janm kundli ke panchven bhav ka akalan manoranjan ke lie kiya jata hai arthat abhinetaon ki janm kundali men pancham ka sanbandh dasham se jarur hona chahie.
janm kundli ke tisre bhav se vyakti ke sabhi prakar ke shauk dekhe jate hain. tisre bhav se vyakti men kala, rachnatmakata tatha srijnatmakata ka gun ata hai. tisre bhav ka sanbandh pancham bhav ya panchmesh v shukra se banta hai tab vyakti abhinay ke kshetra men achcha nam kamata hai aur uttam koti ka abhinay karta hai. yadi vyakti ki janm kundli men lagn ya lagnesh se tisre bhav ka sanbandh banta hai tab ise kafi achcha samjha jata hai kyonki tisre bhav se midiya tatha sanchar ke sadhnon ka bhi vishleshan kiya jata hai aur inhin sadhnon ke madhyam se vyakti lokapriyata hasil karta hai. chandrama ko kala se bhi jora gaya hai.
abhinay ke kshetra ko apni ajivika banane ke lie vyakti ko apna man bali banana parta hai kyaneki har koi vyakti apne bhavon ko dusron ke samne prakat nahin kar sakta hai. islie abhinay ke liye vyakti ka manobal uncha hona chahie tatha ichchashakti bali honi chahie. in donon ka hi karak grah chandrama mana gaya hai. abhinay ke kshetra se jura dusra pramukh grah shukra hai. shukra ke bina kala ana mushkil hai kyonki yah grah kala ke kshetra ka mukhya karak hai. shukra abhinay, kala, nritya, sangit, git adi ka karak hai. abhinay men in sabhi ka hona jaruri hota hai.
anttah ham dekhte hain ki bali lagna-lagnesh, bali panchm-panchmesh, bali tritiya bhav v tritiyesh tatha bali dasham bhav v dashmesh aur ekadshesh ka apas men jitna shubh sanbandh banega utna hi achcha kalakar vyakti banega. in sabhi bhavon ka jitna kamjor sanbandh hoga vyakti ki abhinay kshamata bhi usi prakar se hogi. uprokt abhinetriyon ki kundliyon men yah yog 100 % n sahi 80 % to kam kar hi rahe hain.