piramid dvara vastu dosh nivaran do. jayaprakadga sharma (lal dhage vale) piramid ek vishesh prakar ki akriti ka nam hai jiske madhya men agni ka vas hai. andar se khokhla hone ke karan shuddh vayu ko apne andar ekatrit rakhta hai, jisse piramid ke niche vastuen adhik samay tak surakshit rahti hain. kisi disha vishesh men dosh hone par us disha men urja ko barhane ke lie inka prayog kiya jata hai. manokamna ki purti evan tantra ityadi men dhatu v patthar ke piramid istemal kie jate hain. kisi bhi sadhna men dhyan ko ekagrachit karne ke lie piramid ka prayog kiya jata hai.
lohe, elyuminiyam v plastik ke piramid puja men manya nahin hai. tanba, pital, patthar evan panch dhatu ke piramid adhik labh dete hain. lakri ke piramid bhi kafi prabhavi rahte hain. vibhinn prakar ke vastu doshon men inka prayog kiya jata hai. piramid ke kuch upyog is prakar hain- dikdosh hone par : yadi bhukhand ki bhujaen mukhay dishaon ke samanantar nahin hon to ishan adi kon konon men nahin ate. aise vidisha bhukhand ko dikdosh vala bhukhand kahte hain. is dosh ko samapt karne ke lie bhukhand ke madhya men 9, 81 ya 729 piramid bhukhand ke akar ko madde najar rakhte hue dabae jate hain. vithi shul hone par : bhukhand ke samip se nikle vale marg yadi bhukhand par ek tir ki tarah chumte hain to vithi shul kahlata hai.
is dosh ko samapt karne ke lie bhukhand ki us disha men 9 piramid lagae jate hain jahan par vithi shul ho raha hai. akriti sanbandhi dosh : bhavan nirman ke lie aytakar plot ko ati shubh mana jata hai. bhukhand men akar sanbandhi koi bhi dosh hone par bhukhand ke madhya men 9, 81 ya 729 pirmid bhukhand ke akar ko madde najar rakhte hue dabae jate hain. piche chitrit bhukhand men dakshin ki or vistar hai jo ki ashubh hai ise dusri vidhi men dikhae gae 9 piramidon ki sahayta se alag kar diya gaya hai.
nirman karya is piramid divar tak hi karna chahie. yadi pure men nirman karna ho to madhya men piramid dabae ya niche tisre vidhi ko apnaen. uprokt plot ke vishay men yah bhi kaha ja sakta hai ki iska dakshin purva v dakshin pashchim kata hua hai is dosh ko uprokt vidhi se thik kiya ja sakta hai. in do piramid divaron se us kshetra men enarji ke flo ko barhakar katav sanbandhi donshon ke dushparinam ko kam kiya ja sakta hai. dhalan sanbandhi dosh : uttar, purva ya ishan ki or dhalan n hone par dosh mana gaya hai is dosh ko kam karne ke lie ek piramid ishan men aur 9 piramid naitya kon men rakhen. uprokt bhukhand men dhalan naitya kon ki or hai arthat naitya nicha v halka ho gaya hai, ise bhari karne ke lie naitya men 9 piramid v ishan men keval ek piramid rakha gaya hai.
brahm sthan sanbandhi dosh : brahm sthan nicha hone par dosh kahlata hai is dosh ko dur karne ke lie brahm sthan par 9 ya 81 piramid bhukhand ke akar ko madde najar rakhte hue dabae jate hain. dabane ke lie patthar ya pital ke piramid adhik upyukt rahte hain. 9 piramid dabane ke lie 1 fut lanba, 1 fut chaura v 1 fut gahra gaddha karna chahie. piramid ki nok upar ki or rahni chahie. mukhay dvar sanbandhi dosh : mukhay dvar ashubh padon par hone ki sthiti men dvar ke tinon taraf ek-ek piramid dabaya ja sakta hai. agni kon men jal sangrah hone par : is dosh se apan eapko bachane ke lie jal sangrah ki disha men 9 piramidon se piramid divar banaen. ek piramid ke anya upyog : dhan ki tijori ke upar piramid rakhne se dhan ki vriddhi hoti hai. ishan kon men lakri ke piramid ke niche baithne se puja men man lagta hai.
lakri ke piramid ke niche baithakar parhne v karya karne se thakavat nahin hoti v karya men man lagta hai. piramid kaip (pagri) pahnne se siradard men aram, svasthya men sudhar v parhai men man lagta hai. naitya kon men lakri ke piramid ke niche baithne ya sone se kai rogon se mukti milti hai. meru shri yantra (piramid rupi lakshmi prapti yantra) ki puja karne se dhan ki vriddhi hoti hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!