prashna: ghar athva vyavsayik pratishthan ka dakshin-pashchim bhag yadi nicha athva daba hua ho to yah kis prakar ki pareshaniyan paida kar sakta hai? in pareshaniyon se bina tod-fod kiye kaise nijat payi ja sakti hai?
uttara: jay indar malik ke anusar- dakshin-pashchim arthat rnaitya kon ka bhag vastu ki manyata ke anusar vastu purush ke pair rnaitya men hote hain. jab devtaon ne vastu purush ko adhomukhi giraya tha to uska sir ishan kon men evan pair rnaitya kon men the aur yadi yah kon daba hua aur nicha hoga to yah bhavan ya vyavsayik pratishthanon men vyadhiyan paida kar sakta hai. is kon men prithvi tatva ki pradhanta hai.
jis prakar prithvi anek tatvon aur anek prakar ke khanijon jaise loha, tanba adi se bharpur hai usi prakar hamare sharir men bhi anya dhatuon ke atirikt lauh dhatu bhi hain. arthat hamara sharir bhi chunbkiya hai aur iski chunbkiya shakti se hamara sharir prabhavit hai. is disha ke adhipti rakshas (rahu/ ketu) hain.
parivar ke mukhiya ko hani: yadi rnaitya kon ka bhavan nicha ya daba hua hoga to parivar ke mukhiya ya bade bete ko sharirik, mansik aur arthik rup se pareshan karega. parivar ke stri purushon men apsi kalah hoti rahti hai.
boring evan kuan: yadi rnaitya (dakshin-pashchim) disha men boring ya kuan hoga to yah bhu-svami ke lie vivadit vastu :
jay indar malik
ishvar lal khatri
ke. ke. nigam mrityu ka karak hoga.
rog- yadi is disha men uprokt dosh hoga to gurda, garbhashay vikar, udar vikar, apavyay, anton ki bimari adi hone ki sanbhavna rahti hai.
pravesh dvar: yadi bhavan ka mukhya pravesh dvar nicha ho to apayash, jel-durghatana, atm hatya ke shikar ban sakte hain.
rasoi ghar: is kon men dosh hone par ghar men ladai jhagdon men vriddhi- pareshani aur durghatana ka bhay rahta hai. inke atirikt is disha men darvaje aur khidkiyan adhik nahin honi chahiye. unhen band karva kar unki sankhya kam kar deni chahie.
sidhiyan banane ke lie nairritya kon uttam sthan hai is dosh ko dur karne ke upay :
1. nairratya (dakshin-pashchim) disha sadaiv unchi evan bhari banayen. is disha men bhavan ka bhag uncha v bhari rakhen jisse anya dishaon ka jal is or n aye.
2. rnaitya disha shuddh rakhne par bhagya vriddhi hoti hai.
3. is disha men yadi khai ho to use bharva len tatha vahan bhari saman, jaise almari, mashinen adi rakhen .
4. rnaitya disha men uncha chabutra banva lena chahiye. yah bhagya yash, samriddhi v dhan karak hota hai.
5. is disha ke as-pas unche vriksh lagvane chahiye.
6. grih svami ka shayan kaksh is disha men hona chahiye. sir dakshin disha men aur pair uttar men hona chahie. shayan kaksh men rnaitya kon ke dvar n hon.
7. shayan kaksh men dakshin-pashchim bhag khali nahin hona chahie vahan bhari saman farnichar adi rakh den.
8. mukdmebaji, kanuni adchnon se bachne ke liye is disha ko uttara-purva ki apeksha uncha rakhen. yah sukh samriddhi aur uttam svasthya ka karak hai.
9. is disha men kantedar paudhe, babul adi n hon.
10. dakshin aur rnaitya ke madhya shochalay bhi shubh hai.
11. jalpan grih ka kaksh dakshin-pashchim bhag men banayen.
12. bhandar grih isi bhag men banayen aur talaghar is bhag men bhul kar n banayen.
13. rahu yantra sthapit karen.
14. ghar ke mukhya dvar par bhure ya kale ya mishrit rang ke ganpti lagayen.
15. dakshin-pashchim kamre men surya ka prakash n karen to shubh hota hai.
16. rnaitya kon men agni ya vidyut sanbandhi koi sanyantra nahin hona chahiye. aisa karne se agni kand ya kisi durghatana ki ashanka rahti hai.
17. is disha men imli-jamun, kadanb ke vriksh lagane chahiye.
18. is disha men khula sthan n chodane. is kshetra men mukhya dvar athva chardivari ka dvar n banayen.
19. mahatvapurn dastavej, amulya vastuen, jevrat adi almari men is disha men rakhen.
20. rnaitya kon (dakshin-pashchim) bhag ishan kon arthat (uttara-purvi) bhag se nicha ho, tab ishan kon men chaida darpan laga den. isse yah farsh ki unchai ka ehsas dilata hai aur shubh fal arthat ay adi men vriddhi hoti hai.
21. ghar ka kabad isi disha men rakhen aur kabad ghar ka dvar ek palle ka tin ya lohe ka hona chahie aur vahan kisi devta ka chitra nahin hona chahiye. ishvar lal khatri ke anusar - jahan ek or uÿar-purva arthat rnaitya men vastu purush ke pair rahte hain vastu purush ke pair dharatal se santulan men rahne chahie, lekin ishan se kuch upar hone chahie. yadi yah bhag daba hua, nicha ya andar dhansa hua ho to asantulan hone se sarvapratham jatak ka svasthya badhit hoga.
jatak asvasth hokar kai bimariyon jaise- madhumeh, mansik tanav, anidra, krodh, chidchidapan, nirasha, upri badha, bhut-pret chakkar, jadu-tone evan vish prabhav adi se grasit ho jayega. dada, baba ko kasht, chori, chot v naukar dvara is sthan par kabja karna, shadyantra, dhurtata, jua, totka, kapat, durghatana, achanak ghatne vali ghatnayen, tantra-mantra, prakritik apdayane, nakhunon ka nila padna, ankhon ke niche kale ghere padna, saundarya men kami, tvacha rog, pagalapan, mirgi, motapa, haklahat, vivah men vilanb, sasural se ashyog, sanbandhon men duriyan badhna, rajyasrkar se hani, dada-nana, patni ko kasht, apayash, kisi karya se santusht n hona, hatya-atmahatya ka vichar ana, arthik tangi, vani dosh, kathor vachan kahna, shatru, karj v rog-ripu pareshani, akal bhay v mrityu adi nakaratmak prabhav dekhne ko milte hain.
yadi is bhag men dhanse hue ke alava anya dosh jaise- is bhag ko gila rahne se arthik pareshani, khule rahne se sakaratmak urja ke n tikne se svasthya ka kharab hona adi pramukh hain, atah is bhag ka anya bhagon v dishaon se uncha hona shubh rahta hai. iske alava iska thos, band, sukha, samkon v bharyukt hona shubh rahta hai. dakshin-pashchim rnaitya men kramshah dakshin v pashchim bhag ke niche ya dabe hue ya anya dosh hone par kramshah striyon v purushane ke mansik svasthya ke alava anya uparyukt pareshaniyan paida hongi. atah bina tod-fod ke nimn upay labhdayak rahte hain.
upay:
1- sarvapratham bhavan nirman ya vyavsayik nirman isi kon se aranbh karna chahie tatha 1-2 fut adhik uncha rakhna chahie, jisse yah hissa nirman dosh se mukt rahta hai tatha uprokt samasya bhi nahin rahti hai.
2- is bhag men rahu, ketu, rnaiti, sarasvati, ganesh ji ke yantron ki sthapna karen v inki sadhna, puja karen.
3- ghar ke samast bhari saman isi bhag men rakhen.
4- mannoranjan ki koi bhi vastu is kon men n rakhen.
5- yah bhag nicha ho to isi bhag men ti.vi. ka kafi uncha entina lagaya jaye to vastu dosh men kafi sudhar hota hai.
6- yahan devi-devtaon ka foto n lagaen.
7- is bhag men khidki, darvaje, roshndan, gairej adin n rakhen.
8- grihasvami is bhag men dakshin men sir karke soyen.
9- sasural, partanar v bos se sanbandh achche rakhen.
10- rahu-ketu ke mantron ka jap karen.
11- shivji v shrihri ki puja karen.
12- dada-nana se sanbandh-madhur rakhen.
13- satnaj v jal dan karen ya pakshiyan ko khilaen.
14- dharm ka sadaiv palan karen.
anaitik karya kabhi n karen. ke. ke. nigam ke anusar - vastushastra ka siddhant hai ki ghar athva vyavsayik pratishthan, ayat ya varg men hi shubh faldayi hote hain jabki inke charon kon samkon hon parantu kuch sthitiyon men vah bhukhand bhi shubh faldayi hote hain joki bhinna-bhinn dishaon men badhe huye bhi hote hain aur kuch bhukhand ashubhldayi hote hain joki bhinna-bhinn dishaon aur updishaon men niche ya dabe hue hote hain.
isi kram men ghar athva vyavsayik pratishthan ka dakshin-pashchim (rnaitya) bhag yadi nicha ya daba hota hai, jinka vikas nimn chitra ke anusar ho sakta hai to aisi sthiti men chunki dakshin-pashchim bhag men prithvi tatva ki pradhanta hoti hai aur jab yahi bhag nicha ya daba hua ho to is prakar ke ghar aur vyavsayik pratishthanon men nimn prakar ki pareshaniyon paida hoti hain-
1- yah ghar rog karak hote hain tatha inmen nivas karne valon men sthirta ka abhav ho jata hai.
2- santan ke lie kashtakari hote hain.
3- ghar svami ko arthik nuksan evan rajabhay bana rahta hai.
4- dakshin-pashchim bhag ke devta yam aur svami rahu-ketu hote hain, is karan rahu aur ketu ke jo svabhavik gun aur ashubh karakatva hote hain ve ho jate hai jaise- rahu aur ketu dada aur nana ke karak hain. is karan gharvasi ke sanbandh inse kharab ho jate hain. sasural se madhurta nahin rahti hai, patni ki kshati, naukri men dikkaten, apnon se algav, jhuth bolne ki pravriÿia, jue ki kharab lat, bhut-pret adi upri havaon se striyon men mansik vikar, madhumeh adi se sanbandhit pareshaniyan paida ho jati hain.
5- vyavsayik pratishthan men bhandaran men hani, karj ho jana, vyapar n chalne ke karan kuch dinon bad sthal ka ujad v sunsan ho jana, ag lagna, sakh par anch ana, vyapar men man n lagna, durghatanaen adi hone ki pareshaniyan paida hoti hain. uparyukt pareshaniyon se chutkara pane hetu bina tod-fod nimn upay karke nijat pai ja sakti hai-
6- tirth sthan se laye gaye panch pattharon ko dakshin-pashchim bhag men sthapit kiya jaye tatha is bhag men koi lanba badhne vala ped lagaya jaye.
7- is disha men ghar ki vastuon ka bhandaran karen evan vyavsayik pratishthan men mal ka bhandaran tatha bhari mashinen yahan par lagvaen.
8- rahu yantra ki sthapna karen tatha pratidin iski dhup-dip se puja karen.
9- shubh chihn svastik, un, panchagulak, 786, omkar, kras, kristal bal adi lagaen.
10- karj n utar raha ho to is disha ko thoda uncha kar den.
11- man n lagta ho, infekshan ho, anton men shikayat ho, rajabhay bana rahta ho, hani ho to is disha men jara sa gaddha khodakar gomed daba den.
12- piramid ki sthapna vidhi anusar karen.
13- is disha men lal rang ka prakash rakhen.
14- grihasvami, pratishthan svami kali gunja ki mala pahnen.
15- siddh ganpti ki sthapna karen.
16- guru purnima ke din shivling ka dhature se abhishek karen.
17- rahu/ketu mantron ka jap karen.
18- pamba yantra lagaen.
19- is disha men vas ke ek lanbe dande men pataka lagaen.
20- satnaja tatha jal pakshiyon ko khilaen.
jivan men jarurat hai jyotishiya margadarshan ki? abhi bat karen fyuchar point jyotishiyon se!