reki upchar men dhyan rakhne yogya mukhya savdhaniyan dae. nirmal kothari reki (prakritik upchar ki (shui paddhati) yah upchar paddhati nimn baton ke lie prayog ki jati hai. tanav mukt aur sanpurn svasthya ke lie. samaksh v pariksha upchar ke lie. vyavsayik abhyas ke lie. tan, man aur atma ke utthan ke lie.
puratan bhartiya sanskriti men man ke sath sharir ke svasthya ko bhi kafi mahatva diya gaya hai. man ka svasthya uÿam rakhne evan manoshanti prapt karne ke lie sharir ka vyadhimukt hona anivarya hai. reki manushya ke man evan sharir ka santulan prasthapit karne aur mansik evan sharirik svasthya prapti ka ek naisargik evan saral upay hai.
reki ka arth reki ek japani shabd hai. ismen ‘re’ ka arth hai vishva vyapi yani sanpurn vishva men vyapt rahne vali tatha ‘ki’ arth hai ‘‘pran athva jivan shakti’’ arthat reki ka arth ‘‘sanpurn vishva men vyapt rahne vali pran athva jivan shakti’’. yah ek nisarg shakti hai. jo sabhi prani matra men nivas karti hai tatha manushya, prani, per, jalachar adi sabhi ko gatiman karti hai. manushya men yah shakti janmatah vidyaman hai.
sharir men iski matra kam hone se sharir men rogon ka nirman hota hai. is kam hui shakti ko reki ke madhyam se punah jagrit karke ham apne rogon ka ilaj svayan kar sakte hain. reki n to koi dharm hai aur n hi koi panth hai. reki ka tantra, mantra adi ke sath koi sanbandh nahin hai. reki hipnotijm (sammohn) ya parasammohan n hokar keval ek yog upchar vidhi hai.
reki upchar men dhyan rakhne yogya pramukh savdhaniyan pratyek bindu par kam se kam 3 minat reki dena chahie. reki kabhi sahasrar chakra aur nabhi chakra par n den. ye urja ke agaman ke dvar hanai. reki dete samay anguthe ko anguliyon se alag n rakhen.
angutha aur anguliyan mili hui hon. hathon ko kap ki shep men banae rakhen, taki urja ka pravah adhik gatiman ho sake. striyon ko hriday chakra par reki dete samay hathon ko 2-3 inch dur ki sthiti men rakhna chahie. rogi aur chikitsak donon ke pair kraes ki sthiti men nahin hone chahie. upchar dene se pahle hathon ko dho lena avashyak hai.
pure sharir men reki dete samay sharir ke angon ka kram nahin badlna chahie. dusron ko reki dete samay letne ke lie rogi se kahen, jo apekshakrit jyada labhaprad hai, kintu baithakar, khara karke, sir athva munh jhukakar bhi reki di ja sakti hai. yah avashyak nahin hai ki sparsh karke hi reki ki jae.
stri ke bayin or purush ke dayin or baithakar reki dane. ap hathon ko 1 se 4 inch dur rakhakar bhi reki de sakte hain. hriday chakra ko urja dete samay dhyan rahe ki dahina hath bayen hath ke niche rahe tatha dahina hath sharir ko sparsh kare. anya sthitiyon men jaisa chahe rakhane. chote bachche ko god men lekar reki dena achcha hota hai.
reki dete samay age sir jhukakar n baithen anyatha urja khone lagegi. reki dene se purva inarji baedi ko svip kar len. isse sharir men urja ki grahnshilta barh jaegi. reki dene ke pashchat dahina hath samne hridy-chakra par rakhakar let jaen. bayan hath samne ‘hara’ par rakhen. isse ap ki negetiv enarji bayen hath ke madhyam se ‘pedu’ se nishkramit hogi tatha dayen hath se ap hriday ko urja de sakenge. reki siddhahast vyakti ki hatheliyon men yah pran urja vayumandal men sab jagah vyapt bhandar se prapt hoti hai. yah pran urja vyakti ke upri char chakron ke madhyam se hokar pahanuchti hai.
atah vyakti ke lie svikar bhav aur grahan shilta donon bahut jaruri hai. ek bar reki shakti prapt kar lene ke bad vyakti men yah ajivan bani rahti hai. yah avashyak nahin ki keval rog grast vyakti hi reki upchar prapt kare. svasth vyakti bhi reki ki urja prapt kar sakte hain. kisi bhi vaikalpik upchar ke sath-sath reki ki bhumika sahayak rup men vyadhi dur karne men durat gati se sahayak hoti hai.
reki stej 1 men 20 pratishat reki shakti prapt hoti hai. tatpashchat kisi bhi vyakti ka upchar kiya ja sakta hai. reki stej 1 prapt karne ke karib tin mah ke uprant reki 2 ka prashikshan liya ja sakta haie.
reki stej 2 men reki stej 1 se 4 guni shakti adhik barh jati hai kyonki stej 2 men tin sinbal ke sath shakti pradan ki jati hai. reki atyant surakshit upchar paddhati hai. isse kisi bhi prakar ki kshati hone ki sanbhavna nahin rahti hai.
reki ka upchar vyakti, pashu, kuÿo, per-paudhon, bij, ful adi sabhi par saman rup se kiya ja sakta hai. reki chikitsa paddhati men kisi durasth vyakti ka bhi upchar saflta purvak kiya ja sakta hai, kintu is prakar ka upchar stej 2 reki ke siddhahast vyakti hi apne sthan par rahakar kar sakte hain. reki ki shakti reki mastar dvara hi kisi bhi vyakti ko pradan ki ja sakti hai. dhyan rahe ki reki keval us ang tak hi simit nahin rahti jis par ap hath rakhte hain. yah sharir ke anya bhagon tak bhi svayan bhi ja pahunchti hai. udahrnartha- yadi ap sir par hath rakhenge, to uski urja pet tak bhi pahunchegi. reki ki urja brahmandiya urja hai, atah reki chikitsak ko apni urja men koi kami nahin hone pati hai.
vastutah tathya yah hai ki urja dene se ghatti nahin varan barhti hai. reki upcharakarÿaa matra ek madhyam hota hai. vastutah vah svayan apne ko karÿaa bhav se prithak rakhta hai. reki dene ke samay yah niyam yad rakhen ki reki tabhi di jae jab koi ise mange. ise kisi ko jabaradasti dene ka prayas n karen. reki chikitsak ko adhik parinamonmukhi nahin hona chahie.
parinam ko parmatma ke hathon men hi manna chahie. reki prapt karne vale vyakti ko garmi, thandak, dabav, kanpkanpi adi ki anubhutiyan ho sakti hai, atah isse ghabraen nahin. reki kisi bhi dharm ya devi-devta se sanbandhit nahin hai. kisi bhi dharm ko manne vala vyakti reki shakti prapt kar sakta hai. reki ke lie puja-path bhi avashyak nahin hai. reki nirjiv padarthane par bhi prabhav dalti hai. reki kahin bhi tatha kisi bhi paristhiti men di ja sakti hai. vas, tren athva vayuyan men yatra karte samay bhi reki de sakte hain.
reki dene valon ko lahsun, pyaj, tanbaku, madira tatha tej kism ki sugandhiyon se bachna chahie. reki dete samay dhumrapan kadapi n karen. reki dene vale vyakti ko shantchit hona chahie tatha reki dene ke purva aur pashchat maitri bhav bhare shabdon ka prayog karna chahie. reki dete samay madhyam svar ka sangit bajaya jay, to parinam aur bhi achche ayenge. klasikal sangit bhi upyogi hai. sthan ki svachchata ka dhyan bhi rakhna avashyak hai.
kamre ka tapman 210 se adhik n ho. adhik thande tapman ka kamra bhi upyukt nahin hota hai. reki prem ka hi dusra nam hai. atah reki dete samay hamara vyavhar prempurn evan karunamay hona chahie. reki lene vale aur dene vale donon ko hi dhile evan aramdayak vastra pahnne chahie. upchar ke samay ghari, chashma, bailt, jute, tai adi utar den. sadharan vyadhiyon ke lie tin din ka reki upchar karna chahie, jabki purani bimariyon men iska upchar kam se kam 21 din tak anivarya hai.
sharir ke sabhi angon par kam se kam 3 minat tak hatheliyan rakhen. pahle sanpurn sharir ka upchar karane. tatpashchat jis ang men taklif ho, vahan par 20 se 30 minat tak upchar karen. agar samay ke abhav ke karan purn reki upchar sanbhav n ho, to matra talvon v pairon par reki ka upchar karen. anya chikitsa pranaliyon ke sath reki ka upchar safltapurvak kiya ja sakta hai jaise malish, prakritik chikitsa, ayurvedik homyopaithik adi ke sath bhi kar sakte hain.
pratyek upchar men yah kafi sahayak ho sakti hai. ise apreshan, haddi ke plastar, chot adi men bhi prayog kar sakte hain. elopaithik davaon ke sath reki ka upchar uski gunvÿaa ko aur barha dega. reki men ab kristal, dausing, pendulam aur skening ka prayog bhi kiya jane laga hai.
tathapi reki koi jadui karishma nahin hai. reki se manushya amar nahin hota. reki janm evan mrityu ko nahin rokti. yah to jivn-kal ko keval asan banane men madad karti hai.