sangit se upchar pro. pi.ke.arya vah samay dur nahin jab anek bimariyon ka ilaj sangit ke dvara kiya jaega. ‘sangit chikitsa’ ko ek karagar nasu akh e k e rup m ne amal men laya jane laga hai. sangit ka hamare svasthya par gahra asar parta hai. duniya bhar men sangit par adhyayan kie ja rahe hain, jiske sakaratmak parinam samne a rahe hain.
shodh ke anusar yah spasht ho gaya hai ki pasandida aur anukul sangit sunakar anek bimariyon ka ya to samuchit nidan kiya ja sakta hai athva unse jivan par parne vale pratikul prabhavon ko kafi had tak roka ja sakta hai.
is chikitsa paddhati ke jariye raktachap men kami ati hai, dil ki dharakan niyamit hoti hai, avsad ko dur bhagaya ja sakta hai aur chinta ko kafi had tak kam kiya ja sakta hai. iske madhyam se dhyan kendrit karne ki kshamata ka vikas hota hai aur srijan shilta men apekshit vriddhi hoti hai.
sangit ham sabhi ke jivan ka abhinn hissa hai. chahe sunne vala ho ya sunane vala, sangit sabhi ke dil ke taron ko jhankrit karta hai. sant kabir ke shabdon men ‘nad ek aisa sangit hai, jo bina dori ke sharir men bajta hai.’ adhunik vigyan is bat ko svikar karne laga hai ki sangit hamari nabj, rakt sanchar, hamare hriday ki dharakan, shvas-prakriya tatha sharirik gatividhiyon men urjavan tarangen paida karta hai.
hal ke varshon men bharat men is chikitsa paddhati ke prati logon men utsukta barhi hai. jin logon ko kisi bhi tarah ke aepreshan ke daur se gujrna para hai, ve dard nivarak davaiyon ki avashyakta ko sangit chikitsa ke madhyam se kam kar sakte hain.
sangit chikitsa dvara ulti ki shikayat kam hoti hain, dard se nijat milti hai, parkinsan bimari men sharir ke angon men sthirta ati hai. sangit chikitsa ka prayog sir-dard aur sardi-jukam jaisi rojamarra ki pareshaniyon ko dur karne men bhi safltapurvak kiya ja sakta hai.
amerika aur yurop ke anek deshon men is chikitsa paddhati ka prayog atijm, parkinsan, aljaimar, aur hantigadan adi bimariyon ke nidan ke lie kiya ja raha hai. bhartiya upmhadvip men sangit chikitsa dvara manviya man evan tan ki jatiltaon ko suljhane ka itihas kafi purana hai, lekin vartaman men is paddhati ko pashchim ke deshon men adhik apnaya gaya hai.
bharat desh men sangit ki vibhinn vidhaon dvara sharir, mastishk aur atma tak ki chikitsa ke ullekh milte hain. sangit men manviya man ke prayah samast pahluon ko spandit karne ki apar kshamata hai. sangit hamare man ke sabhi pakshon ko prabhavit karta hai.
dard, vishad, tanav, krodh, shok, prem tatha kam adi bhavon par sangit ka gahra prabhav parta hai. yah tathya bhi ubharakar samne aya hai ki sangit ke prabhav se pityutri granthi ko utprerit kiya ja sakta hai. manyata hai ki sangit chikitsa dvara sharir ki koshikaon men hone vale kanpan se bimar vyakti ki chetnavastha men sudharkari parinam samne ate hain.
moniyagrast rogiyon ke lie tej sangit sunna labhdayak hota hai. ‘ainesthisiyolaejika skaindinavika’ namak patrika men prakashit adhyayan ki ek riport ke anusar kuch striyon ka aepreshan kiya gaya. unhen behoshi ke dauran rahat pradan karne vala sangit aur samudri lahron ki avajen sunai gain.
aise marijon par parinam kafi utsahavardhak rahe. ‘vestarn rijarva yunivarsiti’, kvinslaind men profesar vitar ki dekh-rekh men panch sau rogiyon par adhyayan kiya gaya. 18 se 70 varsh ki ayu vale marij ko aepreshan ke bad ki jane vali chikitsakiya dekh-rekh ke atirikt sangit chikitsa bhi di gai. ye rogi un rogiyon ke mukable jaldi svasth hue. yahi nahin unhonne chalne-firne, letne-baithne, sone-jagne, adi men adhik sahjta aur sfurti ka anubhav kiya. sangit chikitsa men upchar ka koi nishchit aur nirdharit niyam nahin hai.
is karya men sanlagn logon ki manyata hai ki din men kisi bhi samay ek nishchit sthan par is chikitsa ka prayog kiya ja sakta hai. visheshagyaon ka manna hai ki is chikitsa men rogi ko khali pet nahin rahna chahie. sangit satron ke dauran rogi ko vadya yantron tatha sangit ki kuch bhavpurn dhunon ke sath ekakar hona parta hai.
use apne manpansad kisi bhi sangit yantra ke sath prayog karne ki suvidha upalabdh karai jati hai. sangit ke nishchit rag evan chand rogi ke bich ek bhavnatmak setu ka nirman karte hain. rogi ko apne svar ko apni suvidha, kshamata aur ichcha ke anusar prayog karne ki puri chut hoti hai. rogiyon ke madhya ek aisa sangitamay aur bhavuk mahaul nirmit kiya jata hai, jismen marij kisi bhi tarah ke prayog ke lie svayan ko svatantra pata hai.
marij dvara vyakt ki jane vali pratikriyaen aur hav-bhav uske lie age ki paddhati nishchit karte hain. marij ko samajikta ke anubhvon, uske atmavishvas men vriddhi aur paraspar batchit ki svatantrata pradan karte hue use ek snehpurn vatavaran pradan kiya jata hai. bahut se rogi apne manpsand git aur dhun ke jariye khud hi svasth hone ka marg talash lete hain.
frans ke mashhur sangit chikitsak alfed tomatis pachas varshon tak ek lakh marijon par anusandhan ke bad is natije par pahunche hain ki svar vikaron se grast koi vyakti yadi chah mahine tak pratidin ek ghante tak ‘mojarta’ ka sangit sunen, to uska svar dosh to dur hoga hi, uski abhivyakti men bhi nikhar aega. sangit chikitsa ka prayog prasav ke purva janm lene vale bachchon ke lie bhi kiya jata hai.
ameriki chikitsak pro. susan vebar ke anusar sangit men tan tatha man donon ko prabhavit karne ki apar kshamata hai. munbai pulis ne bhi tanav ghatane ke lie sangit ka istemal shuru kiya hai.
nai dilli sthit indraprasth apolo aspatal men ‘baedi maind klinik’ men bhi aj kal sangit chikitsa sabhi daektaron aur rogiyon ke akarshan ka kendra bani hui hai. u sangit chikitsa ka prayog sir-dard aur sardi jukam jaisi rojamarra ki pareshaniyon ko dur karne men bhi safltapurvak kiya ja sakta hai. amerika aur yurop ke anek deshon men is chikitsa ka prayog atijm, parkinsan, aljaimar, hantigadan adi bimari ke nidan ke lie kiya ja raha hai.