chunbak chikitsa se rogon ka nidan dae. ar. es. bansal keval prithvi hi nahin, balki manav sharir aur pratyek kan ek chumbak hai. yahi karan hai ki sabhi jivon ke svasthya aur unki jivn-shakti ka sanbandh prithvi ke sath hai. ham sabhi jante hain ki yadi ham nange panv ghas par chalen to thakavat aur vishad dur ho jate hain aur kuch hi samay bad ham bhale-change aur prasannachitt ho jate hain.
iska karan yah hai ki prithvi ki chumbak shakti hamare sharir men pravisht ho jati hai. chunbak ke prabhav ki prakriya hamara sharir choti-choti koshikaon se milakar bana hai jo apne-ap men nanhe-munne chumbak hain. sharir ke sabhi angon ka nirman inhin chumbakiya koshikaon se hua hai aur pratyek ang apna chumbakiya kshetra svayan banata hai.
vibhinn angon ke ye chumbakiya kshetra sada ek-jaise nahin rahte balki unmen lagatar parivartan hota rahta hai. yah utar-charhav is bat par nirbhar karta hai ki sharir kitna sakriya hai, use aram milta hai ya nahin, us par bahri prabhav kaun-kaun se parte hain aur use bhojan se kitne paushtik tatva prapt hote hain. svasthya ko banae rakhne ke lie yah avashyak hai ki alg-alag chumbakiya kshetron aur vibhinn angon ke chumbakiya kshetron ke bich santulan bana rahe. udaharan ke lie yadi mastishk ke chumbakiya santulan men kisi gahre aghat ke karan, jaise madyapan ke karan, garabar ho jae to sara sharir nishkriya ho jata hai. hath-panv par chot ane se aisi nishkriyata nahin ati.
is prakar ka santulan sharir ki sari kriyaon men rahna anivarya hai. chumbak se chikitsa do prakar se ki jati hai- ang vishesh ka upchar aur samanya upchar.
ang-vishesh ka upchar upchar ki is vidhi men chumbak ka dhruv rogagrast ang par lagaya jata hai. chumbak chamri ke sath ya kapre ke upar se laga diya jata hai aur us par koi dabav nahin dala jata. yadi yah tay ho ki rog kitanuon ke karan hain to uttari dhruv lagana chahie anyatha dakshini dhruv. yadi rogagrast ang par hath lagane se bhi pira hoti ho ya sujan athva ghav ho ya koi fora-funsi ho, to chumbak uske pas hi, jahan par pira ka anubhav n hota ho, laga diya jata hai. yadi yah avashyak paya jae ki donon dhruvon ka prayog karna chahie to donon dhruv thore-thore fasle par rogagrast ang par rakh die jate hain.
dusra tarika yah hai ki chumbak ka ek bhag rogagrast ang par aur dusra usi ang ki or ki hatheli ya talve se laga diya jae. samanya upchar yah upchar us dasha men avashyak hai jab rog kisi ek ang tak hi simit n ho balki itna fail gaya ho ki sare sharir ya adhikatar angon par uska prakop ho. aisi dasha men chumbak ke donon dhruv hatheliyon ya talvon ke sath laga die jate hain.
is prayojan ke lie do chumbakon ki avashyakta parti hai. karan yah hai ki hatheliyon aur talvon ka mastishk aur hriday se sanbandh hota hai aur snayuon aur raktavahini nariyon ke madhyam se sharir ke anya angon se bhi. vastav men talvon aur hatheliyon men snayu punj hote hain aur vahan tak pahunchne vali nariyan sare sharir men faili hoti hain. unke madhyam se chu. mbak ka prabhav sharir ke kone-kone tak pahunch jata hai.
yahi karan hai ki chumbak lagane ke lie hatheliyan aur talve sharir ke sabse upyukt ang hain. prashn yah hai ki chumbak hatheliyon se kab lagae jaen aur talvon se kab? aur fir yah bhi dekhna hai ki kis hatheli ya talve par chumbak ka kaun sa dhruv lagana chahie. yadi rog sharir ke upri bhag men ho to chumbak hatheliyon ke niche rakh die jate hain aur yadi nichle bhag men ho to talvon par chumbak ka prabhav dala jata hai.
yadi sare sharir men ya uske adhikatar bhagon men rog vyapt ho to chumbak ek din hatheliyon ke niche rakhe jate hain aur agle din talvon ke niche.ydi din men do bar chumbak lagana avashyak ho to savere hatheliyon ke niche aur sham ko talvon ke niche lagane chahie. yadi rog bahut barh gaya ho to chumbak pahle hatheliyon ke niche lagae jaen aur uske bad talvon ke niche. rogon ki chikitsa chumbak chikitsa sharir ki vibhinn vyavasthaon arthat rakta-sanchar, snayu-vyavastha, pachn-kriya, shvas-vyavastha aur mal-mutra tatha prajnn-vyavastha ko niyamit karke rogon ka upchar karti hai.
jab ye sari vyavasthaen niyamit rup se chal rahi hon to manushya ko koi bhi antrik rog nahin hota aur vah svasth rahta hai. pratyek rog ya vikar uparyukt vyavasthaon se sanbandhit hai aur chunki chumbaka-chikitsa in vikaron ko dur kar sakti hai, islie vah lagabhag sabhi rogon ke ilaj men safal hoti hai. kamar ka dard aksar log kamar ke kisi n kisi bhag men dard hone ki shikayat karte hain.
iske kai karan ho sakte hain, jaise ki galat dhang se baithna, achanak koi jhatka lag jana, ya kathor parishram. aram karne se ya senkne se pira kam hoti hai lekin niche jhukne adi se barh jati hai. kamar men pira gathiya ya vat ke karan ho sakti hai, spondilaitis ke karan ya rirh ki haddi ke kisi tukre ke apne sthan se hil jane ke karan. chikitsa yadi kamar ke upri ya nichle bhag men pira ho to upri bhag men chumbak ka uttari dhruv aur nichle bhag men dakshini dhruv lagana chahie. yadi dayin ya bayin or pira ho to dayin or uttari dhruv aur bayin taraf dakshini dhruv lagana chahie.
aisa pani bhi pilana chahie jo chumbak ke donon dhruvon se taiyar kiya gaya ho. rakt chap rakt chap samanyatya 60-90 se lekar 100-140 tak hota hai. isse adhik barh jae to use uchch aur kam ho to use nimn rakt chap kahte hain. rakt chap barhne ka karan charbi men vriddhi, kathor parishram, anidra, mansik tanav ya motapa ho sakta hai. chikitsa yadi rakt chap barha hua ho to unchi shakti ke chumbak par donon hatheliyan panch-chah minat tak rakhi jaen ya madhyam shakti ke chumbakon par das minat tak.
achcha yahi rahega ki yah ilaj sabere kiya jae. yadi rakt chap kam ho to yahi ilaj unchi shakti ke chumbakon ki sahayta se pandrah bis minat tak aur madhyam shakti ke chumbakon se adhe ghante tak kiya jae. badhe hue rakt chap ke lie chumbakon se bane bajuband milte hain jinhen dayin kalai par bandha jata hai. usi bajuband ko bayin kalai par bandha jae to nimn rakt chap men labh hota hai.
ye bajuband ek ya do ghante tak bandhe rahne chahie. chumbak ke donon dhuravon se taiyar kiya gaya pani pine se bhi rakt chap samanya ho jata hai. pet ki pira kai bar pet men vayu ke karan ya antriyon ki manspeshiyon men ainthan ke karan ghor pira hone lagti hai. dabav dalne se, mal ke nikas se ya vayu ke nikas se rogi ko aram milta hai. chikitsa rogi ko pratah aur sandhya samay das minat tak apni donon hatheliyan unchi shakti ke chumbakon par rakhni chahie.
uske bad ardha-chandrakar, chini mitti ke bane chumbak donon nasikaon se lagane chahie. rogi ko thandi chijen khani ya pini nahin chahie aur ho sake to nahane se bhi parhej karna chahie. use chumbak ke dakshini dhruv se taiyar kiya gaya pani bhi pina chahie. ankhon ki sujan ankhon men kai bar sujan ho jati hai aur unse mavad niklta hai.
iske kai karan ho sakte hain. ankhen lal ho jati hain aur sujan ke karan pira bhi hoti hai. chikitsa ardha-chandrakar, chini mitti ke bane chumbak donon ankhon se lagane chahie, chahe ek hi ankh men sujan ho ya ek men adhik aur dusri men kam. ye chumbak kai bar ath se das minat tak lagane chahie. ankhon ko chumbak ke uttari dhruv se taiyar kie gae pani se dhona chahie aur vahi pani pina bhi chahie.
ghatta kai bar talvon ya pair ke upar ghatte ban jate hain jo kanton ke saman chubhte hain. unmen bari pira hoti hai aur rogi ko chalne men kasht ka anubhav hota hai. chikitsa unchi ya madhyam shakti ke chumbak talvon ke niche din men do bar lagane chahie. chumbak ke uttari dhruv se taiyar kiya gaya pani piya bhi jae aur usse ghatton ko dhoya bhi jae. madhumeh madhumeh do prakar ka hota hai. ek men mutra men shakkar ati hai aur dusre men keval bahumutrata hoti hai.
pahle prakar ke madhumeh men bar-bar mutra tyag karne ki ichcha hoti hai, rogi ko pyas lagti hai aur vah bahut pani pita hai aur uske mutra aur khun, donon men shakkar ki matra barh jati hai. dusre prakar ke madhumeh men mutra to bahut ata hai lekin usmen shakkar nahin hoti. jab ham madhumeh ki bat karte hain to hamara abhipray mukhya rup se pahle prakar ke madhumeh se hota hai.
madhumeh ka karan yah hai ki painkriyaj nam ki granthi thik se kam nahin karti. yah rog kai mamlon men vanshanugat hota hai. chikitsa rogi ko savere das minat tak apni hatheliyan unchi shakti ke chumbakon par rakhni chahie. yadi rog barha hua ho ya purana ho to unchi shakti ke chumbak ka uttari dhruv painkriyaj granthi par laga diya jae aur dakshini dhruv pith ke piche. uske sath hi dakshini dhruv se taiyar kiya gaya pani din men tin-char bar pine ko dena chahie kyonki usse pachn-kriya sudhar jati hai aur rogi ko shakti milti hai.
is bimari men khan-pan ka bara mahatva hai. rogi ko koi bhi mithi chij aur am, kela, angur jaise mithe fal bhi nahin khane chahie. khatte aur karve padarth rogi ke lie gunkari hote hain.