vaikalpik chikitsa paddhatiyon par ek sarsri najar fyuchar paeint ke saujanya se bimari illat hai to killat men chikitsa ek anivarya jillat. fir bhi dalte hain ek urti najar ilaj ke un vaikalpik taur-tarikane par jo vyay sadhya n hokar kifayti v avishvasniya jaise dikhai dete hain lekin hain bare karagar.
sarvajnik rup se prachlit chikitsa paddhatiyon men elopaithik, homyopaithik adi sarvadhik rup se apnai jati hai. inke alava bhi anek prabhavi chikitsa paddhatiyan hain jinke madhyam se rogon men shatapratishat labh ki sanbhavna rahi hai aur sabse bari bat yah hai ki unke koi pashrva prabhav bhi nahin hote.
in paddhatiyon men elopaithik paddhati men davaiyon ke sarvadhik pashrva prabhav hote hain aur kai bar to shalya chikitsa ke bad rogi ko sanbhalna atyant kathin ho jata hai. aise men vaikalpik chikitsa paddhati jyada karagar hoti hai. yagya chikitsa paddhati bhartiya manishiyon ne apne anubhvon se v risarch karke nikala ki havan men dali gayi samagri nasht nahin hoti balki pure vayumandal men sukshm rup se mil jati hai.
yagya men ahuti se vayu shuddh hoti hai. ‘ailiyas bapurav parkhe ne kaha hai ki yagya ki ahuti se vayu shuddhi hi nahin balki agni, vidyut, jal-chikitsa adi sab ek-sath ho jati hai. pratidin agnihom karne se logon ke tvacha v siradard ke rog to kam hote hi hain sath hi jinke yahan ye rog hon, unko bhi svasthya labh milta hai.
ayurved men aya hai ki guggul ka havan raj-yakshma ke kitanuon ko nasht kar dalta hai. is agni-hotra ke dvara aur bhi anek chikitsayen sanbhav hain. reki reki vah chikitsa paddhati hai jo pranimatra men vidyaman brahmandiya urja ko jagrat karke anek sadhya evan asadhya rogon ke upchar mane sahayak hoti hai. reki ka arth hi hai ki re = brahmand aur ki = urja hai. reki japani paddhati hai. reki chikitsak panch staron men sparsh dvara upchar karte hain. is paddhati men bina kisi dava ke raktasrav, asthichikitsa, sharir ke sabhi tute huye angon ki shalya chikitsa jukam, khansi, madhumeh, jvar, dama, dast, mansik chikitsa, maigren, prajanan dosh, ghavon aur krimi rog adi ki chikitsa sanbhav ho jati hai.
mano vyadhi vigyan dvara chikitsa hamare vaidik ganrath v charak sanhita ke anusar uchit khan-pan, yogasan, saral jivan shaili evan sakaratmak chintan se tanav, histiriya, apasmar, duahsvapn, krodh, ishrya, moh adi mansik rogon ka upchar hota hai. is bhartiya paddhati se mansik rogi ke andar atmabal, mansik santulan, mansik sthirta adi ke gun ate hain.
vyavhar upchar paddhati is paddhati mane vyavharon ke liye uttaradayi chintan ke mapdand ko parivartit kiya jata hai. chikitsak rogi ki galat manyataon ko chunauti dete huye rachnatmak vicharon ke liye protsahit karta hai. is paddhati men bhav, chintan v asamanya vyavhar ko parivartit karne ka karya kiya jata hai. isi ko vyavhar upchar paddhati kahte hain.
vidyut aghat chikitsa is chikitsa paddhati men bijli ki sahayta se rogiyon men akshepi dauron ko kritrim dhang se utpann karke upchar kiya jata hai. is chikitsa men vidyut-aghat rogi ko mrityu ke najdik le jate hanai jisse usmen jaivik raksha yantriki kriyashil ho jati hai. is paddhati se chikitsa karne se pahle, i. si. ji. ityadi se parikshan karke tatha nikat sanbandhiyon ki likhit anumti lekar upchar kiya jata hai.
hastamudra se chikitsa ismen gyan mudra, dhyan mudra, mrit sanjivnimudra, shant mudra adi chaibis mudraon se tatha hathon ki anguliyon se chikitsa ki jati hai, jinka prayog mukhyatah hatash, nirash v mansik rogi ke upchararth hota hai. ekyupreshar chikitsa paddhati ekyupreshar ka shabdik arth hai dabav. is chikitsa paddhati ke bhi bahut achche parinam samne aye hain. yah paddhati saitika, sarvaikal spondilaitis adi merudand ke sanpurn rogon, kandhon ki jakaran, ghutnane ke dard, bistar mane mutratyag, siradard, kabj, pechish, anton ke ghav, gais, gale ki sujan, tansils evan lakva adi men upyogi hai.
rogon ke nidan hetu ekyupreshar chikitsak sharir ke kuch vishisht binduo par dabav dalta hai. dabav dalte samay jab kisi bindu par ashniya dard hota hai to chikitsak samajh jata hai ki usse sanbandhit ang men pareshani hai. usi ang-bindu ka nidan kiya jata hai. astha janya chikitsa is chikitsa paddhati ka prachalan sare vishva men hai.
apne isht, parmatma, gurudev adi ke prati astha rakhne se sakaratmak parinam samne ate hain. yadi rogi ko aram ki chahat ho to vah harinam sankirtan adi se svasthya labh prapt kar sakta hai parantu uske lie drirh astha v vishvas ki avashyakta hai. prakritik chikitsa vaigyanikon ne shodh kiya hai ki manav prakriti ke jitna karib rahta hai utna hi svasth, sundar v buddhiman hota hai.
upchar hetu prakritik ghatkon ki sharan lekar nirog raha ja sakta hai. pranayam shastra men kaha gaya hai ki manushya ki ayu shvans par adharit hoti hai aur shvans sankhya jiv ko uske karm ke anusar milti hai. shvans ka sanbandh sidha pranayam se hai. pranayam mastishk ki kshamata barhakar smaran shakti thik karta hai, chinta, bhay, krodh, nirasha, v manovikaron ka samadhan ho jata hai aur rakt shuddhi svatah ho jati hai atah pranayam se vyakti nirog rahta hai. jyotishiya chikitsa daektar to rog ho jane par chikitsa karte hain.
parantu jyotish men grahon ke purvanuman se bhavi rog ka pahle se pata lagakar usse bachne ke jyotishiya upay kiye jate hain. ise jyotishiya chikitsa kahte hain. abhushan chikitsa hamari matayen-bahnen pahle mang men tika adi dharan karti thin jisse kuch granthiyon par dabav parta tha jiske karan siradard adi nahin hota tha. purush apne mathe par chandan lagate tatha pagri adi dharan karte the jisse sir-dard ke rogon se bach jate the. is tarah abhushan chikitsa hoti thi.
sangit chikitsa sangit shastra men 7 svar hote hain. inhin sat svaron ke sanmishran se samast rag raginiyan niklti hain. sangit men svarsadhna v nad se sharir v man prasann v svasth rahta hai. piramid dvara chikitsa piramid urja ka anant srot hota hai. iske madhyam se sadharan jal ko urjavan banakar vibhinn rogon par prayog kiya jata hai. yah jal kabj, nirbalata, khujli, pet ke rog, vat rog, sir dard, madhumeh, lakva, motapa, anidra adi karyon men atyant hi labhdayak hai.
piramid jaisi sanrchna ke niche baithne se brahmandiya urja ke sankendran ka labh milne se svasthya achcha hota hai. yogasan chikitsa jis sthiti men sugmta purvak yogabhyas ho sake, usmen yogasan ka abhyas karna chahiye. yogacharyon ne anek asan bataye hain. unmen se jo hamare anukul ho, vahi asan karna chahiye. asan aisa ho jismen baithne par hamen kasht n ho.
yogasnane ko niyamit karne se grihasth, bhogi, vishyi adi sabhi stri-purush svasth, sundar aur nirog rahte hain. asnon ke dvara asadhya rog madhumeh adi bhi thik ho jate hain. vartaman men is paddh ti ka vishesh prachar-prasar hua hai rudraksh chikitsa rudraksh ko sakshat shiv svarup mana jata hai. yah sharir ke vividh vikaron ko dur karke vyakti ko adhyatm se jorta hai.
sir-dard ki shikayat nahin rahti, akal mrityu se bachata hai. isko dharan karne matra se man ekagra v shant ho jata hai aur anek rog dur ho jate hain. rudraksh ko jal men dubakar us jal ko grahan karne se gais, kabjiyat jaisi bimariyan samul dur ho jati hain. rudraksh ka paudar sevan karne se bahut se dosh dur ho jate hain. eroma thairepi eromathairepi ka arth hai sungadh chikitsa.
sharir aur dimag ko rog-mukt rakhne ke lie yah ek surakshit aur chamatkarik chikitsa-paddhati hai. kyonki ismen vibhinn prakar ke paudhaun tatha jari-butiyon se nikale gae ark ke dvara ilaj kiya jata hai. sva-mutra chikitsa svamutra chikitsa men apne hi mutra ka pratahkal suryoday ke purva uthakar pan kiya jata hai.
yah asadhya rogon ko thik kar deti hai, svasthya achcha rahta hai, isse sabhi rog dur ho jate hain. parantu adhikatar vyakti ise apnane ke lie asani se taiyar nahin hote. surya chikitsa surya ko arogyata ka devta mana hai. surya kirnon se sidhe bitamin di to milta hi hai balki surya ki aradhna karne se vyakti svasth, nirog, prasann rahne ke sath-sath dirghayu prapt karta hai. chakshasi vidya namak surya upasna se asadhya netra rogon ka upchar sanbhav hai.
mantra-chikitsa mantra nad ek vishesh prakar ki urja hoti hai. is urja ka prabhav manvon hi nahin varan jiv jantu, per, paudhe, pashu, pakshi sabhi par parta hai. jab vyakti vanshanugat rog ya sankramak rog se pirit hota hai to use bahut kasht hota hai tatha rituon ke parivartan se kabhi svasth to kabhi asvasth rahta hai. in rogon se bachne men mantra bahut sahayak hote hain. chunbkiya chikitsa paddhati chunbkiya paddhati se ilaj karne par chunbak ke prabhav se bimari ke dauran sharir ke tantuon ke gun-dharm badhit n hokar samanya ho jate hain.
sharir men rakt pravah sucharu ho jata hai, shiraon evan dhamniyon men se atirikt kolestral kailshiyam, gandgi adi ko bahar nikalakar svasth kar deti hai. nishkarsh in vaikalpik chikitsa paddhatiyon se vyakti asadhya rogon se bhi nijat pa sakta hai lekin koi bhi paddhati apnane men chikitsak ki salah jarur len tatha upchar ke samay savdhani bhi rakhen.