sammohan upchar dae. je. pi. malik hipnotijm (sammohn) ek grik shabd hipnos se banaya gaya hai jiska abhipray nind hota hai. apne nam se viprit yah nind ki sthiti n hokar dhyan ki ek avastha hai jismen hamare mastishk ki lahren bita se alfa men parivartit ho jati hain. yah ek vaigyanik prakriya hai jiska prabhav sharir par napa ja sakta hai. atah sammohan ko jadu ya koi avaigyanik karya samjhna uchit nahin hai. sammohan ki avastha men naye nyuro-path banakar vyavhar ko prabhavit kiya ja sakta hai. kya sammohan aprakritik avastha hai? yah saval kisi bhi vyakti ke man men a sakta hai. sammohan ek prakritik avastha hai jise sabhi log din men kai bar anubhav karte hain. yah bachchon, yuvaon aur praurhon par saman rup se prabhavi hain. har koi samanya vyakti jo sanvad ko samajh sakta hai, uska anukaran kar sakta hai, sammohan ki avastha ka anubhav kar sakta hai. sammohan manovigyan ka ek avayav hai. sammohan ka adhar man ki karya kshamata hai arthat man jo batata hai usko sudhara bhi ja sakta hai. hamara man kampyutar ki tarah karya karta hai. kampyutar ke saeftaveyar men parivartan karke iske karya men bhi parivartan kiye ja sakte hain. agar ham apne ap ko kamjor v bimar mante hain to ham apne ap ko shaktishali aur samarth bhi man sakte hain. is upchar se manushya ka drishtikon svasth hota hai aur uska svasth vikas hota hai. sammohan ka mukhya taur par tin prakar se prayog hota hai. svayan men sudhar lana, manoranjan karna tatha upchar karna. koi bhi vyakti svayan-sammohan karke apne vikas ke lie karya kar sakta hai. dusra upyog manoranjan karya karna jaise stej sho, parti sho aur nukkar sho karna ityadi. manoranjan karyakramon ne sammohan ko lokapriyata pradan ki hai aur jadu jaise vichar bhi logon ke man men paida kar diye hain. tisra aur sabse adhik sammohan ka prayog hai upchar hetu. sammohan se anek prakar ke upchar bhi sanbhav hain jaise motapa, napunskta, parhai men dhyan, khelon men prabhav, chinta, dar, atmavishvas, nirnay lena, adat sudhar ityadi. sammohan ka prayog parabhautik karyon jaise pichle janm se jurna, bhut-pret upchar, punya atmaon se sahyog lena ityadi ke lie bhi prayog kiya jata hai.
Kya aapko lekh pasand aaya?
Subscribe