eroma - theraipi pushpon dvara rog nidan vibhinn prakar ke rang-birange sundar pushp prakritik rup se manav man-mastishk ko prafullit evan anandit to karte hi hain, sath hi pushpon men mithi-mithi sugandh rahti hai isilie kaha jata hai ki hamen apne gharon men thora khula sthan pushpon ko lagane ke lie bhi avashya hi rakhna chahie taki hamara parivarik parivesh sadaiv hi in pushpon ki madhur sugandh se suvasit hota rahe tatha ham un pushpon se prapt honne vali adhyatmik shakti se naisargik aushdhiyon ke sevan ke dvara svasth evan nirogi bhi rahen. grahon se sanbandhit rogon ke nidan men pushp prakritik rup se ‘ramban aushdhi’ ka karya karte hain.
pushpon ki madhur sugandh apne as-pas ke vatavaran men ghulakar use purnarupen svachch evan adhyatmik banati hai. pushpon ki sugandh se jo ati sukshm parmanu niklte hain ve svatah hi hamari nasika ke dvara shvas nali men jakar mastishk par apratyaksh rup se pratyaksh prabhav dalte hain jo hamare sharir, man aur mastishk ke lie prakritik aushdhi ka karya karte hain. isi prakar pushpon ke rangon evan vibhinn prakar ki sugandh ka sidha-sidha asar sharir ke vibhinn bhagon par hota hai, jo tanav, anidra evan thakan se bhare manav sharir evan mastishk ko sakaratmak urja evan shanti pradan karti hai.
yahi karan hai ki ati prachinkal se pushpon ko sharir ke vibhinn bhagon par gajre evan abhushnon ke rup men dharan karne ki paranpra rahi hai. atah pushpon ko jahan ek or sharirik kanti tatha shri aur buddhi pradata kaha jata hai, vahin dusri or pushp prakritik chikitsak athva vaidya ke rup men bhi samne ate hain. pushpon ki sugandh, rang tatha unse nirmit utpadon ke dvara jo chikitsa paddhati apnai jati hai, use hi dusre shabdon men ‘‘eroma-theraipi’’ kaha jata hai. aiye janen, kaun-kaun se pushpon ke aushdhiya prayogon dvara ham kin-kin rogon se mukti pa sakte hain-
gulab: gulab ka pushp prem evan saundarya ka pratik tatha durga ji ka ati priya mana jata hai. gulab ka gulkand pet ki garmi ko shant karta hai tatha hriday rogon ke lie bhi achcha hota hai. ankhon men lali tatha sujan hone par gulab jal se ankhen dhone se labh hota hai.
gurhl: lal gurahal ka ful mangal grah, surya tatha hanuman ji se sanbandhit mana jata hai. gurahal ke ful ka ras jharte hue keshon ke lie achuk dava hai. gurahal ke ful ka ras balon men 1 ghante lagakar bal dho len. yah balon ke lie prakritik ‘kalr’ ka bhi kam karega.
kaml: anantkal se kamal ke pushp ka dhan ki devi lakshmi ji ke sath avichchinn evan avibhajya sanbandh mana gaya hai. kamal ke pushp ka pratyek ang prakritik rup se aushdhi ka karya karta hai. kamal ki dandi ki sabji khane se sharir men lauh tatva ka nirman hota hai. kamal ke ful ke andar se jo hare rang ke dane niklte hain, unse makhane banaye jate hain. makhane ki khir ka sevan karna evan garib ko dan karna, shukra evan chandra grah se utpann rogon ka adbhut evan prakritik ilaj hai. kamal ki pankhuriyon ko pisakar chehre par lagane se chehre ki kanti barhti hai.
chameli: chameli ke pushp se nirmit tel hanuman ji ko prasann karne ka ek achuk upay hai. sath hi budh evan shani grah janit rogon jaise dant rog, charmarog evan fore-funsi hone par bhi chameli ka tel lagane se labh milta hai. chameli ke paÿo chabane se mukh ki durgandh evan munh ke chale dur hote hain.
kesr: kesar ko tridoshon (vat-piÿa evan kaf) ka shaman karta kaha gaya hai. adhyatmik drishti se bhi kesar ke pushp ka bara mahatva hai. hindu dharm men shayad hi koi bhi puja v anushthan kesar ke bina purn mana jata ho. kesar ka tilak lagane se mastishk ko atyant shanti milti hai. halke gungune dudh men kesar dalakar pine se purani khansi evan kaf dur hota hai tatha sharir men bal, virya, shakti evan sfurti ki vriddhi hoti hai.
genda: gende ke pile fulon ko guru grah evan vishnu ji se sanbandhit mana gaya hai. livar ki sujan, charmarog evan pathri rogon men iska prayog labhkari hota hai. ghar ke andar gende aur tulsi ka paudha sath-sath lagane se sadaiv lakshmi evan vishnu ji ki kripa bani rahti hai tatha guru grah se sanbandhit rogon ke hone ka bhay bhi nahin rahta hai.
rat ki rani: rat ki rani ka paudha ghar men lagane se machchar ityadi ghar men nahin ate hain. iski gandh atyadhik madak evan uÿojak hoti hai jisse anidra ke rogiyon ko atyant labh milta hai. iski sugandh se tanav evan anidra men rahat milti hai.
shankhpushpi: shankhpushpi ka prayog smritivardhak hota hai. shankhpushpi ke churn men mitti milakar pine se svasthya, sundar mastishk evan kushagra buddhi ki prapti hoti hai. vidyarthiyon ke lie shankhpushpi atyant labhdayak aushdhi hai.