chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai.
karmachari kam chor kar bhage nahin :
kisi-kisi sansthan men vyavsay to thik chalta rahta hai, parantu karmachari sthir nahin rah pate aur kam chor kar bhag jate hain, jisse vyavsayi, athva udyogpti ko kafi jatil pareshani a sakti hai. is hetu apne vyavsay kendra, ya karkhane men ghar se ate hue raste men koi kil pari hui mil jae aur us din shanivar ho, to kil utha kar apne sath le aen tatha us kil ko pahle bhains ke mutra se dho len. jis kamre, athva sthan par karmachari kam karte hain, us sthan men kahin par bhi us kil ko thok den. kil ke prabhav se karmachari bhagne ki jagah man laga kar kam karne lagenge.
kisi vyakti vishesh dvara pareshani-nuksan :
yadi koi mahsus karta ho ki kisi vyakti vishesh ke karan usko pareshaniyan mil rahi hain, to shanivar-manglvar ke din subah uth kar us vyakti ko gali den, bhoj patra par kali syahi se uska nam likhen tatha shmashan men sthit kisi pipal ke per ki jar men bhoj patra ko, gahra gaddha khod kar, daba aen. vyakti vishesh kuch hi dinon men apko pareshan karna chor dega.
vighna-badha nivaran hetu :
durga aradhna evan durga saptashati path se vyakti, sabhi vighna-badhaon se dur rah kar-sukh-samriddhi prapt karta hai. parantu har vyakti ke lie durga path karvana, kar pana sanbhav nahin hai. atah aise logon ko durga saptashati ke antargat vighna-badha nivaran mantra ki 1 mala roj avashya japni chahie.
mantra is prakar hai :
sarvavadha vinirmukto dhan-dhanya sutanvit.
manushyomatprasaden bhavishyati n sanshyah॥
is mantra ke jap se karobar men vighna-badhaen dur hoti hain. vishesh fal prapti hetu man durga ke prati vishvas jaruri hai tatha sanbhav ho sake, to isi mantra se kale til, ghrit ka havan karen.
bachchon ke aksar bimar hote rahne par :
kabhi-kabhi bimari ghar se niklti hi nahin hai. yah sthiti tab aur bhi jatil ho jati hai, jab kisi ka balak bar-bar bimar hota rahta hai tatha achche doktaron se dava-upchar adi karvane par bhi vishesh labh nahin mil pata hai. aisi sthiti men manglvar ke din kisi sunar ko asht dhatu ka kara balak ke nap ke anusar banane ko den tatha us kare ko shanivar ke din ghar le kar aen. kare ko ganga jal se dho kar shuddh karen tatha us kare men thora sa sindur laga den. kare ko apne samne rakh kar yathashakti hanuman chalisa, athva bajrang ban ka path karen. iske bad us kare ko balak ke dahine hath men pahna den. hanuman ji ki kripa se balak shighra svasth ho jaega.
khansi dur karne ka upay :
kabhi-kabhi khansi, ji ka janjal ban jati hai. dava lene par bhi aram nahin milta. vyakti ko khansi se pareshani hone par manglvar, ya shukravar ke din loban ke paudhe ki jar la kar gale men bandh lene se khansi men aram milne lagega.