alaukik chamatkaron ka pratik makaradhvaj balaji dham prakash nath shastri pratyek manglvar-shanivar ko desh ke sudur bhagon se saikron-hajaron shraddhalu yahan darshanarth ekatrit hote hain, mele jaisa drishya rahta hai. pura mandir parisar shraddhaluon-piriton se bhar jata hai.
koi sir ghuma raha hai, koi ‘chor de baba’ ab nahin aungi’ chilla raha hai, to koi bhajan kirtan, ramdhuni ya hanuman chalisa ka path kar raha hai, to koi gorakh dhune ki parikrama kar raha hai. us vakt najara aur bhi dekhne layak ho jata hai, jab darshanarthi purn astha se ek svar men ‘sachche darbar ki jay’ tatha jay baba ki-jay baba ki bolte hain.
byavar ke vijyngr-balar marg ke madhya bhubhag par vidyaman yah prakhyat mandir tretayugin sandarbhon se jura hua hai. bataya jata hai ki tretayug mane hanuman ji ke shram bund se utpann putra makaradhvaj ne lanka vijay abhiyan men shriram ka sath diya tha tab shriram ne unhen patalpuri ka rajya pradan kiya.
parantu makaradhvaj ke hanumant-sut hone ke karan devi sita ke agrah par bhagvan shriram ne unhen patal se bulakar tirtharaj pushkar ke nikat naravar se diver tak ke kantar pradesh ka adhipti bana diya.
itihas v puranon ke anusar bhagvan shriram ne prayah ekadash sahastra varsh tak prithvi par shasan kar ram rajya ki sthapna ki. fir shriram ke nitya saket dham prasthan ka samay hua, tab uhonne hanuman ko ‘‘jab tak ram nam sansar men rahe, tab tak jivanmukt hokar is prithvi par sukhpurvak raho’’ yah vardan diya aur hanumant-sut makaradhvaj ko bhagvan shriram ne yah vardan diya ki ‘‘kaliyug men ye jagrat dev ke rup men bhakton ka sambhav se sankat nivaran karenge, unki manokamnaen puri karenge.’’
tadusar kaliyug ke is charan men magranchal ke madhya bhubhag se jahan purva men makaradhvaj ka sinhasan tha, us pavan sthal par makaradhvaj balaji ke vigrah ka prakatya hua. usi samay apni janmabhumi manehdipur se hanuman balaji bhi savigrah yahan putra ke sath virajman ho gaye. sanbhvtah sanpurn bharat desh men byavar ka yah ek matra anutha mandir hai, jahan vartaman men ek hi sthan par hanuman aur unke putra makaradhvaj arthat donon pita-putra ki puja archana ki jati hai.
isi sthal par prachinkal men nath sanpraday ke guru gorkhnath ne dirghakal tak tap kiya tha aur yahan nath siddh pith-dhvaj panth ki sthapna ki thi. vartaman mandir parisar men sthit mahayogi gorkhnath ka dhuna bhi bahut si rahasyamyi shaktiyon se paripurn hai.
lok-shruti ke anusar gorkh-dhunen ki 7 parikrama lagane se sankat nivaran hokar kamna ki purti hoti hai. yahan vat vriksh ke nikat nath vanshjon ki bahut si samadhiyan hain. makaradhvaj balaji dham parisar men ghantakarn mahavir, bhairvnath, shmashaneshvar, pretraj, samadhi nath maharaj ki pratimayen pratishthit hain. ye sabhi dev pratimayen evan pujan sthal adbhut, akarshak evan chamatkari hain tatha sakshat parcha dete hain.
in sabke karan yahan ki punya bhumi alaukik shaktiyon se yukt hai. kal kram men in dev shaktiyon ne apni lila failayi. falasvarup is darbar ki mahima itni jag prasiddh ho gai ki bhakton ki or se inhen ‘hath ka hajur’ aur ‘jagti-jot’ mana jata hai.
vishvas kiya jata hai ki yahan ki gai puja kabhi nishfal nahin jati tatha is darbar se koi khali hath nahin jata. jo jitna mangta hai, bhagvan use khule dil se dete hain. yahan ane ka saubhagya keval use hi milta hai, jise baba svayan bulate hain, kyonki kaliyug men papi jivon ka yahan pahunchna durlabh hai. prabhu ke is jagrat darbar men hajri-arji lagane matra se bhakt ko abhydan milta hai.
yahan sharirik-mansik vyadhiyon ke alava bhut-pret dakin-chudel, jadu-tone adi badhaon se mukti milti hi hai, sath men manokamnaen bhi purn hoti hain. hajaron bhakt inke chamatkar se labhanvit hue hain. bhut-pret badha grast vyakti ke ilaj ki prakriya bhi yahan bari vichitra hai aur adalti taur-tarike se sampann hoti hai.
sarvapratham vyadhi grast vyakti ko mandir men laya jata hai, jahan vah apni darakhvast ya arji pesh karta hai. samanyatah arji manjur ho jati hai. kintu kisi prakaran men aisa n ho to sevadhari ki sahayta se punah apil ki jati hai. arji ya apil ki charhave ki samagri ka hi prasad rogi ko diya jata hai. fir balaji ki pratima men dhyan lagate hi vah jhumne lagta hai aur usmen vidyaman pretatma bolne lagti hai tatha apna parichay dete hue rogi ke sharir men rahne ka karan batati hai.
makaradhvaj balaji ke adrishya duton ki pitai se akrant pretatma bhagne ka prayas karti hai. kintu duton dvara use giraftar kar baba ke darbar men prastut kar diya jata hai. yadi pretatmaen svayan ko makaradhvaj balaji ke charnon men samarpit kar deti hai to use balaji apni sharan men le lete hain anyatha dushtatmaane ko suli par tang diya jata hai.
yahan itne sakshat chamatkar dekhne ko milte hain, ki nastik bhi astik ban jate hain. baba ke bhakton men profesar, daektar aur vakil jaise tarkik varg ke shikshiton ka samavesh isi tathya ka parichayak hai. yahan ek nahin kai-kai logon ke mukh se suna hai ki aspatal ke upchar, chikitsakiya paramarsh se labh nahin mila to ve yahan aye aur svasthya labh liya.
yahan dava kuch nahin baba ki jyoti ki bhabhut, dhaga aur jal hi lakva, mirgi, ti.bi., santahinta, shugar, anidra, blad preshar jaise anek dusadhya tatha asadhya rogon men labhakar hota hai. yah sthal hanuman, makaradhvaj gorkhnath, mahakal bhairav, ghantakarn sanbandhi samast upasna evan tantra-mantra sadhna ke lie upaskon, bhakton, sadhkon, tantrikon ka sarvasiddhi pradayak jagrat tirth hai.
yahi karan hai ki anekanek sadhak apni sadhna men lin hokar bhanti-bhanti ke tantrik prayog karte rahte hain. gairik, rakt, pit varni vastra pahne tantrik nitya yahan prabhu charnon men apni shraddha arpit karte hain aur apne upyogi sanskrit mantron, indrajal vidya, shabar mantron ki sadhna ki siddhi men lage rahte hain. is dham ke prati logon ki atut astha hai.
makaradhvaj balaji dham ko chairasi lakh yoniyon ke bandhan se manushya ko mukt karane vala mahatirth kaha gaya hai. manyata hai ki is siddha-pith ki chairasi manglvar ya chairasi purnima ko jo shraddhalu anavarat darshana-parikrama karta hai, vah 84 lakh yoniyon ke bandhan se mukt hokar moksh prapt karta hai. yah dham nana gathaon-manyataon ko samete huye upaskon-bhakton, tantravidon ke lie jagrat sadhna kendra bana hua hai.
makaradhvaj balaji ke darshanarth dur-dur se aye bhakton ka mela to pratyek manglvar aur shanivar ko lagta hai, parantu chaitra purnima-hanuman jayanti, asharh purnima gorkhnath guru mahotsav, bhadrapad purnima, makaradhvaj jayanti par baba ke is tirthadham ka vishesh akarshan apne bhakton ko apni or akrisht karta hai. aise pavan avsron par hajaron, lakhon ki sankhya men bhakt purush-nari, bachche-burhe bhakti bhav se yukt ho apni manokamna siddhi ke lie makaradhvaj balaji ko nariyal, chatra, dhvaja, chola-shranrigar, bhog-prasad charhate hain.
pujn-archan aur bhakton ki bhir ka kram makaradhvaj balaji dham ka sahaj akarshan hai. rajasthan ke ajmer se 50 kilomitar dur jodhpur marg par sthit byavar nagar, kaliyug ke sakshat chir aradhya evan jan astha ke lok manglkari dev makaradhvaj balaji ke karan sanpurn desh ke nar-nariyon ka punya aradhna dham ban gaya hai.
makaradhvaj balaji dham ko chairasi lakh yoniyon ke bandhan se manushya ko mukt karane vala mahatirth kaha gaya hai. manyata hai ki is siddha-pith ki chairasi manglvar ya chairasi purnima ko jo shraddhalu anavarat darshana-parikrama karta hai, vah 84 lakh yoniyon ke bandhan se mukt hokar moksh prapt karta hai.