dae. tipu sultan ekyupreshar ka shabdik arth hai shankunuma nukili vastu se sharir par dabav dalne ki kriya. vyavharik taur par is paddhati ke siddhant men hamara sharir elaiktronik-kriyatmakataon ka ek bahuayami svarup hai, jis ke antrang men sarvada vidyut-urja ka pravah bana rahta hai v is pravah ya sakriyata ke sanchar ka niyantran,bhinna-bhinn chainlon arthat sharir ke bhinna-bhinn bhag ke kuch khas-khas binduon men nihit hota hai tatha inhin binduon men kisi karanavash shithilta ya kamjori a jane ke karan in binduon ke pratinidhitva-vishesh ke antargat vale bhagon men dhire-dhire nishkriyata ane lagti hai, jisse sharir ka prakritik svarup bigrne lagta hai v rog utpann hone lagte hain.
ekyupreshar chikitsa vishesh ki taknik chin, japan adi deshon men adhik viksit hui, parantu is marma-gyan ki aitihasikta par drishti dalen to yah chikitsa bharat men lagabhag 5000 varsh purva se hi viksit thi, jiske udaharan yahan ke gramin kshetron men chikitsa svarup rog ko dur karne hetu sharir ke kisi sthan vishesh ko anguthe se dabane, ang vishesh par hath ferne ya gharshan dene ki prachlit paranpraon v yog sadhnaon men anguthe v ungliyon ko sath jorakar ya dabakar dhyan adi mudraon ki kriyaon men dekhe ja sakte hain.
iske atirikt 2300 isa purva ki misra desh ki chitraklaon se bhi aisa gyat hota hai ki yah chikitsa vahan bhi ati prachin kal se prachlit thi.
1. dae. tipu sultan ekyupreshar ke siddhant men rog utpatti ke karan kisi bimari ya kisi nishkriyata ke karan ang vishesh se sanbandhit snayu tantra ke dhile ya sikurne v shunya ho jane ki sthiti men sharir ki rakt naliyon men nakaratmak tatvon ke jamav ya hathon v pavon ke antim chor ya sathon par kuch kharab tatva-kanon ke ikatthe ho jane ke parinamasvarup sharir ke nari-tantra ka sanchar asantulit ho jata hai aur sharir asvasth rahne lagta hai.
chin v japan deshon ke chikitsak rog v uski utpatti ki avasthaon ke lie sharir ke alasya v kriyashiltaon men kami jaisi sthiti ko mukhya karnon ke rup men svikarte hain jisse vibhinn kendron men shunyata ya shushkata ke parinamasvarup sharir rog grast rahne lagta hai. parantu bhartiya paddhati men manav sharir men panch tatva ke sanchar v uski sakriyata ko pradhan mana gaya hai. iske lie hath ki tarjani ungli ko vayu, madhyama ko akash, anamika ko jal, kanishthika ko prithvi v anguthe ko agni tatva ka pratinidhitva diya gaya hai.
yahi samanya niyamavli pairon ki ungliyon ke lie bhi lagu hoti hain. ekyupreshar paddhati ki visheshta is chikitsa ki taknik dvara sharir ki prakritik vyavasthaon men tivrata arthat manspeshiyon ke tantuon men loch ya sakriyata utpann kara ke granthiyon men urja ka sanchar kiya jata hai jiske falasvarup mite hue ya shithil pare sharir ke avashyak tatva punah jivit ho uthte hain tatha rogi punah svasth hone lagta hai.
isilie snayu tantra se sanbandhit rogon ke lie yah paddhati atyant hi prabhavkari mani gai hai tatha mirgi, anindra, pakshaghat, chakkar, hriday pira ya dil ke daure adi ki sthiti men is chikitsa ke atyant labhaprad v chamatkari fal dekhe gae hain. vastutah yah aushdhi rahit chikitsa paddhati hai, parantu is chikitsa ke vyavharik prayog ki avdhi men anya paddhatiyon ki chikitsa v unki aushdhiyon ke prayog ko vajib nahin bataya gaya hai, balki ajivan aushdhiyon ke prayog ke lie nirdeshit madhumeh, thayraid, bi. pi., kolestrael adi ke rogi bhi asha se adhik labh ki prapti ke lie apni aushdhiyon ke sath-sath is paddhati ka bhi bhalibhanti prayog kar sakte hain.
iske atirikt is saral v vaikalpik paddhati ko vyayam ke rup men svasth vyakti bhi vyavhar men la sakte hain. paddhati ke prayog hetu nirdesh yadi kisi prakar ki apatkal ki sthiti ho to is avastha men is paddhati ki karya vidhiyon ko shighra hi praranbh kar dene ke nirdesh die gae hain, parantu chikitsa ka kram lanba ho tatha adhik dinon tak is paddhati ko prayog men lana ho to is karya vidhi hetu khali pet arthat subah, dopahar v rat ke bhojan ke purva ki avastha ko atyant upyukt mana gaya hai. aise is chikitsa ko ek din men do ya tin bar avashya vyavhar men lana chahie.
do se panch minat tak ki is karya-avdhi men rog ke pratinidhitva vale binduon ko shankunuma praishar vale upkrnon se das-pandrah sekendon tak dabakar do-tin sekend ke antral ya vishram ke bad fir punah is kriya ko dohraya jana chahie. is ke sath-sath chikitsa ke dauran rogi ki ayu v rog ki tivrata ko bhi dhyan men rakhne ki param avashyakta hai. yadi koi mahila garbhavati hai to uske prajanan angon ke pratinidhitva vale binduon ko n dabae jane ka nirdesh diya gaya hai. aisa karne se garbhashay ki sakriyata barh jane ke karan garbhapat ki avasthaen utpann ho sakti hain.
haddi tutne, moch, sharir ke jalne adi ki avasthaon men bhi yah chikitsa varjit batai gai hai. is siddhant ke anusar hamara sharir daen v baen arthat do bhagon men vibhakt hain tatha jo ang sharir ke donon bhagon men sthit hote hain, jaise ankh, nak, kan, fefre, gurde adi, to aise angon ke rog-pratinidhitva vale bindu usi disha ke ek or vale hath v pairon ke ungliyon v talvon men vidyaman hote hain.
atah vistrit jankari hetu, donon hath v panvon men sthit chikitsa-kendra-binduon ki vyavharik suchi prastut ki ja rahi hai. is paddhati men prayukt kie jane vale kuch mahatvapurn upakaran is paddhati ki sarthak chikitsa hetu upyukt upkrnon ka hona atyant avashyak hai. atah is bat ko dhyan men rakhte hue is paddhati se jure shodhakartaon ne dhatu, lakri v plastik se nirmit aneko saral v suvidhajanak upkrnon ka avishkar kiya hai, jin men kuch mahatvapurn upakaran is prakar hain.
jimmi is upakaran ka sira purn shankunuma nukila, madhya ka belnakar bhag danedar ya laghu piramid ke saman kafi sahayta milti hai. spainal rolar is upakaran ka prayog rogi ke pith v gardan tak ke pure vastron ko utarne khurdra tatha nichla bhag dane ke saman laghu v golakar hota hai.
yah ekyupreshar chikitsa ka atyant mahatvapurn upakaran hai, jisse rog-binduon ko dabane v uski kriyashilta ko adhik karne men ke bad v use pet ke bal ulta lita kar kiya jata hai. rirh se sanbandhit rogon ya kam dard adi ke rogiyon ke lie ise atyant prabhavkari upakaran ki sangya di jati hai.
enarji rolar yah chote-chote shankunuma piramidon se nirmit belnakar ya golakar jaisa upakaran hai jisse kam samay men hathon v pavon ke tamam binduon ko kriyashil karne men sahayta milti hai. piramid pavar mait plastik athva lakri adi se nirmit yah vargakar mait anek chote-chote shankunuma piramido se yukt hota hai.
vastutah is paddhati men tatkal labh hetu yah ati adhunik v upyogi upakaran hai, jiska prayog pairon ke talvon ke samast binduon ki kriyashilta ko barhane ke lie kiya jata hai. ismen kisi chikitsak ke madad lene ki avashyakta nahin parti balki rogi svayan hi apna upchar kar sakta hai.