vastu jyotish men rang chikitsa gopal raju aj vishvavyapi star par svikar kar liya gaya hai ki rangon men ‘ishvar’ ki pranatatva ki aisi anekanek sukshm shaktiyan sannihit hain jinka upyog kar ham svasthya labh to kar hi sakte hain, anya anant shaktiyon ke svami bhi ban sakte hai. avashyakta keval rang-varn bhed ko samjhne ki hai. unke samayojan ki vidhi-vyavastha janne ki hai aur unhen apne jivan men utarne ki hai.
vibhinn rangon ke gun-dharma-prabhav ka sabse achcha upyog vaikalpik chikitsa men kiya ja raha hai. rangon ka sambandh bhavna se hai aur bimari ke bare men kaha gaya hai ki yah mashtishk men utpann hoti hai aur sharir men palti hai arthat bimari multah bhavna pradhan hai. rangon ka sidha prabhav hamare panchkoshon evan shatchakron ke rangon par bhi parta hai jo hamare samast sharir-tantra ke sanchalak hain.
rangon ke prabhavi gun ke karan hi rang-chikitsa ka chalan hua. is chikitsa men sharirik tatha mansik rugnata dur karne ka upakram-sadhan rang hi hain. ratn ke prabhav ka mul karan rang hi hai. isilie vibhinn rogon ke nidan men ratnon ka mahatvapurn sthan hai. vastu jyotish men grahon tatha vibhinn rangon ke taratamya ko jorne par bal diya gaya hai kyonki inmen hua asantulan hi bimariyon ka mul karan hai. vaise to rang vibhinn bimariyon par unka tarh-tarah se upyog ‘foto maidisn’ ke antargat aj sarvavidit hai.
parantu inmen bhi sabse adhik charchit, sarvasulabh tatha sasta vastu shastra ke antargat rangon ka chunav karna hi hai. kuch bimariyon ke lie labhdayak rang likh raha heu. inka prayog rangai-putai ke sath-sath apne nitya prayog hone vale kapron adi men bhi kar sakte hain taki in rangon ka adhik se adhik samavesh apke bhavan tatha sharir par ho sake.
baingni rang ka prabhav sidha dame aur anidra ke rogi par parta hai. artharaitsi, gauts, ondima tatha pratyek prakar ke dard men yah sahayak hai. jahae machcharon ka adhik prakop hota hai vahae baingni rang sahayak hai. iska sidha prabhav sharir men poteshiyam ki nyunta ko dur karta hai. sharir men shithilta v napunskta dur karne ke lie sinduri rang gunkari hai.
sharir men tvacha sanmbandhi rogon men nila athva firoji rang achcha karya karta hai. jo bachche parhai se ji churate hai athva alpabuddhi ke hote hain unke kamre lal athva gulabi rang ke karvaen. unki ekagrata barhegi tatha shaitani kam hogi. pila rang hriday sansthan tatha snayu tantra ko niyantrit karta hai. tanav, unmad, udasi, mansik durbalata tath amla-pitt janit rogon men bhi yah sahayak hai.
mastishk ko sakriya karne ka is rang men vilakshan gun hai. islie vidyarthi tatha bauddhik varg ke logon ke kamre pile rang ke rakhvaya karen. hara rang drishtivardhak hai. unmad ko dur kar yah mansik shanti pradan karta hai. ghav ko bharne men yah jadu-sa asar karta hai parantu utkon aur pityutri granthi par is rang ka prabhav viprit bhi ho sakta hai.
pet se sambandhit bimari ke rogi asmani rang ko jivan men utaren. narangi rang tilli, fefron tatha nariyon par prabhav dalakar unhen sakriya banata hai. yah rang raktachap ko bhi niyantrit karta hai. lal rang bhukh barhata hai.
sardi, jukam, raktachap tatha gale ke rogon men bhi yah rang mahatvapurn bhumika nibhata hai. pakshaghat vale rogiyon ko safed pute kamre men rakhne tatha adhikadhik safed paridhan prayog karvane se chamatkarik rup se labh milta hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!