enjal chikitsa paddhati - am dharnaen evan prashnottar ravindar sinh enjal athva farishton men astha kai prachin sabhyataon men payi gai hai. yurop ke kai madhyakalin chitrakaron ne enjal rupak chitra banaye hain. is prakar ke lagabhag sabhi chitron men enjal praniyon ko manushya rup men darshaya gaya hai. parantu un chitron men ek visheshta yah hai ki un sabhi ko pakshiyon ki bhanti pankhon ke sath dikhaya gaya hai.
yah is bat ko darshata hai ki madhyakal men logon men enjal ke prati vishvas drirh tha. yah is bat ko bhi darshata hai ki unhen manav se bhinn rup men mana jata tha. enjal ke bare men kai prachin evan navin dharma-granthon men ullekh hai.
udaharan ke taur par isaiyon ke dharmagranth baibal, muslmanon ke dharm ganrath kuran-e-pak, tohrah (yahudiyon ka dharma-granth) evan sikhon ke dharma-granth shri guru granth sahib men bhi enjal ka ullekh hai. sadharan vyaktiyon men enjal ke bare men kai prakar ki bhrantiyan hai jinka nirakaran karne ka is lekh dvara prayas kiya gaya hai.
prashna: enjal athva farishte kaun hain? unki srishti ka srot kya hai?
uttara: enjal sharirvihin urja rupi prani hain jinki srishti svayan ishvar dvara ki gayi hai.
prashna: sanrakshak enjal kaun hain? kya mere sath bhi sanrakshak enjal hain?
uttara: har jivit vyakti ke do athva usse adhik sanrakshak enjal hote hain jo har samay uske sath rahte hain aur har ane vale anisht ke bare men us vyakti ko suchit karte hain. yah sanrakshak enjal hamen prempurn evan utsahavardhak sandesh dete hain.
prashna: enjal ki srishti ke piche kya uddeshya hain?
uttara: enjal ishvar ke dut hain aur ve hamen ishvar ka sandesh dete hain. unka uddeshya prithvilok par ishvar ka sandesh dekar shanti sthapit karna hai.
prashna: enjal hamse kis prakar sapanrk karte hain aur ve apna sandesh hamen kis prakar se pradan karte hain?
uttara: enjal hamse char pramukh margon dvara sanpark karte hain. vicharon dvara dhvaniyon dvara mansik drishyon dvara sanvednaon dvara enjal hamen hamari panch indriyon se pare hokar sandash dete hain. kuch manushyon men ye shaktiyan prakritik rup se maujud hoti hain, parantu kuch manushyon ko prashikshan dvara in shaktiyon ka prayog sikhaya ja sakta hai. ham enjal ka sandesh kis star par aur kitna spasht sun sakte hain, yah is bat par nirbhar karta hai ki hamare andar ye shaktiyan kis star tak viksit hain. kuch manushya bhay athva shanka ke karan enjal ka sandesh nahin sun pate hain.
prashna: yadi mere sath har samay sanrakshak enjal hain to ve mujhe durghatanaon ki suchna kyon nahin dete?
uttara: sanrakshak enjal hamen har samay apna sandesh dete hain. visheshtah jab hamare upar koi ghor apatti ane vali ho. parantu yadi hamari shaktiyan purn rup se viksit nahin hain athva ham bhayagrast ya shankagrast hain to hamen unka sandesh sunayi athva dikhayi nahin dega. sabhi enjal hamari prakritik svachandta ka adar karte hain. is karan ve, jab tak ham par ghor apatti nahin a jati tab tak, hamare jivan men hastakshep nahin karte.
prashna: enjal ke sath sanpark karne ka tarika kya hai?
uttara: ham keval apne vichar dvara evan unse sanpark karne ka vichar apne man men lakar unse sanpark sthapit kar sakte hain.
prashna: enjal chikitsa paddhati kya hai?
uttara: enjal se sanpark sthapit karne ke dvara samasyaon ke nivaran ko enjal chikitsa ke nam se jana jata hai.
prashna: enjal kard riding kya hai aur yah paddhati tairo kard riding se kis prakar bhinn hai?
uttara: enjal kard dvara prashnon ke uttar tatha spasht evan kriyanvayan karne yogya vicharon evan sandeshon ko prapt karne ki vidhi ko enjal kard riding kaha jata hai. yah paddhati tairo kard riding se is prakar bhinn hai ki tairo kard riding men kuch tairo kardon par chitrit drishya vyaktiyon men bhay utpann kar sakte hain. parantu enjal kard dek ke sabhi kard prempurn evan utsahavardhak sandeshon evan chitron se bharpur hote hain.
prashna: kya main ghar baithe enjal kard riding ka labh utha sakta hun?
uttara: avashya, enjal kard riding amne-samne baithakar, fon dvara, i-mel dvara evan skaip seva dvara ki ja sakti hai. ham kis madhyam ko chunte hain, iska asar enjal kard riding ke star athva uski gunavatta par nahin parta.
prashna: enjal kard riding men prapt kiye gaye sandesh kitne spasht evan satik hote hain?
uttara: chunki enjal hamare bare men samast jankari rakhte hain, islie enjal dvara prapt sandesh spasht evan satik hote hain. adhikansh vyakti in sandeshon ko prapt kar hataprabh ho jate hain.
prashna: enjal kard riding se hamen kya apeksha karni chahiye?
uttara: enjal kard riding ke dvara hamen apne niji, vyavsayik, parivarik evan samajik samasyaon ke udgam ka srot evan nivaran hetu spasht kriyanvayan karne yogya vidhiyan prapt hoti hain. koi bhi prashn enjal ke liye galat prashn nahin hota kyonki ve hamen bina shak alaukik prem bhav se dekhte hain. kai bar aisa hota hai ki enjal hamare puche gaye prashnon ke bajay kisi aur prashn ka uttar dete hain. iska karan yah hai ki enjal hamare man men ane vale sabhi vicharon se bhali-bhanti parichit hote hain. isiliye ve un sabhi prashnon ke uttar dete hain jo hamare lie mahatvapurn hote hain. yah is bat par nirbhar karta hai ki ham pratyaksh rup se un prashnon ko puchte hain ya nahin.
prashna: kya main svayan apne liye enjal kard riding kar sakta hun?
uttara: avashya . ham prashikshan prapt karne ke pashchat svayan apne liye enjal kard riding kar sakte hain.
prashna: kya enjal chikitsa-paddhati ka prashikshan bharat men upalabdh hai?
uttara: bharat men kai satyapit enjal chikitsa kendra sthapit kiye gaye hain.
ap adhik jankari ke liye lekh ke ant men diye gaye pate athva vebsait par sanpark kar sakte hain. agle ankon men ham enjal chikitsa paddhati ke bhinna-bhinn ayamon par prakash dalne ka prayas karenge.