srishti ke rachyita ke atirikt kisi bhi vyakti men yah batane ka purn samathrya nahin ho sakta ki bhavishya men kya ghatit hone vala hai. parantu yadi aisi koi vidya hai jiski sahayta se bhavishya men ghatne vali ghatnaon ka purvanuman lagaya ja sakta hai to vah vastav men hi manushya ke lie atyant labhkari ho sakti hai kyonki yadi ane vali ghatnaon ka kuch purvanuman ho to ham apne apko paristhitiyon ka samna karne ke lie taiyar kar lete hain. adi kal se hi is prakar ki vidyaon ko viksit karne ke lie manav anusandhan karta raha hai. paravidya ‘jyotish’ ke isi mahatva ke karan ise (jyotishan vedanan chakshuah) arthat vedon ka chakshu kaha gaya hai.
sansarik vyavhar ki vidya arthat apra vidya men nishnat hona bhi saral karya nahin hota. jyotish to paravidya hai jiska sambandh lok, parlok, atma, parmatma, janma-mrityu, punya-pap, karma-vikarm, bhagya-durbhagya, sukh-dukh ityadi vishyon ke vishleshan se hai islie jyotish shastra ka keval adhyayan matra kar lene se koi jyotishi nahin ban jata apitu iske lie jatak ko param buddhiman, ganna karne men kushal, antarpragya v shreshth stariya kalpana shakti sampann hona chahie. aise kaun se grah yog hote hain jinke karan jatak kushal bhavishyavakta ban sakta hai un sabka sankshipt vivaran is prakar hai
- jyotish ka shreshth stariya gyan hone ki sthiti men bhi jyotishiyon ki bhavishyavaniyan vifal hoti rahi hain islie yah bat sahi hai ki jyotish ka gyan satik bhavishya kathan ke lie kafi nahin hai apitu uttam antaprragya shakti (pdajanapajapavada), kalpana shakti v manas darshan shakti (tapenansapranjpvd) bhi avashyak hai. janmakundali men inke karak chandrama v ketu mane gaye hain yahi karan hai ki jyotish shastra ke rachyita maharshi parashar ne chandrama ko jyotish vidya ka karak grah mana. kyonki navam bhav ko paravidyaon ki janni arthat adhyatm vidya ka karak bhav mana gaya hai islie dekhne men aisa aya hai ki navam bhav men chandrama virajman hone ki sthiti men jatak kushagra buddhi (hamdpne) v antaprragya sampann shreshth jyotishi hota hai. manav manan se age barhta hai aur shani vyakti ko sarvadhik mannshil banata hai.
islie aisa dekha gaya hai ki shani se prabhavit vyakti ganbhir v gurh vishyon ko samjhne ki vishesh kshamata rakhta hai aur nirantar apne lakshya ki or unnatishil bhi rahta hai. isi karan lagn men baitha hua shani jatak ko kai bar ek uchch koti ka tantrik ya jyotishi bana deta hai. yadi shani ka lagn, lagnesh, chandrama, chaturthesh v guru par prabhav pare to jatak shreshth jyotishi banta hai.
kundali men dvitiya bhav sarasvati kripa ka bhav hai islie is bhav ke karak guru v vani ke karak budh ke atirikt yadi dvitiyesh v dvitiya bhav ye sabhi balvan hon tatha in par kisi bhi pap grah ka prabhav n ho to jatak ki vani se kahi hui baten satya siddh hoti hain. yadi jyotishi subah se sham har samay jhuth bole, puja path v satvik acharan se dur rahe tatha mans madira ka sevan kare to uski bhavishyavani men satyata nahin ho sakti. janm patri ka avlokan karne ke pashchat turant ganna karke shighra nirnay lekar tvarit bhavishyavani karne ke lie ganit v nirnay shakti ke karak budh ka balvan hona bhi ati avashyak hai.
guru v budh ki yuti ya inka sthan parivartan yog is prakar ki yogyata se sampann hone ke lie shreshth hota hai. iske atirikt yadi budh dhanu ya min arthat guru ki rashiyon men sthit ho tatha guru svayan kendra mane sthit ho to bhi uttam hai. jyotish shastra ke anusar brihaspati ko samast paravidyaon ka guru mana gaya hai tatha navam bhav ko uchch shiksha v adhyatm vidya ka karak bhav mana gaya hai.
chandrama adhyatm ka karak grah hai, navam bhav adhyatm ka karak bhav hai tatha brihaspati navam bhav ka karak hone ke atirikt vani v buddhi bhav ka karak to hai hi sath hi adhyatm vidya ka acharya (jmanbimat v i aichptpjnansaprau) bhi hai. paravidyaon men parangat hone ke lie guru ka navam bhav men gajkesri yog shreshthatam yog mana jayega. guru grah ke bal ki jamin chandrama ke pas hai. islie chandrama ki rashi men guru uchcharashisth hota hai tatha chandrama se kendra men hone ki sthiti men gajkesri yog sampann ho jata hai.
parantu kark rashi ya chandrama ke pirit hone ki sthiti men guru grah ka shreshth fal prapt nahin kiya ja sakta. achcha jyotishi banne ke lie guru grah ke shreshth fal ki avashyakta to hoti hi hai sath hi antaprragya ke karak chandrama ko bhi shubh hona hi chahie. islie kushal jyotishi ki kundali men guru chandra donon hi bali paye jate hain. yahi karan hai ki safalatam jyotishiyon ki kundaliyon men guru adhikatar navamasth hota hai athva guru kendrasth v chandrama navamasth hota hai ya guru-budh ki yuti ya sthan parivartan v chandrama navamasth hota hai ya budh dhanu ya min rashisth, guru kendrasth v chandrama navamasth hota hai.
kuch anya yog jaimini rishi ke matanusar pancham bhav ka ketu jatak ko vishesh buddhiman v shreshth jyotishi banata hai. kundali men 3, 6, 8 v 12 bhavon ko gupt bhavon ki sangya di gai hai. ashtam v dvadash ko paravidyaon, gupt vidyaon v jyotish adi ka vishesh karak bhav mana jata hai. lagn ko kundali ka kendra bindu mana gaya hai. lagn bhav ka jis bhav se vishesh sambandh sthapit ho jata hai usi bhav se sambandhit vishay men jatak ko vishesh ruchi hoti hai. iske atirikt panchmesh v bhagyesh bhi ruchi nirdharan men mahatvapurn bhumika nibhate hain.
lagn se jatak ki ruchi v svabhav, pancham se buddhi tatha navam se pravritti ka vichar kiya jata hai. ashtam bhav ko bhi gupt vidyaon jaise jyotish, tantra v gupt shakti ka karak bhav mana jata hai. islie ashtam bhav ke bali hone, ashtam bhav par adhikatar grahon ka prabhav hone ya ashtamesh ke lagnasth hone ki sthiti men bhi jatak shreshth jyotishi banta hua dekha gaya hai. lagnesh ka ashtamasth hona bhi uproekt fal deta hai. panchmesh v bhagyesh ka ashtamasth hona bhi aisa hi prabhav darshata hai. panchmesh ka dvadashasth hona shreshth jyatirvid banata hai (kyonki barhvan ghar pancham se ashtam hota hai).
yadi panchmesh chatusrthasth ho (kyonki pancham bhav chaithe se dvadashasth hota hai). yadi dvadshesh panchamasth ho ya pancham bhav ko dekhta ho ya panchmesh se kisi prakar ka sambandh sthapit karta ho. yadi dashmesh panchamasth ho (kyonki pancham bhav dasham se ashtam hota hai). chaturthesh pancham bhav men sthit ho ya pancham bhav ko dekhe athva panchmesh se kisi prakar ka sambandh sthapit kare to bhi kushal jyotishi hota hai.
yadi lagnadhipti dvadashasth ho ya dvadshesh lagn men baithe ya lagn ko dekhe athva lagnesh se kisi prakar ka sambandh sthapit kare. dashmesh navam bhav men arthat apne se dvadashasth sthit ho. jyotirvid yogah- balvan budh aur guru kendra men hote hain aur dvitiya sthan men shukra v tritiya sthan men shubh grah hota hai to jyotirvid yog hota hai. aisa vyakti vidvan jyotishi banta hai. trikalagya yog:- yadi charon kendron v sabhi trikonon ke svamiyon ki trikon bhav men yuti ho to jatak vikhyat v vishesh buddhiman tatha kushal bhavishya vakta hota hai.
chaturthesh pancham bhav men sthit ho ya pancham bhav ko dekhe athva panchmesh se kisi prakar ka sambandh sthapit kare to bhi kushal jyotishi hota hai. yadi lagnadhipti dvadashasth ho ya dvadshesh lagn men baithe ya lagn ko dekhe athva lagnesh se kisi prakar ka sambandh sthapit kare. dashmesh navam bhav men arthat apne se dvadashasth sthit ho. jyotirvid yogah- balvan budh aur guru kendra men hote hain aur dvitiya sthan men shukra v tritiya sthan men shubh grah hota hai to jyotirvid yog hota hai. aisa vyakti vidvan jyotishi banta hai. trikalagya yog:- yadi charon kendron v sabhi trikonon ke svamiyon ki trikon bhav men yuti ho to jatak vikhyat v vishesh buddhiman tatha kushal bhavishya vakta hota hai.
vikhyat jyotishiyon ki kundliyan shri bi. suryanarayan rav 13.02.1856, 12:32, chikkaadugodi lagnesh v chandralagnesh par shani ki drishti hai tatha chaturthesh v guru shani rashisth hain. is kundali men dasham bhav men surya, budh v guru ne inhen bharat men jyotish shiromni banaya. ashtamesh guru v dvitiyesh budh ki yuti jyotirvid ke lie shreshth hoti hi hai parantu ismen dvitiyesh v dashmesh ka sthan parivartan yog bhi vishesh prabhavshali raha. lagnesh ashtamasth, chandrama uchcharashisth v ashtamesh guru ka gajkesri yog adi ye sabhi yog gupt paravidya jyotish men vishesh gyanarjan karne ke lie shubh yog hain. shri bi. vi. raman 08.08.1912, 19:40, banglur inki kundali men shani ka lagn chaturth bhav, chandrama v guru in sabhi par prabhav par raha hai jiske falasvarup ye gambhir chintak v shreshth jyotirvid bane.
apne dada shri bi. surya narayan rav ka nam aur uncha kiya tatha apne prayason se adhunik yug men jyotish ko sarvamanya banaya. inki kundali men lagnesh v anya sabhi shubh grah kendron men hain tatha chandrama uchcharashisth v guru gajkesri yog bana raha hai. pro. ke. es. krishnamurti is kundali men chandra lagnesh shani ka lagn v chaturth bhav par purn prabhav hai 01.11.1908, 11:00, madras v guru navamasth hai. shreshth jyotirvidon ki kundaliyon men guru adhikatar navamasth hi hota hai.
lagnesh guru hai jabki chandralagnesh v dvitiyesh bhi guru ki hi rashi men sthit hain. navansh men guru v budh ka sthan parivartan yog hai. pro. ke.es. krishnamurti ne krishnamurti paddhati likhakar vishesh khyati prapt ki. shri arun bansal 13.12.1956, 23:10, dilli akhil bhartiya jyotish sanstha sangh ke adhyaksh v liyo star jyotishiya saeftaveyar ke nirmata shri arun bansal ji apni satik bhavishyavaniyon ke lie prakhyat hain.
shri bansal ji ki kundali men bhi shani ka lagn, lagnesh v chaturth bhav par purn prabhav hai. guru v budh ka sthan parivartan yog v chandrama navamasth hai. islie yah kushal ganitagya, antaprragya tatha vaigyanik drishtikon sampann jyotirvid hain. shri ke. en. rav 12.10.1931, 07:55, machlipattanam shri rav ji ko adhunik bharat men jyotish guru ke nam se jana jata hai. gajkesri v hansyog yukt dashamasth guru, uchcharashisth budh, ashtamesh ki lagn men sthiti, lagnesh, dvitiyesh v dashmesh ki lagn men yuti tatha chaturthesh v panchmesh shani ki guru ki rashi men upasthiti ne inhen jyotish guru hone ka gaurav dilaya.
dae. suresh atrey 08.10.1958, 02:30, jind da. suresh atrey ji ki kundali men dvitiyesh, tritiyesh v chaturthesh ki yuti tatha budh ke uchcharashisth hone v chaturth bhav men navmesh guru ke gajkesri yog se yukt hone ke parinamasvarup shri atrey ji jyotish samaj men adrniya hain. nishkarshatah safal bhavishyavakta banne hetu janmakundli men chandrama, budh, guru ke atirikt dvitiya v ashtam bhav ka shubh hona to avashyak hai hi sath hi jatak ke ganbhir v chintnshil hone ke lie lagn bhav par shani ka prabhav hona bhi vanchit hai.
bhavishyavakta ko satvik achrnshil, satya vakta v ishvar men asthavan hone ke atirikt vinyshil hona chahie jisse uski antarpragya shakti jagrit ho jaye v uski vani men man sarasvati ka nivas ho sake.