alu, kaun nahin hai parichit is sabji se, vishva men sabse adhik pakai, khai jane vali sabji sarvapriya hai, anek prakar ke vyanjnon ko svadisht banane men bhi iska prayog kiya jata hai. alu methi, alu matar, alu ke parathe, samose, alu tikki adi har prakar ke svadisht vyanjan hain jise ham sabhi bari chav se khate hain. alu har prakar ke mausam men 12 mah bajar men milta hai. yah ek jar rupi golakar matiyale rang ka hota hai. iski utpatti sansar men anya bhojya padarthon ki apeksha adhik hoti hai. alu ek sanpurn ahar hai.
jahan yah sharir ko paushtikta pradan karta hai vahin apne aushdhiya gunon ke karan bhi jana jata hai. ayurved men alu ke gunon ke ullekh se malum hota hai ki alu ka sabji evan aushdhi ke rup men prayog vaidik kal se hai. prakriti, gun-dharm alu ki prakriti shushk aur garm hai. ismen kailshiyam, faesforas, loha, vitamin si, bi, kafi matra men paye jate hain. iske atirikt protin, vasa, khanij, resha, karbohaidrets bhi prachur matra men milte hain. alu ki mahatvapurn visheshta yah hai ki yah atyant kshar yukt hai jo sharir men vidyaman ksharon ko niyantrit evan santulit banaye rakhne men bahut upyogi hai.
yah sharir ke yurik esid aur khattepan ko gholne men bahut sahayak hai jisse pachan sansthan sucharu rup se karya karta hai aur sharir svasth rahta hai, kabj adi se bhi rahat milti hai. alu ke prayog se sharir ki rakt vahiniyan lachkdar bani rahti hain. rakt vahiniyon ke kathor aur kamjor hone se hriday rog evan uchch rakt chap jaise rogon ki sanbhavna hoti hai.
islie alu ka nirantar prayog karne vale dirgh ayu vale hote hain. vibhinn rogon men alu ka upyog gurde ki pathri alu gurde ki pathri nikalne men sahayak hota hai. jinhen gurde ki pathri ki shikayat hai unhen niyamit rup se alu khilate rahna chahie. yadi rogi ko keval alu ke ahar par rakha jaye aur khub pani pilate rahen to pathri asani se nikal jati hai. alu men maigneshiyam ki adhikta ke karan pathri kharij hoti hai aur pathri banna bhi band ho jata hai.
kabj vikar alu men vidyaman kshar sharir ke ksharon ko santulit karta hai jisse pachan tantra ko shakti milti hai aur anton men ikatthe hue mal ko bahar nikalne men madad karte hain. islie kabj ki shikayat ho to alu ka upyog labhkari hota hai. esiditi (amla) alu ke upyog se esiditi se bhi rahat milti hai. jinhen khatti dakaren ati hain, gais adhik banti hain unko bhuna hua alu gehun ki roti ke sath khane se labh hota hai, esiditi se rahat milti hai. iske sath pani bhi pina chahie. gathiya gathiya rog men alu ka prayog labhkari rahta hai. kachche alu ka ras pine se gathiya men bahut labh hota hai.
alu ka chilka bhi gathiye men bahut upyogi hai. yadi alu ke chilke ko pani men ubalakar karha bana kar rogi ko pilaya jaye to sharir men vidyaman hanikarak kshar samapt ho jate hain aur rogi ko aram ane lagta hai. alu ke chilke ke kadhe ko rogi ko din men tin-char bar 100 gram ki matra men lena chahie. ghutnon men dard kachche alu ko pisakar dard vale ghutne par lep karne se aram milta hai.
sujan hone par bhi bahya rup se alu ke ras ka prayog labhkari hota hai. tvacha ke dag-dhabbe tvacha ke dag-dhabbon par kachche alu ka ras lagane se dag-dhabbe samapt ho jate hain aur tvacha men nikhar ata hai. chunki alu men potaishiyam, salfar, faesforas aur klorin bhi hoti hai atah tvacha rogon men bhi alu ke upyog se labh hota hai. ankhon ke niche vale gaddhe alu ko chilakar kaddukas kar len, ise ek kapre men dalakar potli si banakar, ankhon ko band karke potli ko ankhon par rakhen.
isse labh hoga aur ankhon ki sundrta barhegi. rakt pitt rakt pitt hone ka mukhya karan vitamin ‘si’ ki kami hai jiske karan sharir ki shakti kam hone lagti hai, man men udasi ki bhavna ane lagti hai. rogi thore se parishram se thak jata hai. sharir par chote-chote lal chakte ho jate hain, masurhe kamjor ho jate hain inmen rakt srav bhi hone lagta hai. kabhi-kabhi hriday ki mans peshiyane men rakt srav hone se pira hone lagti hai. ye sabhi lakshan vitamin ‘si’ ki kami ke karan hote hain.
alu ke upyog se vitamin ‘si’ ki purti hoti hai aur rogi ko labh hota hai. beri-beri rog iska mukhya lakshan janghon ki nariyan kamjor par jana hai. isse rogi ko chalne men kathinai hoti hai. yadi kachche alu ke ras ki din men char bar ek-ek chammach ki matra rogi ko pilai jaye to labh avashya hoga. chehre ki sundrta ke lie kachche alu ke ras ko chehre par malte rahne se sanvla rang bhi gora hone lagta hai.
snan se purva alu ke ras ko tvacha par malakar kuch der bad snan karne se labh hota hai. alu ke ras men ninbu ke ras ki kuch bundane aur glisrin milakar chehre v hathon par malne se chehre v hathon ki jhurriyon aur tvacha ka sukhapan samapt ho jata hai. jinhen kil-munhason ki shikayat ho unhen kachche alu ka ras nikalakar ek-do chammach din men tin bar lene se labh hota hai. kil-manuhanson se rahat milti hai.
bachchon ke lie kamjor bachchon ko alu ka ras thori matra men pilane se unki kamjori dur hoti hai aur ve mote-taje hone lagte hain. kamjor bachchon ko uble hue ya bhune hue alu men do char bunden shahad dalakar khilana labhkari hai. savdhaniyan madhumeh ke rogiyon ko alu kam khana chahie kyonki ismen starch adhik matra men hota hai. yadi alu men durgandhayukt pani a gaya ho to uska upyog n karen.
ahar visheshagyaon ka manna hai ki alu ke chilke nikal dene par uske kuch tatva nasht ho jate hain. atah alu ubalakar uske pani ka upyog sabji adi pakane ke lie kar sakte hain. adhik alu khane se vyakti alu jaisa ho jata hai arthat motapa barhta hai. laingik rog se prabhavit logon ko alu kam khana chahie. mans ke sath paka alu svasthya ke lie hanikarak hai.