- yatra par niklte samay kunari kanya, shadishuda stri (garbhavati stri), gay, bhara ghara, nagara, shankh adi dikhai den to uttam fal ki prapti hoti hai.
- saras p ed ki dali par b aitha dikhai de to ati shubh hota hai. per par ek-ek kram se baithe milen to achche mitron se sanpark ho. jate samay sammukh bolta nazar ae to manokamnaen purn hoti hain. per par ek sath jyada bolte najar aen to stri labh mile. parantu bain taraf milen to ashubh fal ki prapti hoti hai.
- sukhe per par tota dain taraf bolta dikhai de to bhay, kintu bain taraf bole to mahalabh mile. sukhe pahar tatha sukhe per par bolta najar ae to bhay tatha sammukh bolta najar ae to bandhan mile.
- samne athva jamin ki taraf chink ho tatha vastra kanton se fat jae athva kanton men ulajh jae, koi shabd sunai pare ya sanp dikhai de to yatra par jane ka karyakram radd kar den.
- samne nilgay, mor athva nevla dikhai de to uttam fal ki prapti hoti hai. bain taraf murga bolta nazar ae to shubh mana jata hai.
- dain taraf gadha bolta mile to manovanchit karya siddh hon.
- ghar vapas ate samay bain taraf gadha bolta mile to uttam riiddhi-siddhi ki prapti hoti hai. jate samay pith piche ya samne gadha bolta ho to bahar n jaen.
- maina sammukh bole to kalah, jamin ki taraf bole to labh tatha sukh, dain taraf bole to ashubh tatha pith piche bole to mitra samagam ho.
- battakh pani men bolti najar ae to uttam tatha jamin par bain taraf bolti ho to ashubh fal mile.
- mor ek bar bole to labh, do bar bole to stri labh, tin bar bole to dravyon se labh, char bar bole to sanpurn labh tatha panch bar bole to kalyan ho. agar nachta dikhai de to utsah, harshollas mile .
- bagula dayan pair uthae tatha baen pair ki sahayta se khara dikhai de to lakshmi labh bharpur mile.
- prasann mudra men bagula bolta najar ae aur uncha urta ho to kanya aur dravya padarthon ka labh aur santosh mile. bhaybhit hokar urta dikhai de to yatra men bhay utpann ho.
- yatra ke samay jyada chiriyon ka jhund ek jagah baitha dikhai de to bara labh evan santosh mile. kintu chiriyon ka jhund bhaybhit hokar urta dikhai de to bhay utpann ho.
- ghugghu dain taraf bolta ho to uttam fal mile, kintu bain taraf bolta ho to bhay utpann ho. agar pith piche ya pichvare bolta ho to shatrunash, samne bolta ho to bhay aur adhik bolta ho to jyada shatru utpann hote hain. dharti par bolta dikhai de to stri ki mrityu hoti hai aur agar tin din tak kisi ke ghar ke upar bolta dikhai de to ghar ke kisi sadasya ki mrityu hoti hai.
- kabutar bain taraf mile to labhkari kintu dain taraf mile to bhai athva parijnon ko kasht utpann ho. pith piche baitha dikhai de to uttam fal ki prapti hoti hai.
- nilkanth pakshi samne athva bain taraf kshir vriksh par baitha bolta ho to sukh labh tatha teji se bolta hua samne ae to atyant labh aur karya siddhi ho. jate samay dain taraf sthirchitt bolta ho to uttam fal ki prapti hoti hai. chup baitha dikhe to uttam fal nahin milta.
- nilkanth evan niliya pakshi mil jaen to ati shubhkari hota hai aur chalte samay inke darshan se sanpatti ki prapti hoti hai.
- koi shubh karya karte samay mor dain taraf pul par baitha dikhai de to kalyankari tatha samne pul par baitha ho to shubhkari ho. larai karta mor sharir par akar gire to ashubh mana jata hai. vapas ghar ate samay vastra sahit snan karke kala padarth dan karen to doshon ka nash hota hai. hota hai.
- unt dain taraf bolta dikhai de to shanti ho tatha bain taraf bolta ho to kleshkari mana jata hai. untni samne ati mil jae to yatra shubh mani jati hai.
- hathi daen pair se dharti khodta dikhai de to karya safal ho. kintu baen pair se dharti khodta mile ya akela khara mile to us taraf yatra nahin karni chahie. aise men yatra karne par pran ghatak hamla hone ka sandeh bana rahta hai.
- gay dain taraf shabd karti athva bachre ko dudh pilati mile to labh mile kintu rat ko jate samay piche bolti sunai de to yatra men klesh tatha badhaen utpann hoti hain.
- kutta bain or bagal chatta athva munh men bhakshya padarth lekar khara ho athva samne ata mile to sukh mile evan bahut labh ho. yatra par jate samay ghar ke dvar par ya dhan ke dher par kutta peshab karta dikhai de to bara labh mile. jate samay shmashan men athva patthar par peshab karta dikhe to bara kasht utpann ho, islie yatra radd kar deni chahie. yatra par jate samay yadi shvan svami se lar karta ho to yatra ashubh ho sakti hai.
- murga dain taraf bolta najar ae to sukh mile aur jagah badalakar bolta ho to bhay ya klesh utpann hota hai.
- hathi baen dant ke upar sunr ko uchalta samne dikhe to sukh mile. dain taraf jibh athva kisi dusri taraf sunr karke dikhae to samanya fal mile.
- ghora agle baen pair se jamin khodta athva dant se bayan bhag khujlata ho to karya ki siddhi ho evan dayan pair pasarta dikhe to klesh utpann hota hai. kahin jate samay samne ghora mil jae to shubhkari hota hai.