bhagavat prapti ka sahaj sadhan basant kumar soni bhagavat prapti ke lie chahie bhagvan se milne ki lalak aur use pane ki riti hai- bhakti jiska arth hai bhagvan ki upasna, seva aur sharanyata. prapti sadhnon ke vistar ka ullekh kiya gaya hai is lekh men. parhie aur bhagavat prapti ke marg par age barhie. bhagvan se milne ki lalak bhagavad prapti ka ek ang hoti hai. bhagavat prapti arthat bhagvan ya ishvar ko pane ki riti, bhakti mani gai hai. bhakti ka arth hai bhagvdopasna arthat bhagvan ki upasna, seva aur sharanyata. is asat sansar men logon ke liye sukh-shanti prapti ka saral sugam path keval ishvaropasna hi hai. apne isht devta ka sumiran, chintan, pujan, bhajan, kirttan, dhyan, aradhna ko upasna kaha jata hai. adhikansh rup men dekha suna gaya hai ki sansar men jitne bhi mahan purush huye hain, ve sabhi bhagavad bhakt huye hain yani ve sabhi ishvaropasak the.
parmhans shriramkrishn ji ka kahna hai ki ''ishvar ke nam aur bhajan ke bhav anant hain, unmen se jis manushya ko jo nam aur bhav pasand hai, vah usi se usko pukarta tatha uska dhyan karta hai aur usi se ishvar ko pata hai.'' mahamna madnmohan ji malviya ne likha hai ki ''dhat-ghat vyapak us parmatma ki vimal bhakti ke sath upasna karni chahiye.'' svami vivekanand ne is bat ka prachar kiya ''nana rupon men jo tumhare samne hai, usko chorakar anyatra kahan ishvar ko khoj rahe ho. jo jivan se prem karta hai vahi manushya 'manushya' hai aur vahi manushya ishvar ki seva karta hai.'' bahurupe sammukhe tomar, chari kotha khunjich ishvar. jive prem kare jei jan sei jan sevide ishvar॥ upasna shabd ke smriti, puranadi men tatha mahapurushon ki vani men anek arth paye jate hain. sar rup men bhagvt-prapti ke nimitt upasna ka arth puja bhakti hai. shri madbhagavat ke anusar bhagavad-prapti ke liye ishvar ko purn bhakti se prasann kar lena' upasna kaha jata hai. dharm shastron ke ya yun kahen ki smritiyon v puranon ke praman se is bat ki pushti ho jati hai ki upasna kal men bhagvan upaskon ko darshan avashya dete hain.
makka, madina, dvarka, badri aur kedar. prem bina sab jhuth hain, kahen ''maluk'' vichar॥ upasna ki siddhi ke liye bhagvan ke prati bhakti atyadhik prem ke sath honi avashyak hai. aisi mamta, aisa anurag ya prem bhagvan ke prati ho ki apni sab mamta har jagah se nikalakar param pita parmatma prabhu ke padarvindo men hi kendrit ho jaye, anurakt ho jaye. ramchrit manas men bhi yahi bat kahi gai hai. janni janak bandhu sut dara. tanu dhanu bhavan suhrid parivara॥ sabkai mamta tag batori. mam pad manhin bandh bari dori. samdrsi ichcha kachu nahin. harash sok bhay nahin man mahin. as sajjan mam ur bas kaise. lobhi hriday basai dhanu jaise॥ uparyukt chaupaiyan vibhishan sharnagti ke prasang men sundar kand ke dohe kramank 47 se 48 ke madhyase avtrit hain. bhagvan ram aur vibhishan ke madhya batchit ka ansh hain ye chaupaiyan. aur bhi kaha gaya hai- tulsi das ki ramayan men- milhin n raghupti binu anuraga. kie jog tap gyan viraga॥ bhakt shiromni sant mirabai ke shabdon men bhi is bat ki pushti hoti hai ki bhagvan prem ke dvara prapt hote hain (pad hai - mai ri main to liyo govind mol. ....) ''koi kahai ghar men, koi kahai ban men, radha ke sang kilol. mira ke prabhu giradhar nagar, avat prem ke mol॥'' bhagavad prapti ke nimitt bina prem ke yadi chanchal man ko jabaran ishvar men lagaya jayega to man vahan adhik der tik nahin payega.
chanchal man ko prabhu ke charnon men lagane ke liye do pramukh upay hain :
(1) abhyas va
(2) vairagya. abhyas ke dvara man ko bhagvan se prem karne ki adat par jati hai aur bhagvan men man tikne lagta hai. vairagya se chitta-vibhram ki nivritti hone lagti hai.
sansar se virakti aur bhagvan se anurakti utpann hoti hai. hoi bibeku moh bhram bhaga. tab raghunath-charan anuraga॥ sadaiv, sarvatra yani sab jagah bhagavaddarshan karne ki lalak apne ko param dainya, ayogya evan sabka sevak samjhna yah parmochch koti ki upasna hai. aisa karne se bhagvan prasann hokar bhakt aradhak, upasak ya jatak ko sada sarvatra sabhi sukh-dukhadi paristhitiyon men apna darshan karane lagte hain. ishvar aur prem ko ''raskhan'' kavi ne ek vastu ke do rup mana hai- prem hari kau rup hai, tyaun hari prem svarup. ek hoy dvai yon lasain, jyon suraj aru dhup॥
vibhinn upaskon, bhagavat premiyon aur bhakton ki ishvar prapti ki rochak kathayen dharma-sahitya men parhnen ko hamen prapt hoti hain aur tatsanbandhi katha vartaon ko log jante bhi hain. unmen se ek muslim mahila taj ka nam bhi ata hai jise bhagavad prem ne islam ki rah se morakar nandnandan ki divani, krishn panth ki fakirni bana diya. muglani taj ke hriday ke bhakti bhav, krishn prapti ki jhalak uske is kavitt se svatah spasht ho jati hai. sunak diljani, mere dil ki kahani, tum dast hi bikani badnami bhi sahungi main. dev puja thani aur namaj bhi bhulani taje kamla kuran, sare gunni gahungi main. sanvla salauna sirtaj sir kulledar tere neh dadh men nidagh jyon dahungi main॥ nand ke kumar kurban teri surat pai. haun ton muglani hinduvani hai rahungi main॥ is kavitt rupi pyale men bhagavat prapti vishayak muglani taj ki prem bhakti ki hi madira labalab bhari hui hai. sar yah hai ki shraddha bhakti aur prem ke dvara bhagavat prapti ho sakti hai. kisi bhagavat rasik bhakt ki hriday ki dharna is tarah se hai- nahin hindu, nahin turak ham, nahin jaini, angrej. suman sanvarat rahat nit, kunj bihari sej॥
''ishvar ke nam aur bhajan ke bhav anant hain, unmen se jis manushya ko jo nam aur bhav pasand hai, vah usi se usko pukarta tatha uska dhyan karta hai aur usi se ishvar ko pata hai.'' milhin n raghupti binu anuraga. kie jog tap gyan viraga॥ tulsi das ji ki in anubhuti ki pushti mirabai ne bhi ki yah kahakar ki bhagvan prem se prapt hote hain.