bhagavat kripa ke srot vishvanath prasad ''soni'' bhagavat kripa prapti ke anek marg batae gae hain jabki bhagavat prapti, bhakti se ishvar ki kripa aur unke anugrah se sukh anand ki prapti hai. aie janen, is lekh ke dvara ki yah sab kaise prapt kiya jay. bhagavat prapti, bhakti se ishvar ki kripa aur unke anugrah se sukh anand ki prapti adi kal se manav jivan ka lakshya raha hai. adhunik parivesh men ise janne ke kram men, ek akriti mastishk men ati hai. vishal kalima kshetra ke bhal par manmohak shyam ki chavi. akash ki or dekha jaye to vah paridhi rahit kalima, nila byom dikhta hai. kabhi isi anant antriksh men bhayanakatam visfot hua aur pindon ke rup men, jo avshesh ghurnan se bikhar gaye, ve jyotipunjon ke sath, aj bhi tare, grah nakshatron ke rup men upasthit hain. prithvi ke jar chetan, saurmandal, nakshatramandal, ''yah sab kuch'' isi anthin paridhi ke kshetra men hai.
us anant kalima tatha uske tejamay bindu ko jo sabhi brahmand pindon ka utpatti srot tha, rinatmak aur dhanatmak ayam jana ja sakta hai. kalima jo samast dravya ki mata svarupa kali man hain aur tej svarup, utsarjanakarta ishvar, shrikrishn shri hari samjhe ja sakte hain. devi bhagavat ke adhyay 51 men kaha gaya hai ki krishn ya kalima hi tinon kal-bhut, vartaman aur bhavishya ki urja ke srot hain evan yah kalpridhi se pare, agm-nigam ke gyata hain tatha krishn adhishthata dev hain. pratyek dvapar yug men inka avtar, svarup, samadarshita evan karm samanvay ke liye hota raha hai. matritva svarupa evan gyanadhikari dev hain ye ishvar. unhin kali man tatha shyam krishn se sabhi sanchalit rahte hain. nakshatra gan, surya, prithvi evan samast grah, inke prabhav kshetra men hain. surya apne grahon evan prithvi ke sath isi anant men chalayman hai. saur mandal ke sthiti-parivartan se prithvi ke jar-chetan parivartan pate hain aur jan-jivan isi ke adhin ho jate hain. prithvi par isi ke anurup svabhav, rujhan, karm aur bhog banta hai.
aisi paristhiti men manushya sukh-anand ki prapti hetu kahan jaye, kya kare? bhagavat prapti ka prashn, vastav men samyik aur ati mahattvapurn hai. isi sandarbh men prakash, tej aur unse niklne vali urja par dhyan dene se spasht hota hai ki kya bina inke urja-prakash ke, yah jagat jivit rah payega? adikal se santpurushon, rishi-manishiyon ne surya ke alava anya grahon, nakshatron ki rashmiyon ke urja sroton par gahan adhyayan kiya aur unke prabhav ko prithvi par parilakshit hote anubhav kiya. sattais (27) nakshatron, nau grahon ke jyoti punjon ka prabhav vishleshit kiya aur inhen ishvariya jyoti 'jyotish' ki sangya di. ishvar ne svayan apni akriti nahin banai balki manushya ne apne anurup unki akriti ke svarup ka gyan kiya. jaisa brahmand hai, vaisa hi har pind hai. manushya ki atma ke avaran, is kaya, is bhautik sharir ko us ishvar ne apne hi svarup men, brahmand ke har urja srot ko apna hi svarup diya. sat rangon ke utsarjan ke karan manav ne surya ko manav akriti dete huye sat ghoron ke rath par arurh kiya aur unki urja rashmi ko prapt karne hetu unki aradhna ka marg prashast kiya.
aise hi sabhi grahon ke devta nirdharit huye. surya ke nikatatam grah budh, jise bauddhik gyan ke prakash ka srot jana gaya, sarvapratham pujya banakar gyan ke gannayak ke rup men puja gaya. anya grahon ke gun avyvon par adharit svarup evan aradhna ke sanbandh men bahut kuch adi granthon men vivechit kiya. urja ke vibhinn ayam hote hain. kisi urja men buddhi vikas ka gun hai to kisi men pratiraksha paurush ka adhipatya. koi tej deta hai to koi shanti aur koi ashanti. har manushya ke janmakal men in urja sroton ka ek sammishran hota hai. janmakundli men darshit grah sthiti usi ki rup rekha v manchitra hai. jivan paryant vah iske adhin rahta hai. aisi sthiti men bhagavat kripa se anand prapti ka mul kya ho sakta hai? iske jar men adhyatm hai arthat atma men parmatma ke vishesh ansh ka darshan. brahmand, jo anant v asim hai, use atindriyavad (metafijiksa) dvara samjha ja sakta hai. iske liye gyanmarg, karmamarg, yogmarg aur bhaktimarg ka sandhan karna hota hai jo atyant duruh hai. grah-nakshatron ke srijanakartta se kripa pana durlabh hai.
fir bhi manishiyon ne jo marg bataye hain uska anusaran hi bhagavat prapti men sahayak hai. ek balak se pucha gaya ki parh-likhakar kya banna hai, uttar tha dhan, sanpatti, vaibhav prapt karne ka lakshya. fir prashn tha ki uske bad kya hoga, uttar tha anand prapt karenge. arthat anand hi age ka lakshya hai, to fir lakshya parmanand yani param anand ki prapti hi banta hai. ant men sabhi manushya bhagavat kripa par nirbhar ho jate hain. ishvar ke tisre netra ka arth gyan chakshu hai jo khul jane par anand ki sima prapt hoti hai. shrikrishn ko gyanadhikari isi paryay se kaha gaya ki dvapar yug men ved puranadi sabhi ka sar unhonne gita rupi amrit men diya hai- ''ye yatha man prapadyante tanstathaiv bhajamyaham. mam vartmanuvartante manushyaah parth sarvashah॥'' (a. 4-11) shri krishn ki yah ukti gita men hai jiska arth hai ki jo manushya jis vidhi vidhan se ''hamari'' bhakti pujan karte hain ''main'' bhi use usi prakar bhajta hun kyonki sabhi mere dvara pradatt path ka anusaran karte hue avtrit hote hain. anantavyom ke asimit grah nakshatron ke path se ane vali vahi param atma sharir dharan karne vale manushyon men achcha-bura, shubh-ashubh sabka data hai.
lekin har vyakti men mastishk sarvopri hai aur gyan ka upyog sada se unnatikarak raha hai. tathapi manushya ka prabhu sada-sarvada uske sath hai, sirf us par har kshan manan aur dhyan ki avashyakta hai. sattais nakshatra aur nau grahon ke svami ka nirdharan karne ke pashchat manishiyon ne apne apne isht ki pahchan jatai. manav jivan dharti par unhin urja sroton ke sammishran se aya hai. fir bhi kuch ek urja rashmi uske anukul hoti hain aur kuch us jatak ke liye ashubh evan pratikul hoti hain. atma ka utsarjan parmatma ke ansh ka hi rup hai aur jo sharir dikhta hai usmen shubh-ashubh vahi hain. atah ashubhta ko shubhta men badlne hetu grah nakshatron ki urja rashmiyon ka santulan karna hota hai. bhagvan shabd ke char aksharon ko is prakar vishleshit kiya gaya hai, ''bha'' bhumi (yah dhir, ganbhir jaratva ka pratik hai) ''ga'' gaman arthat utsuk, khula hua v vishal soch, ''va'' ka arth vayu- arthat chanchal v gatishil tatha ''a'' se agni se shaman shakti evam jvala se ashubhta ki, ''na'' nir evanm shital pravah yukt sarovar. bhagvan ya ishvar manushya ko apne se ya prakriti se jurne ki prerna dete hain.
bhagavat kripa pane ka yah pratham sandesh hai. anant paridhi vale parmatma se anshmatra atma ka jab prithvi par uday hota hai aur jivatma bhautik sharir pata hai, tab usmen nakshatra-grahon ka pradurbhav nishchit rahta hai. ismen janma-janmantar ka karm prarabdh ke rup men bhi jura rahta hai. use vidhata ne avtrit kiya, mata-pita evan purvaj se jat-pat, gotra ka nirdharan hua. ye sabhi to pujya hain hi, to fir ''srot'' kahan chut raha hai. yahi srot sarva srishti ka praneta hai, ishvar hai. man bhagvti ke arti gan men kaha jata hai ki ''koti ratan jyoti'' ap men virajman hain. arthat asankhay ratnon ke saman jyoti sada apke kshetra men, tare nakshatra grahon ke rup men sthit hai. unki urja shakti ki kripa, bhakt ko prapt ho. shri durga chalisa men isi anant vyom ka ''nirakar hai jyoti tumhari, tihun lok faili ujiyari'' rup men bakhan hai. isse yahi bhav spasht hota hai ki nirakar matrishakti ki paridhi men jo shakti, urja ke srot hain ve hi anant akash men vidyaman hai unki kripa drishti yachak par ho. isi ishvar ke do ayam hain, karm ka vishal kshetra aur gyan ka chakshu.
apne buddhi vivek se ise jahan tak samjhne ka prayas kiya, vah anthin kalima men sada bhal par krishn rup men udit dikhe. is shyam kalima yukt chadar ko yugon-yugon se mahan atmaon ke dharkon ne jana. svami vivekanand ne ise ''shunya'' svarup jana aur apne vyakhyan se, shikago men vishva ko chakit kar diya. ramkrishn parmhans usi kali man ka gyanadhikari ke sandhan se shayad sakshatkar karke, nam amar kar gaye. bal hriday bahut nishchal hota hai, balika mira ne unhen hriday men dharan kiya usi sakshat krishn vigrah men sama gayi. usi anant bhagvan se sab kuch aya hai aur usi men samahit hone ki kamna prabhu bhakti, bhagavat bhakti hai. jaise vivahit putri ko uske mata-pita kadapi nahin chahte hain ki apne pas rakhen. vaise hi ishvar moksh dekar apni sharan men hamen nahin bulate. us prabhu ka sandesh prayah sabhi adi granthon men hai. jar-chetan unke shishu hain aur vahi sabon ka svami hai. sada se rishi-maharshiyon ne bhagavat prapti ke liye prayatn kiye aur virle hi is gati ko prapt kar paye. unka sandesh to is jagat rupi fulvari ko gyan-buddhi-vivek se susajjit karna hai.
prabhu ne hi maya rupi tattva ka manushya men ropan kiya hai, faltah moh ka kshay nahin hota aur moksh sanbhav nahin hota. aisi paristhiti men gyan rupi shyam, kali man ka ashish prapt karke aur vivek dvara jivan ki akarmanyata ko shubh karmon men badlne hetu ishvariya jyoti dvara pradatt isht ki aradhna ke path men prerit karte hain. yahi shreshthatam anugrah hai. sattais nakshatra aur nau grahon ke svami ka nirdharan karne ke pashchat manishiyon ne apne apne isht ki pahchan jatai. manav jivan dharti par unhin urja sroton ke sammishran se aya hai. fir bhi kuch ek urja rashmi uske anukul hoti hain aur kuch us jatak ke liye ashubh evan pratikul hoti hain. atma ka utsarjan parmatma ke ansh ka hi rup hai aur jo sharir dikhta hai usmen shubh-ashubh vahi hain. parmeshvar ne manushya ko apni shreshthatam kriti rup men avtrit kiya. ise vishesh gyan dekar, andhkar se prakash ki or jane ka marg bataya. bhautik vigyan ke alava atindriya vigyan bhi yahi pramanit karta hai ki srishti ka pratham sopan, pashan tha parmeshvar ne manushya ko apni shreshthatam kriti ke rup men avtrit kiya.
ise vishesh gyan dekar, andhkar se prakash ki or jane ka marg bataya. bhautik vigyan ke alava atindriya vigyan bhi yahi pramanit karta hai ki srishti ka pratham sopan, pashan tha, tatpashchat paryavaran ke per-paudhe adi, fir jalachar, nabhachar, pashu, pakshi, taduprant manav ka pradurbhav hua, aur aj ham viksit manushya hai. adi purvajon ke prati abhar ke sandarbh men shiv, kalyan ke karak hain. paryavaran is jivan ka adhar hai, evan pashu-pakshi manav ke sahayak hai. dev tulya rishi-maharshiyon ne gyan ke sagar adi-granthon ki rachna ki aur in sabon par vistrit vivechnayen di. yahi sab adi srot hain. ant men yahi kaha ja sakta hai. ki sansarik jivan men rahte huye bhagavat kripa pane hetu vartaman janmadata evan purvajon ke atirikt jagat nirmata rupi adi ki aradhna v mann-chintan hi, manav jivan ka paramalakshya banta hai. vishva men sarvamanya shri gita ke amrit-sagar ke manthan men yah paya gaya- tatra tan buddhi sanyogan labhte paurva dehikam. yatte ch tato bhuyah sansiddho kurunandana॥ (a. 6-43) bhavarth is prakar hai- yah jivatma purva ke bhautik karyon men sangrahit kiye hue gyan-buddhi evan sanskaron ke sath punah sharir prapt karta hai. vah in sab gunon ke prabhav se baranbar parmeshvar ki kripa prapti ka pahle se bhi barhakar prayatn karta hai aur yahi nirantar agrasar hone ka marg prashast karta hai.