vastu shastra ka mahatva evan upyogita pan. jayaprakadga sharma (lal dhage vale) hamari prakriti men anant shaktiyan hain, jisse srishti, vikas aur pralay ki prakriya chalti rahti hai. vastu shastra men panch mahabhuton ke sath prakriti ki tin shaktiyon par vichar kiya jata hai.
gurutva shakti : prithvi men akarshan shakti hai jise gurutvakarshan bal kaha jata hai. akash men sthit chijon ko apni or khinchne ke prithvi ke gun ko gurutvakarshan shakti kahte hain. jo vastu jitni bhari hogi, prithvi use utni hi teji se apni or khinchti hai. jo vastu halki hogi use prithvi par ane men samay lagega. prithvi ki isi gurutva shakti ko dhyan men rakhakar yah nirdharit kiya jata hai ki amuk bhumi kis prakar ke nirman ke lie upyukt hai. jahan mitti thos ho vahan bhumi ki gurutva shakti se bhavnon ko sthayitva milta hai. jahan mitti naram ho ya ret ka tila ho vahan ke bhavan sthayi nahin hote.
chumbakiya shakti : hamara pura brahmand, usmen sthit grah, nakshatra evan tare ek dusre se chumbakiya tarangon se jure hue hain. inhin chumbakiya tarangon ke karan hi sabhi grah, nakshatra v prithvi adi ek nishchit duri par rahte hue brahmand men gatishil hain. chumbak ke do dhurav hote hain, uttari dhruv aur dakshini dhurav. chumbak ke akarshan aur vikarshan se hi pura brahmand gatishil hai. hamara sharir bhi in chumbakiya tarangon se prabhavit hota hai. hamara sir uttari dhruv aur pair dakshini dhurav hain. isi vaigyanik adhar ke karan vyakti ko sote samay dakshin ki or sir karke sone ke lie kaha jata hai, taki chumbakiya tarangon ke pravah men rukavat n ae aur vyakti ko nind achchi ae.
saur urja : prithvi ko milne vali urja ka mukhay srot surya hai. surya hamen prakash aur urja dekar hamare jivan ko gatishil banata hai. surya ki kirnen har samay prithvi ke kisi n kisi bhag par par rahi hoti hain. surya ki kirnen prithvi ke kis bhag par kis kon se par rahi hain, usi ke anusar unhen tin vargon men banta jata hai. subah ke samay parne vali kirnon ko para baingni kirnen, dopahar ko parne vali kirnon ko varnakram prakar tatha sayankal ko parne vali kirnon ko raktabh kirnen kahte hain pratahkal surya ki kirnon men garmi kam hoti hai.is samay surya ki kirnon se hamen vitamin di prapt hota hai.
vatavaran men maujud vishanuon ko nasht karne ki takat bhi parabaingni kirnon men hoti hai. jaise-jaise surya ki kirnon men lalima ati hai ve ashniya ho jati hain. isi vaigyanik adhar ke karan purva ko adhik khula rakhne ke lie kaha jata hai taki surya ki kirnen subah ke samay bhavan ke vatavaran ko vishanuon se rahit karke jivan ke lie labh dayi urja aur ushma de saken.
surya ki raktabh kirnon se bachne ke lie hi pashchim men kam khirkiyan rakhi jati hain aur bare vriksh bhi pashchim men hi lagae jate hain. panchmhabhut se nirmit sharir ko sukhamay aur svasthya rakhne ke lie jis bhavan ka nirman kiya jata hai yadi us bhavan men bhi agni, bhumi, jal, vayu aur akash tatvon ka sahi tal mel rakha jae to vahan rahne vale prani sharirik, mansik v bhautik rup se sanpann rahenge. jis prakar sharir men in tatvon ki adhikta ya kami hone se vyakti rogi ho jata hai usi prakar bhavan men in tatvon ki kami ya adhikta hone se vahan ka vatavaran kashtamay ho jata hai.
prithvi : prithvi ke bina avas aur jivan ki kalpana bhi nahin ki ja sakti. prithvi gurutva shakti aur chumbakiya shakti ka kendra hai. inhin shaktiyon ke karan prithvi apne dharatal par banne vale bhavnon ko sudrirh adhar deti hai. vastu shastra men bhavan nirman ke lie bhumi ki pariksha, mitti ki gunavatta, bhumi ki dhalan, bhukhand ka akar, prakar, bhumi se niklne vali vastuon ka shubhashubh vichar, bhumi tak pahunchne ke marg v vedh adi ka vichar kiya jata hai.
jal : prithvi ke bad jal ka nanbar ata hai kyonki jal hi hamare jivan ka adhar hai. adhikatar bastiyan samudra, nadi evan jhil ke kinaron par basi hain. shuddh jal ke kai satvik gun hain. jal ki adhikta hone se barh a jati hai aur kami hone se sukha par jata hai. vast shastra men jal ki upalabdhata sunishchit karne ke lie nal, boring, kuan, bhumigat tanki, bhavan ke upar ki tanki, septik taink, sivej, nali, farsh ki dhalan adi ka vichar kiya jata hai.
agni : agni ka pramukh srot surya hai, jiski garmi, tej aur prakash se pura vishva v brahmand chalayman hai. surya ki sapekshata se prithvi par din aur rat bante hain. rituen parivartit hoti hain. jalvayu men parivartan ate hain. vastushastra men bhavan ke andar agni tatva ke uchit tal-mel ke lie baramda, khirkiyan, darvaje, bijli ke mitar, rasoi men agni jalane ke sthan adi ka vichar kiya jata hai.
vayu : jis prakar hamare sharir men vayu sharir ka sanchalan karti hai usi prakar bhavan men vayu svasth vatavaran ka sanchalan karti hai. manav ke sharirik evan mansik santulan ko banae rakhne ke lie bhavan men khuli jagah, baramde, chat ki unchai, dvar, khirkiyan v per paudhon ka vichar kiya jata hai.
akash : akash anant hai. isse shabd ki utpatti hoti hai. akash men sthit urja ki tivrata, prakash, laukik kirnon, vidyut chumbakiya tarangen tatha gurutvakarshan shakti, prithvi tatha anya grahon par bhinna-bhinn payi jati hai. vastu shastra men akash tatva ko mahatva dene ke lie brahm sthan khula rakhne ko kaha jata hai. chat ki unchai, baramda, khirki aur darvajon ka vichar karke bhavan men akash tatva ko sunishchit kiya jata hai.
bhumi, jal, agni, vayu aur akash in panch tatvon ke uchit talmel se bhavan ke vatavaran ko sukhamay banaya ja sakta hai. pratyek vyakti dharm, arth, kam aur moksh chahta hai. sharir ko chalane ke lie arth, buddhi ko nirmal rakhne ke lie dharm, man ko khush rakhne ke lie kam tatha atma ko moksh chahie. panchatatvon ka sahi prayog kar unhen apne lie sukhamay banaya ja sakta hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!