tirth guru pushkar ka mahatmya hemant kumar kasat gat pita brahma ji ki taposthali tirtharaj pushkar men aisi alaukik shaktiyan vidyaman hain, jahan shubh samay evan grah yog men ja kar, saral upay apna kar, vivah, putra santan gyan, yash dhan ke sukh prapt kar ke, apna jivan sukhamay bana sakte hain. brihaspati grah ko bhartiya jyotish shastron men prabal shubhkarak grah mana gaya hai aur uparyukt kathan nirvivad satya bhi hai. tirth guru pushkar raj puranon ke anusar svayan guru pad se sushobhit hai.
yahi karan hai ki guru grah se doshit evan prabhavit vyakti, tirth guru pushkar evan jagat pita brahma ji ka ashirvad prapt kar, guru sanbandhi doshon se mukti pa kar, apna jivan sukhamay bana sakta hai. vartaman samay men 30 julai tak guru grah apne uchch rashi men sancharan kar rahe the. islie 30 julai ke purva shubh din som, budh, guru, shukra men ja kar apni ichchit manokamnaon ki purti ke lie jinhonne prarthana ki, unhen shighra hi sufal mila. prakritik drishti se bhi yadi pushkar ko dekhenge, to kadm-kadam par pipal ke vriksh najar aenge. guru dosh shaman hetu pipal ki puja ka vidhan jyotishiyon dvara bataya jata hai. anek pipal ke vriksh bhi guru bhumi hone ka praman svayan de rahe hain.
pauranik kathanusar bhi jab brahma ji dvara agnishthom yagya kiya ja raha tha, us samay, som ras pan hetu, savitri ji ko yagya men bulvaya. parantu grih karya men vyast hone se kuch samay tak vah nahin ayi. isse brahma ji ne indra dev ko adesh de kar kaha : kisi kanya ko khoj kar lao. indra dev viman par baith kar shighra hi kanya ko le aye. brahma ji ne, gayatri devi ke hath se som ras pan kar, dusra vivah kar liya. bhakt bhi saral upayon se tirth guru pushkar evan brahma ji ka ashirvad prapt kar sakte hain. indra dev, jo brihaspati dev ke pujya dev hain, vah unko adesh de kar manorath siddh karenge. pushkar men kriya sanpadit karne ki vidhi is prakar hai :
ghar se jate samay uni asan, keshar ki dibiya, haldi ki ganthen, haldi mala, pit vastra, besan ke laddu, pile chaval sath le kar jaen. surya uday ke purva, pushkar sarovar men snan kar, pile vastra dharan karen evan dhup, dip, pushp se puja karen tatha haldi, pile chaval, laddu ka bhog lagaen. tatpashchat brahma ji ke mandir jaen.
keshar ki dibbi se keshar ka bhog lagaen evan dibbi vapas prapt karen. ab uttaramukhi ho kar, vahan baith kar, mantra ''kk bri brihaspataye namah'' mantra ka jap karen tatha fir ghar a kar ukt mantra lagatar, 43 dinon tak, 20900 ki sankhya men, jap kar purn karen. nitya ek keshar ki patti ka pan karen. 7 haldi ki ganthen apne puja sthal par sthapit karen. pipal ke 7 vriksh laga kar bara karen. is samay men purn satvik acharan ka palan karen.