shreshth var ki prapti hetu upay :
larki ke mata-pita adi kanya ke vivah ke liye suyogya var ki prapti ke nimitt prayasarat rahte hain aur kabhi-kabhi anek prayas karne par bhi var ki talash nahin kar pate. yadi kisi kanya ke vivah men kisi bhi karan se anavashyak vilanb ho raha ho, badhayen a rahi hon to kanya ko svayam 21 dinon tak nimn mantra ka pratidin 108 bar path karna chahiye aur path ke uprant isi mantra ke ant men ''svaha'' shabd lagakar 11 ahutiyan (shuddh ghi, shakkar mishrit dhup se) dena chahiye. yah dashansh havan kahlata hai. 108 bar path ka dasvan hissa yani 10.8 = 11 (gyarh) ahutiyan bhi pratidin dena hai, ikkis dinon tak. sirf sthan, samay aur asan nishchit hona chahiye. iska arth yah hai ki yadi koi kanya pratham din pratah kal 9.00 baje path karti hai to 21 dinon tak use pratidin 9.00 baje hi path aranbh karna chahiye. yadi pratham din ghar ki puja-sthali men baithakar path shuru kiya hai to pratidin vahin baithakar path karna chahiye. vaise hi pratham din jis asan par baithakar path aranbh kiya gaya ho, usi asan par baithakar 21 dinon tak path karna hai. sar yah hai ki mantra path ka samay, sthan aur asan badlna nahin hai aur n hi lakri ke patre par baithakar path karna hai n hi patthar ki shila par baithakar.
vidhi : apne samaksh durga ji ki murti ya unki tasbir rakhen. katyayni devi ka yantra murti ke samaksh lal reshmi kapre par sthapit karen. yantra aur murti ka samanya pujan roli, pushp, gandh, naivedya ityadi se karen. 5 agarabatti aur dhup dip jalayen aur mantra ka 108 bar path karen. path ke purva kuldevi ka smaran karna chahiye.
mantra :
katyayni mahamaye mahayoginyadhishvari. nandgop sutam devi patim me kurute namah॥
path samapt hone par isi mantra ko parhte huye ''namah'' ke sthan par 'namasvaha' ka uchcharan karte huye gyarah ahutiyan den.
purn shraddha aur vishvas ke sath is vidhi ka palan karne vali kanya ko durga devi suyogya var pradan karti hain.
suyogya patni ki prapti hetu upay
upay kramank 1 :
''man anusar chale jo, man ko harne vali,
aisi patni karo pradanam, lag rahe charanam, jaye durge namanam.''
yadi kisi avivahit yuvak ka kisi karanavash vivah n ho pa raha ho to shri durga ji ka dhyan karte huye vah ghi ka dipak jalakar kisi ekant sthan men snan shuddhi ke uprant nitya pratahkal uprokt panchpdi ka uchch svar men 108 bar path karen. jap karen to, jagatjanani mata durga ji ki kripa se suyogya patni ki prapti shighra ho jati hai.
upay kramank 2 : durga saptashati ki pustak me se nitya ''argala- stotra'' ka ek path (purn rup men) karne se sulakshana patni ki prapti sanbhav ho jati hai.
upay kramank 3 : yadi argala-stotra ka purn rup men path n kar saken to vivahechchuk yuvak ko argala stotra ke 24ven shlok ka mantra rup men 108 bar path ya jap karne se patni rupi grihalakshmi ki prapti sanbhav hoti hai.
upay kramank 1 se 3 tak ka koi bhi prayog krishn paksh ki ashtami ya chaturdashi tithi se aranbh kar vivah sanbandh sunishchit ho jane tak satat karte rahna chahiye. path ke samay shuddhata rakhni chahie. durgaji ki nitya samanya puja jal, pushp, fal, meva, mishthann, roli v kunkum ya lal chandan, gandh adi se karte rahna chahiye. saptah men kam se kam ek brahman v do kanyaon ko bhojan karna chahiye. pratidin path ke uprant kam se kam gyarah ahutiyan durgaji ke nam se deni chahiye. purn shraddha, vishvas aur bhakti bhavna ke sath is tarah ke vidhan ka palan karne se manokamna purn hoti hain. navdurga yantra ya durga bisa yantra ki sthapna path ke pratham din karni chahiye.
mantra upay kramank 3
patnin manorman dehi manovrittanu sarinim.
tarinindurgasan sarsagarasya kulodbhavam॥
upay kramank 4 :
s devi nityan paritapyamanastvamev sitetyabhibhashmanah .
dhritavrato rajsuto mahatma tavaiv labhay kritaprayatnah॥
yah shri balmiki ramayan k e sadun rakathan ke 36ven sarg ka 46 van shlok hai. vivah ki kamna lekar shri hanuman ji ka dhyan, pujan, vinay adi ke sath koi avivahit yuvak adi kisi bhi mah ke shukla paksh ke pratham manglvar se nitya pratah 108 bar path karen to udvah ya stri ki prapti hoti hai. path ke samay hanuman ji ke chitra ke samaksh ya murti ke samaksh uttarabhimukh ghrit-dip jalte rahna chahie. shri hanuman ji ko pratidin madhur falon ka bhog lagana chahie. manglvar ko sindur aur chameli ka tel chole ke rup men mandir men bhent karna chahie.
balmiki ramayan, ramchrit manas sundar kand, mulramayan ka samputit path uprokt shlok ka samput lagakar karne se bhi udvah ya stri ki prapti hoti hai.
upay kramank 5 :
yadi kisi avivahit yuvak ko vivah hone men baranbar badhaon ka samna karna par raha ho to aise yuvak ko chahiye ki vah nitya pratah snan kar sat anjli jalan ''vishvavsu'' gandharva ko arpit kare aur nimn mantra ka 108 bar man hi man jap kare. ise gupt rakhen. arthat kisi ko is bat ka abhas n hone paye ki vivah ke uddeshya se japanushthan kiya ja raha hai. sayankal men bhi ek mala jap mansik rup men kiya jay. aisa karne se ek mah men sundar, sushil aur susampann kanya se vivah nishchit ho sakta hai.
japniya mantra :
' ' un vishva vasurnamgan dharvo kanyanamdhiptiah.
surupan salankritan kanya dehi men namastasmai॥
vishvavsve svaha॥''
is prakar se vishvavsu namak gandharva ko sat anjli jal arpit karke uprokt mantra/vidya ka jap karne se ek mah ke andar alankaron se susajjit shreshth patni ki prapti hoti hai. kaha bhi gaya hai.
salannkara varan
paniyasyaanjalin sapt datva, vidyamiman japet.
salankaran varan kanyan, labhte mas matratah॥
yadi kisi avivahit yuvak ka kisi karanavash vivah n ho pa raha ho to shri durga ji ka dhyan karte huye vah ghi ka dipak jalakar kisi ekant sthan men snan shuddhi ke uprant nitya pratahkal panchpdi ka uchch svar men 108 bar path karen. jap karen to, jagatjanani mata durga ji ki kripa se suyogya patni ki prapti shighra ho jati hai.