bhagavad prapti ke saral upay navin rahuja yadyapi bhagavad prapti ka marg sugam aur saral hai parantu vah utna hi kathin bhi hai kyonki bhagavad prapti ke lie jis saral hridyta ki avashyakta hoti hai us nishchal sthiti ko prapt karna utna hi duruh aur kathin hai. pratyek vyakti ka saral ahankar bhav is marg ki sabse bari badha hai. ahankar ka parda uthte hi bhagavad darshan hone lagte hain. is lekh men bhagavad prapti ke saral upayon ka varnan diya gaya hai jo anusrniya hai. bhagavad prapti ka marg sugam hai, saral hai, parantu uske lie chahie ek drirh pratigya, drirh nishchay apne lakshya tak pahunchne ki. pratyek manushya jab yah jan gaya ki is dharti par janm lene ka mukhay uddeshya bhagavad prapti hi hai to kyon nahin aj se hi ham bhagavad prapti ke saral upayon ko apne jivan men apnaen taki shighratishighra ham bhagavad prapti ke marg ki taraf agrasar hokar apne manav jivan ko safal bana sake. bhagavad prapti ke saral upayon ka nitya jivan men palan karne se pratyek manav ke lie alp samay men hi bhagavad prapti sanbhav hai. anya uddeshya is uddeshya ke samne gaun hain.
jab yah bat man men nishchit rup se baith jaegi to jyon-jyon ham is lakshya ki or agrasar honge vaise-vaise ham paenge ki hamen ek ajib tarah ki masti aegi, ek ajib utsah, ek ajib tajgi aur ek ajib divya roshni ki prapti hogi jiski kalpana nahin keval anubhuti hi ki ja sakti hai. bhagavad prapti ke lie shighratishighra apni nich pravritti ko choren, apne krodhi svabhav ko, apne ghamandi charitra ko choren. ye baten bhagavad prapti ke marg men badhak hain. in pravrittiyon vala vyakti agar bhagavad prapti ki taraf unmukh hota bhi hai to ye dushpravrittiyan use piche ki taraf dhakel deti hain aur is prakar bhagavad prapti ke marg men vighn par jata hai aur sadhk/mnushya ko pata bhi nahin chalta ki is tarah ki pravrittiyon se hi uska patan ho raha hai.
atah in galat pravrittiyon ko shighratishighra tyag kar sachchi rah se, lalch-lobh se pare, dainik jivan ka nirvah karen, tab sanbhvtah bhagavad prapti saral evan sugam hogi. pratidin gita ke kuch ansh avashya parhen athva dusre logon se bhagavad gita gyan ki charcha bhi kar sakte hain. aisa karne se apke man ko asim shanti milegi evan ap men adhyatmik pravritti panpne lagegi. tab ap dekhenge ki bhagavad prapti ka marg aur bhi sugam aur sundar banta ja raha hai. sabhi samay v sabhi varg ke logon se hamesha vani men madhurta aur pyar se ot-prot vyavhar rakhen, kyonki yah bhagvan ko priya hain. jyon-jyon apki vani madhur hoti chali jaegi, tyon-tyon ap sugmta se bhagavad prapti ki taraf barhte jaenge kyonki vani men madhurta evan prani matra ke prati pyar ki vritti apnane se chitt parishkrit evan sharir sfurtidayak rahta hai, jisse bhagavad prapti ke karya men sugmta ati hai. duahkhi janon ko bhagvan ka svarup manen aur jitna ho sake, unki seva karen. is bat ka avashya dhyan rahe ki is karya men dikhava athva kisi prakar ka koi pradarshan nahin hona chahie. tan, man, dhan se aise din duahkhiyon ki seva karne se bhagavad prapti sugam hoti hai aur apar mansik shanti bhi prapt hoti hai. irshya, jalan, sadharan manushya men hona svabhavik hai, parantu jo sajjan bhagavad prapti ki taraf agrasar hona chahte hain, unhen to in pravrittiyon ka tyag karna parega. aisi pravrittiyan bhagavad-prapti ke marg men kainsar jaisi bimari ki tarah karya karti hain. atah in galat pravriittayon ka shighratishighra tyag karen. gusse ka tyag karna bhagavad prapti ke lie bahut jaruri hai.
agar apka gussa apke sath hai to bhagavad prapti ke rasten men badha utpann karega. atah andar ke gusse rupi rakshas ko nikal bahar karen, tab hamara hriday bhagavad prapti ki taraf agrasar hoga. varsh men kam se kam ek bar kisi bhi pavitra tirth sthan ki yatra/darshan karen. tab ap svayan anubhav karenge ki bhagavad prapti ka marg sugam ho raha hai tatha bhagvan ke prati apki ruchi barh rahi hai. sigret, sharab, bhang, ganja ityadi nashile padarthon ka shighratishighra tyag karen. keval shakahari bhojan hi karen, mansahari bhojan ka tyag karen kyonki yah bhagavad prapti ke marg men ek sabse bara patthar hai. apne jivan men kabhi bhi parai stri/purush se sanpark nahin banaen. apne sabhi karyon ko bhagvan ko samarpit karke hi sanpann karen. tab apka man bhagavad prapti ki taraf jyada agrasar hoga. atah dainik dinacharya ko, sabhi tarah ke karyon ko, bhagvan ka hi prasad manakar chalen. har avastha men sam bhav jaisi vritti bana paenge to nishchay hi bhagavad prapti ke lie apki vritti thik disha men agrasar hogi. in choti-choti evan saral baton ka manan karte hue agar koi vyakti bhagavad prapti ki taraf agrasar hoga to nishchit rup se use bhagavad- prapti ke marg men koi badha nahin aegi.