prakritik chikitsakaddh svasth rahne ke bhi prakriti ke kuch niyam v vidhan hain. prakritik chikitsa vigyan men jivan ko prakriti ke inhin niyamon ke anusar banane ka prayas kiya jata hai. kitna khana chahie, kitna pani pina chahie, kaise sans leni chahie, kitna v kaise vyayam karna chahie aur n keval sharir ki upri apitu uski andruni svachchata ke sath man, buddhi aur chiÿa ko kaise nirmal rakha jae adi sabhi prakritik niyam is pranali men sikhae jate hanai.
prakritik chikitsa utni hi purani hai jitni ki prakriti svayan ya uske mul tatva akash, vayu, agni, jal, prithvi adi. is prakar yah chikitsa pranali sabhi chikitsa pranaliyon ki janni hai. adi kal men koi aushdhi chikitsa nahin hoti thi. us samay fal, dudh, upvas adi dvara hi sharir ko svasth banaya jata tha.
prachin samay men prakritik jivan bitane ke karan log rogi kam hote the. tab ve upvas, sanyam adi karke thik ho jate the. age chalakar rogon se bachav ke lie hamare rishi muniyon ne jari butiyon aur panch tatvon ke gunon ki khoj ki aur unse aushdhiyon ka nirman kiya. is kram men ve prakriti se jure rahe aur uske niyamon ke anurup hone ke karan unki chikitsa pranali prakritik chikitsa pranali kahlai.
dhire-dhire ismen vikas hota gaya aur isi ke adhar par viksit chikitsa ki kai pranaliyan hamare samne hain. inmen ek pramukh pranali hai elopaithi. turant prabhav dalne ke iske gunon ke karan logon ka iski taraf teji se akarshan hua aur prakritik chikitsa pranali nepathya men chali gai. kintu aj logon ka rujhan punah prakritik chikitsa ki or barh raha hai. svasth rahne ke bhi prakriti ke kuch niyam v vidhan hain.
prakritik chikitsa vigyan men jivan ko prakriti ke inhin niyamon ke anusar banane ka prayas kiya jata hai. kitna khana chahie, kitna pani pina chahie, kaise sans leni chahie, kitna v kaise vyayam karna chahie aur n keval sharir ki upri apitu uski andruni svachchata ke sath man, buddhi aur chiÿa ko kaise nirmal rakha jae adi sabhi prakritik niyam is pranali men sikhae jate hanai.
sada svasth rahne ka sabse pahla niyam hai prakriti ke anurup jivan bitana. aprakritik jivan ki vajah se sharir men jahar ya mal jama ho jata hai, jo samast rogon ka mul karan hota hai. prakritik chikitsa men mitti, pani, dhup, hava ke madhyam se upchar kiya jata hai aur vaigyanik jal, mitti, surya kiran chikitsa, ahar chikitsa dvara sharir ka shodhan kiya jata hai.
is pranali men angon ko badla ya kata nahin jata. balki holistik hiling dvara kuch bimariyon ka ilaj is prakar kiya jata hai. jisse sharir puri tarah se thik ho jata hai. motapa motape ko adhunik jivnshaili ki den kaha jata hai. motapa svayan to ek rog hai hi, anya rogon ko bhi amantrit kar yah sharir ko anek rogon ka ghar bana deta hai. motapa kai karnon se hota hai, jinmen pramukh hainah-
1. sharirik shram ya vyayam se bachna.
2. garishth ahar, charbi barhane vale khadya padarthon ka atyadhik sevan karna.
3. alasyapurn tatha vilasita ka jivan bitana.
4. thairaeid granthi ka anuvanshik srav.
prakritik chiktsia men motape ka upchar:-
1. pahle tin din ka upvas- ras upchar arthat ninbu pani, gehun ke javare ke ras, ritu ke anusar falon ke ras, nariyal pani evan sabjiyon ke sup par rahen tatha ninbu ka enima len.
2. iske bad 1 din fal, sabjiyan evan daliya ek samay len.
3. fir dhire-dhire roti v hari sabji ke sath len.
4. mitti ki patti, sukhi malish, pet evan rirh ki thand, garg sek, bhap snan, kati snan tatha pet par lep. yog kriya pratham mah kunjal, shankh prakshalan evan badhi kriya ka abhyas mah men ek bar karna chahie.
iske sath hi pranayam, tarasan, katichakrasan, padahastasan, sarvangasan, halasan, bhujangasan, dhanurasan, pashchimottanasan, matsyasan, ardhamatsyendrasan tatha surya namaskar ka bhi niyamit abhyas karna chahie. 65 varshiya shrimti krishna batla aur 22 varshiya shivani das donon ne prakritik chikitsa ke dvara motape par ashcharyajanak rup se niyantran pa liya. krishna ka vajan 76 kilo tha jabki matra 22 varsh ki shivani 90 kilo bhar se pareshan thi.
upchar ke dauran mithai aur garishth chijon jaise haluva, puri, pakaure, samose, aisakrim, koka kola adi ka tyag karen. akash tatva se upchar vastav men khali sthan ka nam hi akash hai. akash tatva ke bina to grah-upagrah, saur mandal adi takra jaen aur chur-chur ho jaen. isi tarah akash tatva ke bina hamare sharir ke ang sucharu rup se kam n kar paen, aur rakt v vayu sanchar bhi n ho sake.
akash tatva ki prapti ke sadhan tatha nivaran mitahar: bhojan karte samay ek-chaithai bhag pet akash tatva ke lie khali rakhen taki vayu bhi sharir ke andr-bahar ja sake aur pak sthali ke sikurne tatha failne ki kshamata bhi bani rahe. ‘ati bhojanam rogmulam‘ (ati bhojan rog ki jar hai). ‘matrashi syat’ (parimit bhoji bano). kam vastra pahnen: tvacha men asankhya romkup (chote-chote chidra) hain.
ye romkup sharir ke lie jharokhe evan khirkiyan hain jo ki akash tatva se shakti grahan karne ke sadhan hain. vastra dhile, halke, patle v chidrayukt hone chahie, sinthetik kapre n hon. khule makanon men rahen: gandhi ji ne akash tatva ko arogya samrat ki sangya di thi. makan men atyadhik saman n ho.
makanon ke bahar rahen: khule akash ke niche adhik se adhik samay vyatit karen taki akash se sanpark bana rahe aur nirogi kaya tatha dirghayu prapt kar saken.
yaugik-kunbhak pranayam: iske abhyas se hamare sharir men akash tatva ki purti hoti hai jiske falasvarup nirogi kaya aur dirghayu ki prapti hoti hai. kunbhak ka nirantar abhyas karne se kundlini ki adhar shakti ka bodh hota hai aur vah jagrat hoti hai. isse sushumnanari kafadi doshon se rahit ho jati hai.
nidra: garhi nind se jivni shakti viksit hoti hai. yah shakti sare akash men vyapt hai. ‘‘sona ek prakar ka snan hai jisse manushya ka sharir aur dimag taja aur tar ho jata hai’’- sheksapiyar.
upvas: yah akash tatva prapt karne ka sarvoÿam sadhan hai. ‘‘rog ka saral, sasta, sarvashreshth, achuk, niahshulk upchar ya prakritik chikitsa ka sarvapratham upchar hai-upvas.’’ antrik safai ka sarvoÿam sadhan hai upvas.
upvas ki paribhasha: up (upar ya samip) $ vas (nivas karna). isse sharir v man donon ki shuddhi hoti hai. adhyatm ke kshetra men iska arth parmatma ke samip rahna hai. upvas ek upchar pranali hai jismen rogi avashyakta ke anusar kam ya adhik samay ke lie pani ya ninbu pani par rahta hai. bimari men jab upvas kiya jata hai, to use upcharatmak upvas kahte hain.
upvas nishedh: jin vyaktiyon ke sharir men kshati ho rahi ho ya vishesh ang jaise fefre, gurde, hriday tatha yakrit ka kshay ho raha ho, to lanba upvas nahin karna chahie. vayu v pranayam chikitsa panch mahatatvon men akash ke bad vayu ka hi sthan ata hai. upnishdon ke kathnanusar surya-chandra ast hone par vayu men lin ho jate hain, jal sukhne par vayu men lin ho jata hai, ag bujhne par vayu men lin ho jati hai.
isi prakar prithvi adi vayu men hi lin ho jate hain. bhojan ke bina kuch ghanton tak to ham jivit rah sakte hain, parantu vayu ke bina to thore se kshan bhi jivit rahna asanbhav hai. vayu ka mukhya karya rakt ki shuddhi karna hai. vayu chikitsa koi nai nahin hai iska varnan vedon men milta hai.
‘‘sau dava, ek hava’’ vali kahavat se koi inkar nahin kar sakta. rogon se bachne ke lie hamen bag-bagiche, nadi-jharne, khule maidan, samudra, unche pahar adi sthanon ki shuddh vayu ka sevan karna chahie.
vayu-sevan ke avashyak ang: nak, fefre, tvacha. vayu-sevan ki pramukh vidhiyan tatha rog nivarn: vayu sevan ki pramukh vidhiyan hain- vayu bhakshan tatha gahri lanbi-lanbi sans, bhraman (tahlna) evan bhraman pranayam, vayu-snan yaugik bandh pranayam, svar yog, sinhagarjan v hansna, sangit, dhyan, yog shankh bajana ityadi.
vayu-bhakshan tatha gahri lanbi sansah vayu-bhakshan men khare hokar ghutnon par hath rakhakar andar ki vayu bahar nikal dete hain. fir manuh ko kholakar vayu andar bhar lete hain. do-tin bar karke pet ko vayu se bhar lene par jab chahen bayin taraf ko dabane se bahar nikal sakte hain.
bhraman pranayam ki avashyaktaah bahar teji se tahlte hue gahri lanbi sansen lene se sanchit karbana-dai- aeksaid bahar nikal jata hai.
vayu snan: nange sir-pair v nange sharir athva yathasanbhav bahtu kam aur dhile chidrayukt kapre pahanakar khuli hava men letakar ya baithakar ya khare hokar ya tahalakar vayu sevan karne ko vayu-snan kahte hain.
pranayam ka artha: pran $ ayam = pranasya ayam arthat sans ki lanbai barhana. pranvayu ka niyaman (vistar) karna hi pranayam hai. bahar ki vayu ko sans dvara andar le jakar andar rokna aur andar ki vayu ko sans dvara bahar nikalakar bahar rokna hi pranayam hai. sans lene, rokne aur chorne ko pranayam ki bhasha men purak, kunbhak aur rechak kaha jata hai. pranayam ekant, shant, shuddh, svachch, durgandhhin, sukhe aur havadar sthan par hi karna chahie. pranayam ka sarvoÿam samay to suryoday se pahle ka hi hai, parantu khali pet suryast ke turant bad bhi prayog karen. piÿa (garmi ki adhikta) ko dur karne ke lie asmani, baingni v nile rang ka prayog.
surya tap se davai taiyar karne ki vidhi:- pani: jis rang ka pani taiyar karna ho, us rang ki botal ko achchi tarah dhokar, tin bhag svachch pani se bharakar aur tait lakri ka kark lagakar, dhup men rakh den. yadi botlen adhik hon, to dhyan rahe ki ek rang ki botal ki chaya dusri par n pare. har rat ko botlon ko uthakar aisi jagah rakhen, jo chand-taron ya kritrim prakash se dur ho. yah pani tin din tak kam a sakta hai. frij ya barf men botal ka pani thanda n karen.
khand ya dudh ki khand: yatra ya varsha men surya-tapt rangin pani ki asuvidha hone par khand men davai taiyar ki jati hai. jis rang ki khand adi taiyar karni ho, us rang ki botal ko adha bhag bharakar ritu ke anusar 20-40 din dhup men rakhen aur rat ko utha len. har pratah botal ko bahar se ponchakar aur hilakar dhup men rakhen. ek mahine men dava taiyar ho jane par istemal karen. parantu fir bhi ise chah mahine tak nitya dhup men rakhte rahen, isse yah jyada gunkari hoti hai.
tel: sharir par bahya prayog ke lie nile rang ki botal men sarson ya nariyal ka tel thandak pahunchane ke lie aur lal rang ki botal men alsi ya til ka tel garmi pahunchane ke lie rakha jata hai. iska bhi ritu ke anusar 25-50 din men taiyar ho jane par istemal karen, aur nitya dhup men hilakar chah mahine tak rakhte rahen.
glisrin: nile rang ki botal men glisrin ko ek mahine tak dhup men rakhne se dava taiyar ho jati hai. taiyar ho jane par istemal shuru kar den aur bachi dava ko chah mahine tak hilakar dhup men rakhte rahen isse uske gun men vriddhi hoti hai. yah dava gala pakne aur munh fulne par masuron par lagai jati hai.
vibhinn rogon ke lie alag alag rangon ka ilaj:-
1. adhik garmi v tej jvar se mukti ke lie nila rang.
2. anidra - nila rang
3. lu lag jane men - nila rang
4. maleriya jvar men - nile rang ki botal ka pani v tel
5. tanav evan avsad - nila rang
6. adhik sardi lagne men garm narangi rang
7. lyukoriya - narangi aur hara rang
8. dama-narangi
9. pet dard men - narangi rang
10. rat ko bachchon ke peshab niklne par - narangi rang
11. striyon ko ritusrav ke samay dard hona ya kam ana - narangi rang v lal tel ki malish
12. lakva -lal tel ki malish
13. rakta-vikar se mukti ke lie-hare rang ka pani
14. jirn kabj - hare rang ka pani
15. bavasir - hare rang ka pani
16. flu - hare rang ka pani v nile tel se garmapad snan
17. kanpere - hare rang ka pani v safed pani
18. piliya - hare rang ka pani
surya-snan se safed dag ka upchar: akhil bhartiya prakritik chikitsak sangh ke sachiv dae. punam chandra agraval ne bainglor men 944 rogiyon ke 50 fisdi se jyada logon ko thik karne ka dava kiya hai. dae. agraval ke anusar pirit rogi ko dopahar 11 baje se 1 baje ke bich 15 minat se 45 minat tak kamal ke paÿo lapetakar pure sharir par prakash dena chahie. fir thande pani ka kati snan 17 digri sanetigred ke tapman par din men do bar adha-adha ghante tak sahanashakti ke anusar karaya jae.
keval 5 minat ke lie 21 digri sanetigred par rirh-snan din men ek bar kara diya jae to rogi 15-20 din men thik hone lagta hai. jal chikitsa jal pran-raksha ke lie prasiddh panch tatvon men se ek hai. yah jivan ke lie utna hi avashyak hai jitni shvas lene ke lie vayu. hamare sharir ke vajan ke 100 bhagon men 70 bhag keval jal hai.
maharshi saynacharya ke anusar lohe ke kuthar ko agni men garam karke pani men bujha kar usse shit jvar ke rogi ka sinchan kiya jana chahie. jal kisi vastu ke sanpark men ane par apni garmi ya thandak use bari shighrata se de sakta hai aur uski garmi ya thandak le sakta hai. jal taral hone ke karan chikitsa vidhiyon men asani se kam a sakta hai.
jal snan ki kai vidhiyan hain jinmen se kuch pramukh vidhiyon ka ullekh yahan kiya ja raha hai. kati snan ki kriya-pratikriya tivra rogon men yah snan jaldi-jaldi aur kai bar tatha jirn rogon men 1-2 chibiar hi karana chahie. kati snan se lagabhag sabhi rogon men labh milta hai kyonki prayah sabhi rog pedu ki barhi hui garmi ko kam karte hanai tatha kati pradesh men rakt sanchalan ki kriya ko tej karte hanai.
daektar lui kune ka kahna hai ki dushit dravya pahle pedu men sanchit hokar tab charon taraf failta hai. kati snan karte samay pedu ko ragra jata hai to usse vahan ki manspeshiyan balvan ho jati hain, jisse anton men bhara aur chipka mal khisak kar bahar ho jata hai.
pedu men snan ki thandak pahunchne se vahan ki snayu peshiyan kuch sikurti hain. bad men unmen nae rakt ke a jane se ve itni balvan aur satej ho uthti hain ki anton men mal deri tak tikne nahin pata. anton ki dasha kitni hi kharab kyon n ho, unmen sanchit mal kitna hi kara kyon n par gaya ho, kuch dinon tak donon vakt kati snan karne se nishchay hi roj do bar tatti hone lagti hai.
labh: kati snan pet ko saf karne ke sath-sath yakrit, tilli evan antriyon ke ras srav ko bhi barhata hai jisse rogi ki pachan shakti men asadharan vriddhi ho jati hai.
garm kati snan: is snan ke lie pani 100-104 digri (fa.) par garm arthat sharir ke tapman se kuch adhik sahne yogya hona chahie. yah snan karne se purva thanda pani pi lena chahie aur sir bhigokar kar sir par ek bhiga kapra rakh lena chahie. garm kati snan 5 se 10 minat tak karna chahie. yadi keval garm kati snan hi karna ho to ant karte samay aur uske bad thande jal se snan karna chahie.
garm thanda kati snan: ismen do tabon men pani rakhna chahie- ek men sadharan thanda pani tatha ek men sharir ki garmi se kuch adhik (104 digri fa.). snan karne se pahle ek gilas pani pi lena chahie. sir par bhige kapre ki patti rakhen aur panch minat garm pani men baithen. uske turant bad thande pani ke tab men tin minat baithen aur taulie se pedu ko halka-halka ragre.
uske bad turant garm pani ke tab men baithen, parantu baithne ke purva garm pani tab men dal den taki pani ki garmi pahle jaisi bani rahe. is prakar garm pani ke tab men tisri bar baithakar snan ka ant kar den. uske bad thande pani se snan kar len. pratyek garm snan, garm se praranbh kar thande se hi samapt kiya jae.
gharshan mehan snan (kune): is snan ko ling snan, ya indriya snan bhi kahte hain. iske avishkarakarta shri dae. lui kune hain. yah snan stri rogon men vishesh labhdayak hota hai.
if you are facing any type of problems in your life you can consult with astrologer in delhi