iyar kaindling arthat kan ka mombÿai se upchar, jiska upyog sare sansar men sadiyon se hota raha hai. kanon ke upchar ki is vidhi men prakritik vastuon se bani khokhli mombÿai ko kan men pravesh karakar use jalaya jata hai. isse kanon tatha dimag ka tap sakriya hota hai. yah vidhi rogi ko sukh aur aram pahunchati hai.
kanon aur kanon ke jarie dimag, nak v gale ke upchar ki yah vidhi 2500 i.pu. se prachalan men hai. iske sakshya uÿari aur dakshini amerika, eshiya, misra aur yunan men pae gae hain. madhumakkhi ke chaÿo ka mom ismen prayukt mombÿai ka mukhya ghatak hai. isse yah saf ho jata hai ki yah pranali tabhi se prachalan men ai jab manav ne madhumakkhi palan shuru kiya.
prakritik upchar ki yah ek aisi adbhut pranali hai jiske dvara kan, nak v gale ki bimariyon ka upchar bahut sahjta v saflta se ho jata hai. ismen rogi ko kisi bhi prakar ka koi kasht nahin hota. yah upchar bahut kam samay men apna prabhav dikha deta hai. yah pranali behad sasti hone ke karan sarvasulabh hai. ek bar ke ilaj men lagabhag chalis se pachas minat lagte hain.
jaisa ki upar bataya gaya hai, mom ke bane lagabhag das inch lanbe patle paip ko kan men vishesh taknik se lagakar uske bahri sire ko jalaya jata hai jiske karan usmen vaikyum ban jata hai. yah vaikyum kan, nak v gale tak ki barik se barik nason par apna prabhav dalta hai.
isi vaikyum ke raste kan men jama mail bahar khinch ata hai. is choti si saral vidhi se kan, nak v gale ki purani se purani bimari ka ilaj sanbhav ho jata hai. is ilaj men n koi dard hota hai aur n hi ismen koi jokhim hai. sainas, jukam, maigren, siradard, elarji, fangas jaisi samasyaon ka ilaj is vidhi se kiya jata hai.
uncha sunai dene, jo bachapan men sainas ke bigar jane ke karan hota hai, ka ilaj bhi isse safltapurvak ho jata hai. ek 30 varshiya mahila ko bachapan se bahut kam sunai deta tha. use tin-char bar ke upchar se hi ashcharyajanak labh hua aur uski shravan shakti vapas a gai. ek anya mahila ko aisa lagta tha mano koi uske kan men bolta hai.
jab uske kan men vibhinn svar ate the to vah svayan par se niyantran kho baithti thi aur ghar men rakha jo bhi saman samne hota tha use fenkna shuru kar deti thi. janch karne par pata chala ki bachapan men uska sainas ganbhir rup se bigar gaya tha aur kan ka prakritik mom jam gaya tha. faltah tej hava chalne par use aisa lagta tha mano koi adrishya shakti kuch bol rahi hai.
isse usmen behad chirchirapan a jata tha aur uska vyavhar uÿojak ho jata tha. iyar kaindling ke upchar se uski samasya dur ho gai. ek anya rogi ne apna kan kisi chikitsak se saf karaya. kan ki gahrai men us chikitsak ke upakaran se chot lag gai.
iske falasvarup uske kan se mavad niklta rahta tha. iyar kaindling ke upchar se use labh mila. is upchar men ek hi parhej hai- kam se kam chaibis ghante tak thande pey, aisakrim v eyar kandishan se rogi ko dur rahna hai. upchar ke chaibis ghante bad tak rogi ko apne sir par pani nahin dalna chahie, varna upchar ka prabhav khatm ho jaega.
kanada ke kuch vaigyanikon ne is vidhi ko adhunik rup men viksit kiya hai. unhonne janglon men apne pravas ke dauran kuch jan jatiyon ko isi prakar ki taknik ka prayog karte dekha. unhonne utsuktavash iske bare men vistar se pata kiya.
ve log mom ke lagabhag ek mitar lanbe paip ka prayog kar nak, kan v gale ki samasya ka upchar karte the. vaigyanikon ne ise aur saral banane ke lie lagabhag das inch lanbe do paipon ko ek ek kar donon kanon men lagakar prayog kiya. unke is prayog se ashcharyajanak rup se saflta mili.
is prakar kan ki samasyaon ka unhonne ek saral upchar khoj liya. pratyek vyakti ko samanya rup se chah mahine men ek bar iyar kaindling avashya karani chahie taki kan ki samy-samay par safai hoti rahe. niyamit safai se kisi bhi prakar ke ganbhir rog se bacha ja sakta hai.
yah upchar saral to hai, par iska prayog bina soche-samjhe nahin karna chahie. ismen atyant savdhani ki jarurat hoti hai, atah iska prayog kisi yogya chikitsak ke margadarshan par hi karna chahie.
if you are facing any type of problems in your life you can consult with astrologer in delhi