ekyupankchar chini chikitsa paddh ti hai, jiska chalan chin men pichle do hajar varshon se hai. in do hajar varshon men is paddhati ka chin men kafi vikas hua hai aur lanbe daur se gujrne ke bad yah samay ki kasauti par khari utri hai.
aj ke ati adhunik samay men, jabki pashchimi deshon men chikitsa ke kshetra men itna vikas ho raha hai, fir bhi un deshon ne ekyupankchar vidhi ko saharsh svikara hai aur bimari par vijay prapt karne ki iski adbhut kshamata ka loha mana hai.
ekyupankchar ek siddhant hai, ek vichardhara hai, ek jivan shaili hai, ek paddhati hai, jisse manushya apne sharir ka antrik vikas us star par le jata hai, jahan usmen rog se larne ki adbhut kshamata a jati hai. mansik taur par use gahan shanti ki prapti hoti hai, faltah vah mansik aur sharirik star par nirbal se sabal ho jata hai. sanpurn chin men ekyupankchar chikitsa mukhya rashtriya dhara ke sath juri hai. skul se hi bachchon ko ekyupreshar ke siddhanton par adharit malish ki shiksha di jati hai.
prathmik shiksha ke star se hi ek kaksha khas taur par aisi malish ke lie surakshit rakhi jati hai, jismen ve ekyupreshar par adharit malish ka abhyas karte hain. shayad is chikitsa pranali ke karan hi ve dirghayu hote hain.
pure chin men ekyupankchar sikhane ke lie bare-bare vishvavidyalay khule hue hain aur vahan skuli shiksha ke bad panch varsh ki parhai ke uprant ekyupankchar snatak ki upadhi pradan ki jati hai. ekyupankchar men snatkottar aur shodh ki vyavastha bhi hai. par yah sab chini bhasha men hi sikhaya jata hai.
videshi daektaron ke lie vishvavidyalay men alag se vishesh pathyakram angreji bhasha ke madhyam se chalae jate hain. in pathyakramon men ekyupankchar ke bare men buniyadi pathyakram se lekar uchchatar pathyakramon tak ki parhai karai jati hai. chin men jab bhi koi bimar parta hai to sarvapratham vah ya to paranprik chikitsa vibhag men jata hai, ya fir ekyupankchar ke madhyam se apna ilaj karata hai.
vishva men sabse adhik jansankhya vala desh hone par bhi usne apni paranprik chikitsa paddhati evan ekyupankchar ka bakhubi istemal karte hue sanpurn nagrikon ki svasthya sanbandhi samasyaon ka safal samadhan kiya hai. yah ilaj bina dava ke ya bina sarjari ke hota hai. is paddhati men atyant barik suiyan sharir ke vibhinn bhagon men lagai jati hain aur unhen adhe ghante tak chor diya jata hai.
in suiyon ki adbhut kshamata ke karan rog kabu men ane lagta hai aur bimar thik hone lagta hai. sui ko kis jagah lagana hai aur kis disha men kitni gahrai tak sharir men pravesh karana hai, yah sab chikitsak ki sujh-bujh par nirbhar karta hai. samanyatah prayatn yahi kiya jata hai ki suiyon ka prayog kam se kam kiya jae aur marij ko kam se kam bar bulaya jae.
is paddhati men prayah das se bis suiyon ka istemal ek bar men kiya jata hai aur das se bis din tak rogi ko bulaya jata hai. is avdhi men marij ki bimari kafi had tak kabu men a jati hai. yahi parinam marij ke age chalne vale ekyupankchar ke kors ko nirdharit karte hain. yadi rogi ko kafi aram hai to use kam samay ke lie lanbe antral ke bad bulaya jata hai. par yadi aisa nahin hai to use jaldi bulana parta hai.
anek bimariyon men use dobara bulaya bhi nahin jata aur marij hamesha ke lie thik ho jata hai. suiyan chubhate samay marij ko dard ka vishesh ehsas nahin hota. mamuli si pratit hone vali sir dard ki kashtadayak samasya bimar vyakti ko sharirik aur mansik taur par bahut pareshan karti hai. siradard chahe kisi bhi prakar ka ho, usse chutkara dilane men ekyupankchar ka yogdan mahatvapurn hota hai.
prayah pandrah dinon ke ilaj se marij ko isse puri tarah se mukti mil jati hai. lekin chikitsa ke kshetra men har bimar ke thik hone ka tarika alg-alag hota hai. kuch marij ek-do dinon men hi thik ho jate hain par kuch ko thik hone men pandrah din se bhi adhik ka samay lag jata h.ai jin lage a ne ka e siradard aksar pareshan karta rahta ho aur iske karan jinki vyaktigat aur samajik jindgi dubhar ho rahi ho, unke lie ekyupankchar ek vardan hai.
chin se nikalakar ekyupankchar is samay pure vishva men bari teji se fail raha hai. anek viksit deshon jaise jarmani, amerika, inglaind, japan, aestreliya, kanada adi men iske saikron kendra sthapit ho chuke hain jahan n keval ekyupankchar se ilaj kiya jata hai, balki ekyupankchar ki shiksha bhi di jati hai. pure vishva men elopaithi ke daektar is paddhati ke vishesh prashikshan ke lie chin ka bhraman karte rahte hain aur shiksha prapt karke apne-apne deshon men ekyupankchar se ilaj karte hain.
if you are facing any type of problems in your life you can consult with astrologer in delhi