navratra men karen man durga ka saralatam anushthan daya shankar mishra shakti tatva ke dvara hi yah sanpunr a brahmand sanchalit hai. srishti, raksha tatha sanhar ye tinon kriyaen shakti dvara hi sanpann hoti hain. isilie devi ko trigunatmak kaha gaya hai.
tantra shastra men tin gunon ki charcha hoti hai- satvagun, rajogun aur tamogun. satvagun prakashamay hai. ismen keval prakash, gyan aur achchai hai arthat keval sadgun hai.
book navratri special puja online
‘‘kriya’’ rajogun hai tatha ‘‘sthiti’’ arthat ek akar prapt kar lena tamogun hai. in tin gunon ki deviyan hain- mahasarasvati, mahalakshmi aur mahakali. ye tinon alg-alag svarup anttah ek rup men samahit ho jate hain aur vah rup hai ‘durga’ jiski aradhna ham matrirup men karte hain kyonki matrirup men komlta, sanvednshilta, sneh, karuna, prem ye sabhi gun dikhai dete hain.
isilie bhartiya sanskriti men ishvar ke rup ki pratham kalpana matrirup men ki gai hai jismen koi dushit bhavna aur chal-kapat nahin rahta. rahe hanai keval prem, komlta, sneh, sanvednshilta aur karuna. shakti upasna bhi utna hi prachin hai jitna ved. yahi karan hai ki rigved men indra, varun, yam, surya, vishn au, agni evan rudra adi devon se sanbaddh sukton ke sath indrani, varunani, yami, ushas esan rudrani ki bhi saman rup se upasna ki gai hai tatha ‘svaha’ ko agni ki patni ke rup men svikar kiya gaya hai.
vastutah dev hon ya deviyan, sabhi ki stuti men shakti ki aradhna hi uska muladhar hai. vishva ka bare se bare vyaktitva kyon n ho, shakti se rahit hone par koi apne ko tadvihin nahin manta ya vishnu hin ya brahmahin nahin kahta. sabhi shaktihin kahe jate hain.
iski vyapkta isi se siddh hoti hai ki keval ek sthan men hi nahin pratyut ganv-ganv men, ghar-ghar men deviyon ka kisi n kisi rup men sthan hai, kisi n kisi rup men unki puja hoti hai.
ved ho ya tantra, gyan ho ya bhakti, nirgun ho ya sagun, lokachar ho ya vedant sarvatra shakti ki hi pramukhta dekhi jati hai. pauranik sahitya men unka varnan kahin dev-patni men kahin apsara to kahin paravak, kali, durga, shraddha, maya, sita, savitri, annapurna, lakshmi, sarasvati, pitanbra, baglamukhi, ghumavti, raj-rajeshvari, tripursanudri ya bhagvti bhuvneshvari rup se milta hai. ataev kamarthi, moksharthi sabhi ke lie bhagvti upasna parmavashyak hai.
book online nav durga puja this navratri
gun ki apeksha gunatray ki samyavastha utkrisht aur tadrupa maya ya prakriti hi jiska svarup hai, us bhagvti ki upasna hi parmotkrisht hai. vahi brahmavidya hai, vahi jagajjanani hai, usi se sara vishva vyapt hai. varansi men svayan shiv ‘durga’ ka tarak mahamantra dekar hi mokshapad pradan karte hain.
vyas ji ko devi durga ne sahasradal kamal par ankit apne devi puran ka darshan karaya tha jise vyas ji ne usi prakar devi puran men udghrit kiya. atah shakti ki upasna ke lie durga saptashati se bara koi shastra nahin hai jo artha-dharma-kam-moksh dayini hai.
chaitra mas men navratri tatha ashvin mas men navratri divya shakti ki upasna ke do pavan evan mahatvapunr a avasar mane jate hain. ram navmi ko shri ram ki puja hoti hai aur durga navratri men man durga ki. jahan ram bhagvan ke avtar hain vahin man durga shakti ki pratik hain.
devi puja samagra brahmand tatha charachar jagat ke mul karan ki puja hai jo sab ke lie kalyankari hai. is par vyakti, samaj, rashtra evan sanpurn vishva ka kalyan nirbhar hai. navratri ke samay ham svayan ko is satya ke prati punah pratibaddh karte hain ki ishvarechcha sada vijyi hoti hai.
man sab ki hai- achche, bure, dhani, garib, papi, dharmatma sab uski santan hain. man se prem sarvopri hai aur yahi sabki raksha karta hai, agyan ka avaran hatata hai aur mukti pradan karta hai. man ki puja ya upasna is prem ki abhivyakti hai. puja ka vidhan tantrik vidhan hota hai jiski sanpunr a vidha prarthana, dipak. agarabatti, ful, puja ka kram evan mantra, sabki ek spasht vyavastha hai jiske dvara ham daivi shaktiyon ko jagrat karte hain.
mantra ka uchcharan shuddh tatha lay sunishchit hone anyatha vinash ki sthiti a sakti hai. shakti ki upasna keval unki sukhaprad shaktiyon ko jagrat karne ke lie hi ki jani chahie. man ki puja shighra falibhut hoti hai atah niyamon ka palan avashya hona chahie.
shraddha evan bhakti se ki gai puja sarvashreshth hoti hai. durga saptashati batati hai ki hamare jivan men devi aradhna ki prasangikta, mahatva aur prayojan kya hai. ismen sat sau shlok hain tatha ismen man ki aradhna ki vidhi aur unki mahima ka gungan kiya gaya hai.
durga jivan ki durgati ko dur karti hai arthat durga sakshat durgatinashini hai jo ‘artha’ aur ‘kam’ ki durgati ko dur kar ‘dharma’ aur ‘moksha’ ki bhavna manushya jivan men sthapit karti hai. jo shakti aisa karti hai use durga shakti kahte hain tatha isi ki aradhna durga saptashati men di gai hai. durgasaptashati men ek kahani ati hai jiske anusar mahishasur ke atank se pareshan hokar devtaon ne apne-apne tej ko samahit kar arthat apni-apni sankalp shakti ko samahit kar man durga ka rup diya.
durga ka svarup ek vishva rup hai arthat shakti ka vishvarup hai jise sabhi devtaon ne milakar apni-apni pratibha, samathrya, buddhi aur bal se yukt kiya. navratri parva hamen jivan ko samjhne ka prayas karne ka sandesh deta hai.
is avasar par durga saptashati ka vidhivat path kiya jata hai jo apne samanya tarike se kafi samay leta hai tatha am taur par atyant kathin pratit hota hai. durga saptashati ke path ki aj ke janjivan men avashyakta tatha samyabhav ki jivnshaili dhyan men rakhte hue is bat ki avashyakta mahsus ki gai ki koi aisi vidhi ho jismen kam se kam samay men sanpunr a path pura kiya ja sake aur path puri tarah shuddh, sanpurn evan faldayak ho to adhikadhik sankhya men log is or pravritt honge tatha apne jivan ko man durga ki kripa se bhar kar saflta prapt kar sakenge.
yahan par ek svanubhut gupt path vidhi ka varnan kiya ja raha hai, jo shabar tantra ke anusar nishkilit path vidhi hai. yah vidhi purnataya dosh rahit evan kam se kam samay men purn faldayi hai. saptashati ke pratham adhyay men dhyan mahakali ka tatha bij mantra mahasarasvati ka diya hua hai.
yahi kilit hai. navarn mantra se pranav ‘¬’ ko hata kar tantra ke pranav ‘hrin’ ko laga kar das varn se nau varn men parivartit kiya gaya hai. shabar tantra adharit durga saptashati path ki nishkilit vidhi guru smaran, isht namn:
1. kilakam
2. argala
3. kavacham
4. ‘hrin klin ain chamundayai vichche’ ka ek mala jap (mala-kanklaksh ya rudraksh ki honi chahie)
5. dvitiya adhyay ke shlok 9 se 36 tak (gita pres dvara prakashit pustak se) ka path.
6. chaturth adhyay ka path
7. ‘hrin klin ain chamundayai vichche’ ka ek mala jap.
8. pratham adhyay ke 72 se 87 tak ke shlokon ka path.
9. ‘hrin klin ain chamundayai vichche’ ka ek mala jap.
10. ekadash adhyay ka path
11. ‘hrin klin ain chamundayai vichche’ ka ek mala jap
12. vedokt evan tantrokt devi ka ek mala jap.
if you are facing any type of problems in your life you can consult with astrologer in delhi