jivan aur svasthya ke lie amrit tulya shahad prakriti ki manav ko anupam den hai. yah mahaj ek khadya padarth nahin, balki iske anek aushdhiya gun hain. fulon ke parag se madhumakkhiyon dvara nikala gaya yah padarth manushya ke svasthya ka sanvarddhan to karta hi hai, use urja aur sfurti bhi deta hai.
yahan iske vibhinn aushdhiya gunon ka ullekh prastut hai. shahad ka dava ke rup men prayog kab shuru hua is bare men koi nishchit ray nahin hai. misra men chikitsa ke madhyam ke rup men iska prayog isa purva 16vin shatabdi men shuru hua.
mesopotamiya tatha asiriya men bhi iske istemal ka itihas bahut purana hai. bharat ki upchar paddhati men yah ati prachin kal se upyog men laya jata raha hai. ise sanjivak ki sangya di gai hai aur kaha jata hai ki bhojan ke sath shahad ke sevan se ayu barhti hai.
shahad men 80 pratishat prakritik chini, 19 pratishat jal aur 2 pratishat khanij ki matra rahti hai. iske atirikt ismen vitamin, paelen aur protin ki matra bhi rahti hai. is tarah ismen mukhyatah fal sharkara, draksha sharkara aur jal ki adhikta pai jati hai.
shahad men pae jane vale pinosenbrin aur pinobainksin jaise entiaeksident svasthyavardhak hote hain. ismen pae jane vale oligosaikraids ke karan iska upyog dayriya aur entibayotiks ke bure prabhav se mukti ke lie kiya jata hai. shahad ka upyog ghavon ke upchar men bhi kiya jata hai.
apne parasaran ai gunon ke karan, yah ghol ke rup men ek nam ghav upcharak vatavaran ka nirman karta hai jo ghav ke utkon se chipkta nahin hai. shahad shoth aur risav ko anya kisi bhi dava se jald kam kar sakta hai.
ismen maujud sharkara ghav ki nami ko sokh leti hai aur usmen vidyaman jivanuon ko khatm kar deti hai. nyujilaind sthit vaikato vishvavidyalay ke hani risarch yunit men shodh kar chuke dae. pitar molan ke shodh ke anusar yah ghav sankraman utpann karne vale sat jivanuon ko khatm kar deta hai.
shahad sharir ki bahri evan andruni sankraman se bhi raksha karta hai. shodh se pata chala hai ki iski kuch khas kismen pet ke andar alsar paida karne vale jivanuon ko mar deti hain. nyujilaind men alsar se pirit anek rogiyon ko rojana 4 chammach shahad ka sevan karane par unhen bahut aram mila.
sharir ke vibhinn angon ke poshan evan rogon ke upchar men shahad is prakar gunkari hota hai-
hridy: hriday ki manspeshiyan satat kam karti rahti hain, jismen urja ka atyadhik nash hota hai. aise men urja ki punah prapti ke lie unhen sharkara ki jarurat parti hai. shahad ka hriday par labhdayak prabhav parta hai kyonki ismen pai jane vali sharkara asani se pach jati hai. hriday ke vibhinn rogon se grast rogiyon ke hriday ki durbal manspeshiyon ka poshan bhi karta hai. rojana ausatan 70 gram shahad lene se hriday rogi apne ko behatar mahsus karte hain, unka rakt dosh dur hota hai, himoglobin ke star men vriddhi hoti hai aur kardiyovaiskular ke peshi sankoch men sudhar hota hai.
mastishka: halka jalyukt shahad rakt men 7 minat ke andar ghul jata hai. ismen maujud chini ke svatantra anu mastishk ke karya ko sucharu karte hain kyonki chini ka sarvadhik upyog mastishk hi karta hai. prakhyat chikitsak ibn sina ke anusar chaval ke manr ke sath shahad ka sevan karne se chehre ke lakve men aram milta hai. is tarah shahad mastishk ka rakshak hai, jo aghat se raksha karta hai, griva-dhamni ko thik rakhta hai, antahstariya karya ko sucharu aur kharab kolestrael ko kam kar maikroenjiyo- paithij ke khatre ko kam karta hai.
shvasan tantra: shitoshn jalvayu aur aise sthanon par jahan tapman men utar-charhav adhik ata ho, shahad kaf tatha munh, gale ya sans men ho rahi uttejna aur sankraman ke upchar men kam ata hai. jivanurodhi gunon ke atirikt shahad men purane kaf tatha gal-shoth ko dur karne ke gun bhi hote hain. shahad ka bhap lene se band nak khul jati hai. iske inhin gunon ke karan kaf sirap aur ekspektorent men iska bharpur istemal kiya jata hai. shodh se pata chala hai ki yah influenja ke kitanuon ko khatm kar rogi ko flu se bachata hai.
kolestraeel niyantran: chay ke 16 auns pani men tin bare chammach shahad aur tin chote chammach dalchini milakar sevan karne se kolestrael ka barha star do ghanton ke andar andar 10 pratishat tak kam ho jata hai. shahad aeksideshan ko bhi niyantrit rakhta hai.
amashy: shahad amashay ke rogon ko bhi dur karta hai. iske sevan se dast aur pechish se raksha karta hai. subah khali pet ek chammach shahad aur adha chammach ninbu ka ras ek gilas garm pani men milakar sevan karne se pet svasth rahta hai. yah bhukh jagata hai aur pachan shakti ko durust rakhta hai. halke garm shahad ko gehun ke thore chokar ke sath milakar aur fir use thanda kar sevan karne se kabj dur hota hai. do bare chammach shahad men dalchini ka churn milakar sevan karne se esiditi dur hoti hai.
ankhen: jivanu aur shoth nirodhi gunon ke karan shahad ka upyog ankhon ke ilaj men bhi kiya jata hai. akhon ke chikitsak fuli, motiyabind adi se bachav ke lie iske upyog ki salah dete hain. kintu iska upyog kisi yogya chikitsak ki salah par hi karna chahie.
dant: shahad mitha hone ke bavjud danton ki raksha karta hai. adhyayan se pata chala hai ki yah amla utpad ko teji se kam karta hai aur danton ke ksharan aur jivanuon ki utpatti ko rokta hai.
rakta: shahad men rakt utpadan ke lie avashyak urja hoti hai. iske atirikt yah rakt ki safai men sahayak hota hai aur rakt sanchar ko niyamit karta hai.
vajn: chini ki tulna men shahad 40 pratishat kam kailori deta hai. yah sharir ko paryapt urja pradan karta hai, par vajan nahin barhata. roj subah nashte se adha ghante pahle khali pet aur rat men sone ke samay ek kap garm pani men adha chammach shahad aur dalchini ka churn milakar niyamit rup se lete rahne se vajan kam hota hai. isse sharir men vasa ki matra bhi nahin barhti.
siradard tatha maigren: bhojan ke sath do chammach shahad lene se maigren se raksha hoti hai.
anidra rog: gungune pani ya dudh ke sath ek chammach shahad lene se anidra rog dur hota hai. yah manushya ke kharab ho chuke snayu tantra ko thik karta hai.
tanav: roj pani ke sath shahad lete rahne par tanav se mukti milti hai.
banjhpn: shahad banjhapan dur karne men bhi sahayak hota hai. shayad yahi karan hai ki uttari yurop men navvivahit dampatiyon ke lie ‘hanimun’ ki pratha chali, jismen unhen shahad khane aur shahad se bani madira ka pan karne ki salah di jati thi.
jahrile kiron ka dansh: kisi jahrile kire ke katne par ek bhag sukhe chune, char bhag shahad aur char bhag jaitun ke tel ka lep sharir ke prabhavit bhag par lagane se jahar ka prabhav dur ho jata hai.
ganjapn: sir ke ganje bhag ko pyaj se tab tak ragren jab tak ki vah bhag lal n ho jae. fir us par shahad lagaen. isse bal panap sakte hain.
shravan shakti: roj subah aur rat ko dalchini ke sath shahad lete rahne se shravan shakti ki kami dur hoti hai.
kainsr: japan aur aestreliya men hue shodhon se pata chala hai ki shahad pet tatha haddiyon ke kainsar se mukti dila sakta hai. kainsar se pirit rogiyon ko ek chammach shahad ek chammach dalchini ke sath ek mahine tak din men tin bar lete rahna chahie.
durgandhyukt sans: dakshin afriki log pratahkal sabse pahle ek chammach shahad aur dalchini ke churn ko garm pani men milakar garara karte hain. isse unki sans din bhar taja rahti hai aur durgandh nahin niklti.
tvacha: shahad tvacha ke lie atyant pushtikar hai. yah tvacha men nami paida karta hai aur use jhurriyon se bachata hai. tin chammach shahad aur ek chammach dalchini ke churn ka lep do saptah tak rat ko sone se pahle muhanson par lagakar subah garm pani se dho dene par muhanse dur jate hain.
iske atirikt shahad aur dalchini ke saman bhag ka lep niyamit istemal karte rahne se ekjima, dad, tvacha ke anya kai rog dur hote hain. shahad aur ayurvedik aushdhi bharat ki paranprik chikitsa paddh ti ayurved men shahad ke gunon aur usse upchar ka vishad ullekh hai. is upchar paddhati men iska upyog shvasan sankraman, munh ke ghav, motiyabind adi rogon men khas taur se kiya jata hai. sath hi iska upyog taenik ke rup men bhi kiya jata hai.
if you are facing any type of problems in your life you can consult with astrologer in delhi